Արմինֆո. Եվրամիության էներգախնայողության օրերի և Վերակառուցման ու զարգացման եվրոպական բանկի «Էներգոկրեդիտ» ծրագրի շրջանակում սեպտեմբերի 28-ին կայացել է համաժողով Հայաստանի գործարար հանրության համար: Ինչպես նշել է Եվրաբանկի Երևանի գրասենյակի ղեկավար Մարկ Դևիսը, ՎԶԵԲ հիմնական նպատակը Հայաստանի կայուն և մրցունակ տնտեսության ձևավորումն է, այդ թվում` էներգասպառման ոլորտի արդյունավետության ապահովման ճանապարհով:
125 մլն դոլար ծավալի ֆինանսական մեխանիզմը Կովկասի էներգաարդյունավետության ծրագրի մի մասն է: Ծրագիրը գործարկվել է 2007 թվականին` մասնավոր հատվածին և բնակարանատերերին էներգատարողության նվազեցման և էներգիայի նորացվող աղբյուրների ավելի լայն կիրառման գործում ֆինանսական աջակցության նպատակով: ՎԶԵԲ կողմից ֆինանսավորվող ծրագիրն ապահովված է ԵՄ հարևանության ներդրումային հիմնադրամի միջոցներից դրամաշնորհով և իրագործվում է Ավստրիայի ֆինանսների դաշնային նախարարության տեխնիկական աջակցությամբ:
ՎԶԵԲ «Էներգոկրեդիտ» ծրագրի խորհրդատվական խմբի Հայաստանի գրասենյակի ղեկավար Կարեն Արաբյանի ասելով, վերջին 3 տարում այդ ֆինանսական գործիքի միջոցով շուրջ 15 մլն եվրո է տրամադրվել Հայաստանի ավելի քան 9 հազար տնային տնտեսությունների և 17 կազմակերպությունների: Դա թույլ է տվել տնտեսել շուրջ 128 ԳՎտ էներգիա, , ինչը հավասարազոր է 10 հազար տնային տնտեսությունների էներգիայի տարեկան սպառմանը, և 23 հազար տոննայով կրճատել CO2 արտանետումները մթնոլորտ: Ինչպես հայտարարել է ՎԶԵԲ Երևան գրասենյակի ղեկավար Մարկ Դևսը, Հայաստանը սակավ էներգապաշարներ ունեցող երկիր է, և այստեղ պետք է աշխատանք տարվի արդյունավետ էներգասպառման ավելացման ուղղությամբ` արտաքին աղբյուրներից երկրի էներգետիկ կախվածությունը նվազեցնելու նպատակով: Ինչպես նշել է Հայաստանում ԵՄ պատվիրակության համագործակցության բաժնի ղեկավար Խոա Բին Աջեմյանը, այդ նպատակին կարելի է հասնել էներգախնայողության նոր մոտեցումների կիրառման ճանապարհով` ինչպես բիզնեսի, այնպես էլ տնային տնտեսությունների կողմից:
Հայաստանի էկոնոմիկայի նախարարի տեղակալ Հայկ Հարությունյանի կարծիքով, ծրագիրը ցույց է տվել, որ այդ ուղղությամբ արդյունավետ քաղաքականության հիմնական երաշխիքը ճիշտ ֆինանսական գործիքի առկայությունն է: Ինչպես պարզաբանել է Հարությունյանը, ժամանակակից կենցաղային տեխնիկայի, մասնավորապես, սառնարանի օրինակով կարելի տեսնել, որ էներգախնայողության արդի չափանիշներով տեխնիկայի ձեռք բերմամբ կարելի է հասնել էներգասպառման մինչև 70-80% տնտեսման: Նրա հավաստմամբ, էներգախնայողության ազգային ծրագրի շրջանակում արդեն առաջին փուլի արդյունքում մինչև 2015 թիվը հաջողվել է երկու անգամ գերակատարել տնտեսման ծրագիրն էներգակիրների ոլորտում` նախապես ծրագրված 3,3%-ի ֆոնին: Ամրագրված արդյունքների հիման վրա մշակվել է նոր ծրագիր` մինչև 2018 և 2020 թվականները, որում առաջադրված են ավելի հավակնոտ նպատակներ` էներգիայի առաջնային սպառման ոլորտում հասնել մոտ 40% կրճատման:
2007 թվականին գործարկված ՎԶԵԲ «Էներգոկրեդիտ» ծրագիրը նպատակաուղղված է էներգետիկ պաշարների սպառման բարելավմանը փոքր և միջին ձեռնարկությունների, տեղական ընկերությունների և տնային տնտեսությունների շրջանում: Տարածաշրջանային գործընկեր բանկերի միջոցով ծրագիրը նպաստում է բանկի Հաստատուն էներգետիկայի նախաձեռնությանը, որը խթանում է կայուն ներդրումների տարածումը ողջ տարածաշրջանի էներգետիկայի բնագավառում: Ծրագիրն ընկերություններին և բնակարանատերրին թույլ կտա իրականացնել անցում անարդյունավետ սարքավորումից ու տեխնոլոգիայից ավելի էներգաարդյունավետ և բարձրարդյունավետ օբկեկտների, որոնք, վերջին հաշվով, զգալի արդյունք կտան և կնպաստեն տևական ժամանակի ընթացքում էկենտրաէներգիայի ծախսերի կրճատման: ՎԶԵԲ «Էներգոկրեդիտ» ծրագրի շրջանակում հաճախորդների ֆինանսավորումն իրականացվում է գործընկեր բանկերի` «Էյչ-Էս-Բի-Սի Հայաստանի», Ամերիաբանկի, «ԱԿԲԱ-Կրեդիտ Ագրիկոլ» բանկի, «ԱԿԲԱ լիզինգի», Ինեկոբանկի, «ՍԵՖ Ինթերնեշնլի» և «ԱրմՍվիսԲանկի» հետ համագործակցության պայմաններում: Եվրոպական հարևանության ներրդումային ծրագրի աջակցությամբ այդ ֆինանսավորումը հիմնական շահառուներին` փոքր և միջին ձեռնարկություններին, ինչպես նաև կորպորատիվ հաճախորդներին թույլ է տալիս օգտվել վարկերի 10-15% վերադարձի հնարավորությունից: Ծրագրի շրջանակում և Ավստրիայի ֆինանսների նախարարության աջակցությամբ միջազգային փորձագետների թիմը նաև խորհրդատվական ծառայություններ է տրամադրում:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին