Հայաստանի ապահովագրական ոլորտի հարկային վճարները 2016 թվականի առաջին կիսամյակում ավելացրել է 21.2% տարեկան

Արմինֆո. Հայաստանի ապահովագրական ոլորտը 2016 թվականի առաջին կիսամյակում վճարել է 1.1 մլրդ. դրամի հարկեր, տարեկան աճը` 21,2%: Նշված գումարի 1 մլրդ դրամը կազմել են ուղղակի հարկերը (այդ թվում`եկամտահարկ և շահութահարկ), ինչը 20,3% գերազանցում է անցյալ տարվա ցուցանիշը: Ըստ ՀՀ Պետական ​​եկամուտների կոմիտեի տվյալների, Հայաստանի 1000 խոշորագույն հարկատուների ցանկում 2016 թվականի առաջին կիսամյակում տեղ են գտել երկրի ապահովագրական շուկայում գործող 6 ընկերությունները:

Առաջատարն է «Ռոսգոսստրախ Արմենիա» ընկերությունը, որն զբաղեցրել է 210 տեղը (նախորդ տարի` 179 տեղ), պետական ​​բյուջեին վճարելով 283.3 մլն դրամ, այդ թվում 263 մլն դրամի ուղիղ հարկեր (եկամտահարկ և շահութահարկ): յնուհետև հաջորդում է «ԻՆԳՈ Արմենիա» ընկյերությունը` 218 տեղ (նախորդ տարի`247 տեղ), վճարելով պետական ​​բյուջեին 267,5 մլն դրամ, որից 248,3 մլն դրամը`ուղղակի հարկեր, «Նաիրի Ինշուրանսը» - 245 տեղ (նախորդ տարի`660 տեղ), վճարելով պետական ​​բյուջեին 240 մլն դրամ, այդ թվում 231 մլն դրամի շահութահարկ և եկամտահարկ, «Արմենիա Ինշուրանսը» - 438 տեղ (նախորդ տարի`471 տեղ), վճարելով 122 մլն դրամ, որից 117 մլն.դրամի շահութահարկի և եկամտահարկ, «Սիլ Ինշուրանսը» - 498 տեղ (նախորդ տարի`582 տեղ), վճարելով 106 մլն դրամ, այդ թվում 100 մլն.դրամի շահութահարկ և եկամտահարկ, «ՌԵՍՈ» - 723 տեղ (նախորդ տարի`510 տեղ), վճարելով 70 մլն դրամ, այդ թվում 66.4 մլն.դրամի շահութահարկ և եկամտահարկ:

Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի, Հայաստանի ապահովագրական ոլորտի ընդհանուր կուտակված շահույթը 2016 թվականի հուլիսի 1-ին հասել է 3.999 մլրդ. դրամի, աճելով տարեկան կտրվածքով`2,5 անգամ: Մինչև հուլիսի 1-ը կուտակված շահույթ արձանագրվել է 4 գործող ընկերություններում: Առաջին տեղում է, կուտակված շահույթի գծով, «Ռոսգոսստրախ Արմենիան» - 1.97 մլրդ դրամ (տարեկան աճը`6,5 անգամ), երկրորդ տեղումում`«Արմենիա Ինշուրանսը» - 1,7 մլրդ դրամ (տարեկան աճը`31.1% ), երրորդն է «Նաիրի Ինշուրանսը» - 880.3 մլն դրամ (տարեկան աճը`22.2%), չորրորդ տեղում է «ԻՆԳՈ Արմենիան» - 763.3 մլն դրամ (տարեկան աճը` 2.2 անգամ): 1.3 մլրդ/դրամի ընդանուր վնաս են կուտակել «Սիլ Ինշուրանսը» և «ՌԵՍՈ» -ն: 2016 թվականի առաջին կիսամյակն ապահովագրական ոլորտը եզրափակել է 2.97 մլրդ դրամ շահույթով (տարեկան աճը`75,2%), իսկ զուտ շահույթը կազմել է` 2,6 մլրդ դրամ (տարեկան աճը`74%): Զուտ շահույթի գծով առաջին երեք առաջատարներն են` «Ռոսգոսստրախ Արմենիա», «ԻՆԳՈ Արմենիա» և «Նաիրի Ինշուրանս» ընկերությունները: (ՀՀ դրամի հաշվարկային փոխարժեքը 30.06.2016թ. դրությամբ կազմել է 476.68 դրամ / $ 1):