Օգոստոսի 22-26-ը Հայաստանի միջբանկային և ներբանկային շուկաներում դիտվել է արտարժույթի ակտիվ վաճառք, իսկ առքի ծավալները նվազել են

Արմինֆո. Օգոստոսի 22-26-ը Հայաստանի ներբանկային շուկաներում դիտվել է արտարժույթի ակտիվ վաճառք, ինչը դոլարի նկատմամբ դրամն արժեզրկեց ընդամենը`474.5-ից մինչև 475 դրամ/դոլար, ամրապնդելով եվրոն`538-ից մինչև 536 դրամ/եվրո, իսկ ռուբլու նկատմամբ` 7.5-ից մինչև 7.3 դրամ/ռուբլի մակարդակ: Դրան զուգահեռ, արտարժույթի միջբանկային շուկայում գործարքների քանակն ավելացավ 2.1 անգամ (նախորդ շաբաթ տեղի ունեցած եռակի անկումից հետո):

Արտարժույթի բորսայական հարթակը տարեսկզբից հազվադեպ է գործել – մեկական գործարք մարտ-մայիս ամիսներին, մասնավորապես, մարտին`100 հազ.դոլար, ապրիլին`2950 դոլար և մայիսին`800 հազ.դոլար, որին կրկին հետևեց լռությունը: Կենտրոնական բանկն առաջին կիսամյակում դոլար է գնել հունիսին (50.2 մլն.դոլար) և ապրիլին (2.4 մլն.դոլար), և վաճառել` հունվարին (53.1 մլն.դոլար) և փետրվարին (41.5 մլն.դոլար): Արդյունքում, ՀՀ դրամը 2016 թվականի առաջին կիսամյակում 482 դրամից ամրապնդվեց մինչև 477 դրամ/դոլար մակարդակ, բայց մինչ այդ հասցրեց արժազրկվել մինչև 496 դրամ/դոլար մակարդակ (փետրվարի 12-ին), 479 դրամից մինչև 484.5 դրամ/դոլար (ապրիլի առաջին տասնօրյակում), 479 դրամից մինչև 480.5 դրամ/դոլար (մայիսի կեսերին), 478 դրամից մինչև 479 դրամ/դոլար (հունիսի սկզբին) և 476 դրամից մինչև 477 դրամ/դոլար (հունիսի 30-ին): Հետագայում, հուլիսի առաջին կեսին դրամն ամրապնդվեց 477 դրամ/դոլար մակարդակում, որից հետո ամրապնդվեց 476 դրամ/դոլար մակարդակում, բայց արժեզրկման տրամադրությունները վերջին շաբաթվա ընթացքում դրամը կրկին վերադարձրին 477 դրամ/դոլար մակարդակ: Բայց օգոստոսին դրամը տրամադրվեց դեպի արժևորում, մինչև օգոստոսի 19-ն ամրապնդվելով 474.5 դրամ/դոլար մակարդակում, հետագայում, մինչև օգոստոսի 26-ն աննկատ արժեզրկվելով մինչև 475 դրամ/դոլար մակարդակ:

Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, արտարժույթի միջբանկային շուկան օգոստոսի 22-26-ն ավելացրեց ամենօրյա ծավալները, առավելագույն ծավալն արձանագրելով երկուշաբթի օրը – 2.3 մլն. դոլար, իսկ նվազագույնը` ուրբաթ օրը – 500 հազ.դոլար: Ընդհանուր հաշվով, օգոստոսի 22-26-ը արտարժույթի միջբանկային շուկայի շաբաթական ծավալը կազմեց 8.3 մլն.դոլար (նախորդ շաբաթ`4 մլն.դոլար), միջին կշռված փոխարժեքը ձևավորելով 474.95 դրամ/դոլար մակարդակում (նախորդ շաբաթ` 475.65 դրամ/դոլար): Դրան զուգահեռ, ներբանկային շուկայում դոլարի գնման ծավալը օգոստոսի 22-26-ը կրճատվեց 22% (նախորդ շաբաթ` 54.1% աճ), եվրոյով գործարքներում գնումները կրճատվեցին 5% (նախորդ շաբաթ` 25.6% անկում), իսկ դոլարի և եվրոյի վաճառքները համապատասխանաբար աճեցին`14% և 40% (նախորդ շաբաթ` 9.2% և 3% անկում): Այս ֆոնին պահպանվեց ռուբլիով գործարքների տարաբնույթ ուղղվածությունը, գնումներով`7.7% անկում (նախորդ շաբաթ`7% աճ, իսկ վաճառքների ծավալներն ավելացել են 31% (նախորդ շաբաթ` 6.8% անկում): Արդյունքում, գնվել է 72.9 մլն.դոլար, 473.56 դրամ/դոլար միջին փոխարժեքով, 5.7 մլն.եվրո, 533.11 դրամ/եվրո փոխարժեքով և 1.2 մլրդ.ռուբլի, 7.31 դրամ/ռուբլի միջին փոխարժեքով, իսկ վաճառվել է 78.9 մլն.դոլար, 475.30. դրամ/դոլար միջին փոխարժեքով, 13.9 մլն.եվրո, 537.15 դրամ/եվրո միջին փոխարժեքով և 493.9 մլն.ռուբլի, 7.41 դրամ/ռուբլի միջին փոխարժեքով:

Աղբյուրի համաձայն, նախորդ շաբաթ (օգոստոսի 15-20-ը) Հայաստանի բանկերի կողմից տրամադրվել է 43 մլրդ դրամի և 32 մլն դոլարի վարկեր: Շաբաթական դինամիկան տարաբնույթ ուղղվածություն ուներ, դոլարով տրամադրված վարկերի ծավալը կրճատվել է 20%, իսկ դրամով տրամադրված վարկերի ծավալն աճել է 34%, մինչդեռ, դրան նախորդող շաբաթ (օգոստոսի 8-13-ը) երկու դեպքում էլ տրենդը վայրընթաց էր,  դոլարով տրամադրված վարկերի անկումը կազմել էր 41.7%, իսկ դրամով վարկերի ա անկումը`11%:

Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկումային տրամադրությունները  դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, փետրվարի 12-ին դոլարի նկատմամբ արժեզրկվելով մինչև 496 դրամ/դոլար մակարդակ, բայց մարտին սկսեց ամրապնդվել և մարտի 25-ին հասավ 482 դրամ/դոլար մակարդակ, ընդամենը դանդաղեցնելով եվրոյի և ռուբլու նկատմամբ արժեզրկումը: Հետագայում, ապրիլի կեսերից դրամը դոլարի նկատմամբ սկսեց ամրապնդվել, ապրիլի 29-ին`479 դրամ/դոլար մակարդակում, շարունակելով այդ միտումները նաև մայիսին: Մայիսի 31-ին դրամն ամրապնդվեց 478 դրամ/դոլար մակարդակում, եվրոյի նկատմամբ` 532 դրամ/եվրո, իսկ ռուբլու նկատմամբ` 7.3 դրամ/ռուբլի մակարդակներում: Հունիսի առաջին կեսը ՀՀ դրամի համար զուսպ դեվալվացիոն էր, բայց հետո տեղի ունեցավ ամրապնդում`հունիսի 30-ին դրամը դոլարի նկատմամբ ամրապնդվեց 477 դրամ/դոլար մակարդակում, եվրոյի նկատմամբ` 529 դրամ/եվրո, իսկ ռուբլու նկատմամբ` 7.4 դրամ/ռուբլի մակարդակում: Հուլիսին դրամը դոլարի նկատմամբ պահպանվեց 477 դրամ/դոլար, եվրոյի նկատմամբ`532 դրամ/եվրո, իսկ ռուբլու նկատմամբ`7.1 դրամ/ռուբլի մակարդակներում: Օգոստոսի 1-26-ը դրամը դոլարի նկատմամբ ամրապնդվեց 475 դրամ/դոլար մակարդակում, եվրոյի նկատմամբ արժեզրկվեց մինչև 536 դրամ/եվրո մակարդակներում, իսկ ռուբլու նկատմամբ`մինչև 7.3 դրամ/ռուբլի մակարդակ