ՎՏԲ-Հայաստան Բանկը ՌՈՍԳՈՍՍՏՐԱԽ ԱՐՄԵՆԻԱ ընկերության հետ համատեղ առաջարկում է «Ընտանիք» նոր ապահովագրական ծրագիրը

Արմինֆո. Այսուհետ ՎՏԲ-Հայաստան Բանկում կարելի է ձևակերպել ՌՈՍԳՈՍՍՏՐԱԽ ԱՐՄԵՆԻԱ ընկերության դժբախտ պատահարներից ապահովագրության «Ընտանիք» պայմանագիրը:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, «Ընտանիք» ապահովագրական ծրագիրը հաճախորդին հնարավորություն է ընձեռում ապահովագրել դժբախտ պատահարներից ոչ միայն իրեն, այլև նաև ընտանիքի 3-70 տարեկան (ներառյալ) անդամներին, որոնք նրա հետ վարում են համատեղ տնտեսություն: «Ընտանիք» ապահովագրական պայմանագրի համաձայն փոխհատուցման ենթակա են դժբախտ պատահարի հետևանքով ստացված մարմնական վնասվածքները, 1-3-րդ խմբերի հաշմանդամությունը և այլն: Ապահովագրության պայմանագիրը կնքվում է 1 տարի ժամկետով և գործում է ՀՀ տարածքում:

Ապահովագրությունը ձևակերպելու համար հաճախորդը ներկայացնում է միայն իր անձը հաստատող փաստաթուղթը, և անհրաժեշտություն չկա ներկայացնելու հավելյալ տեղեկություններ և/կամ փաստաթղթեր ընտանիքի անդամների վերաբերյալ:

Ապահովագրական պայմանագրի կնքման պայմանների մասին առավել մանրամասն տեղեկություններ կարեռլի է ստանալ ՎՏԲ-Հայաստան Բանկի 65 մասնաճյուղերից մեկում, www.vtb.am  կայքում կամ զանգահարելով Բանկի Միասնական տեղեկատվական կենտրոն՝ 8787 հեռախոսահամարով:

Նշենք, որ ՎՏԲ-Հայաստան Բանկը ՎՏԲ միջազգային ֆինանսական խմբի անդամ է դարձել 2004 թվականի ապրիլից: Ներկայումս Ռուսաստանում երկրորդ խոշորագույն ՎՏԲ Բանկը տիրապետում է «ՎՏԲ-Հայաստան Բանկե ՓԲԸ 100% բաժնետոմսերին: Իր հիմնական ցուցանիշներով Բանկն ավանդաբար գտնվում է Հայաստանի բանկային համակարգի առաջատարների շարքում, ունի 67 մասնաճյուղ, որոնց միջոցով իր ներկայությունն է ապահովում երկրի բոլոր մարզերում:

Հիշեցնենք, որ ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թվականի մայիսին և գործում է Հայաստանի Հանրապետության կողմից 2008 թվականի մայիսի 20-ին տրված «ոչ կյանքի ապահովագրությունե իրականացման ԱՊՈ թիվ 0009 լիցենզիայով: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ: Ընկերության կանոնադրական կապիտալը կազմում է 4,5 միլիարդ դրամ: ՌՈՍԳՈՍՍՏՐԱԽ ԱՐՄԵՆԻԱ ընկերությունը ներկայացված է Հայաստանի բոլոր քաղաքներում, ունի 50 գրասենյակ, այդ թվում`19 մասնաճյուղ, որից 15-ը գործում է Երևանում, իսկ 35-ը`Հայաստանի մարզկենտրոններում և խոշոր քաղաքաներում: 2011 թվականի դեկտեմբերին ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունն առաջինը Հայաստանում աշխարհահռչակ Moody International կազմակերպությունից ստացավ ISO 9001:2008 ստանդարտին համապատասխանության սերտիֆիկատ: Ընկերությունը դժբնախտ պատահարների ապահովագրության գծով գտնվում է շուկայի առաջատարների եռյակում: 2015 թվականի արդյունքներով ընկերությա ապահովագրակամն պրեմիենրի ընդհանուր ծավալը կազմել է 119.3 մլն.դրամ, հատուցումները կազմել են 6.1 մլն.դրամ: 2015 թվականը Ռոսգոսստրախ-Արմենիան» եզրափակել է 1.1 մլրդ դրամ զուտ շահույթով, ամրապնդելով առաջատարի իր դիրքերը նաև այս ցուցանիշով: 2016 թվականի առաջին եռամսյակում ընկերությունն ապահովել է ապահովագրական պրեմիաների 12.2% տարեկան աճ, իսկ ապահովագրական հատուցումներն աճել են 12 անգամ: