«Թանկարժեք մետաղների և թանկարժեք քարերի պետական գանձարան» գործակալությունը բարձրացրել է թանկարժեք մետաղների գները

Արմինֆո. Սեպտեմբերի սկզբից  Հայաստանում թանկարժեք մետաղների գները 3 շաբաթ անընդմեջ անկում էին, սկայն ընթացիկ շաբաթ դրանք բարձրացել են 2,6%-ով` նախորդ շաբաթվա 1,9% դիմաց: Ընդ որում թանկարժեք մետաղներից առավել կտրուկ փոխվել են արծաթի և պլատինիումի գները:

Ինչպես ԱրմԻնֆո գործակալությանը տեղեկացվել է ՀՀ ֆինանսների նախարարությանն «Թանկարժեք մետաղների և թանկարժեք քարերի պետական ​​գանձարան» գործակալությունից, սեպտեմբերի 12-ից մինչև 18-ը սահմանվել են թանկարժեք մետաղների հետևյալ գները` մեկ գրամ ոսկու վաճառքի գինը - 20397,92  դրամ (շաբաթվա դինամիկան 1,3% անկումից  1,7% աճ), արծաթ – 299,73 դրամ է (շաբաթական դինամիկան` 0,3% անկումից  4.9% աճ), պլատինիում – 16504,25 դրամ (շաբաթվա դինամիկան 3,6% անկումից  2,5% աճ), պալադիում - 10471,66  դրամ (շաբաթվա դինամիկան` 2,6% անկումից 1,4% աճ):

2016 թվականի սկզբից թանկարժեք մետաղների գները բարձրացել են 25,4%-ով, ընդ որում առավել աճը բաժին է ընկել արծաթին` 35,6%, դրան հետևում են ոսկին` 22,5%, պլատինիումը` 22% և պալադիումը 21,4%: