ՀՀ բանկային համակարգի վարկային պորտֆելում 2016 թվականի սեպտեմբերի դրությամբ շարունակում է գերիշխել արտարժութային բաղադրիչը - 62%

Արմինֆո. Հայաստանի բանկային համակարգի վարկային պորտֆելում 2016 թվականի սեպտեմբերի 1-ի դրությամբ շարունակում է գերիշխել արտարժութային բաղադրիչը - 62% կամ 1.351 տրլն. դրամ տարեկան կտրվածքով աճը`7.4%: Միևնույն ժամանակ, ՀՀ դրամով վարկավորման մասնաբաժինը կազմել է 38% կամ 679.4 մլրդ դրամ, տարեկան աճ` 7,3%:

Ըստ ՀՀ Կենտրոնական բանկից ԱրմԻնֆո գործակալությանը տրամադրված ՀՀ Ազգային վիճակագրական ծառայության տվյալների, բանկային վարկավորման ընդհանուր ծավալը 2016 թվականի սեպտեմբերի 1-ի դրությամբ աճել է 6.5%, մինչև 2.189 տրլն. դրամ: Առանց երկարաձգված և ժամկետանց վարկերի, Հայաստանի բանկային համակարգի վարկային ներդրումները տարեկան կտրվածքով ավելացել են 7.3%, մինչև 2.030 տրլն դրամ:

Երկարաձգված և ժամկետանց վարկերի մասնաբաժինը մինչև սեպտեմբեր համապատասխանաբար կազմել է 5.13% (նախորդ տարի` 5,9%) և 2.13% (նախորդ տարի` 2.08%): Տարեկան կտրվածքով ժամկետանց վարկերի ծավալը Հայաստանի առևտրային բանկերում ավելացել է 9.2%, սեպտեմբերի 1-ին կազմելով 46.7 մլրդ դրամ, իսկ երկարաձգված վարկերը կրճատվել են 7,4%, մինչև 112.3 մլրդ.դրամ: Ընդ որում, երկարաձգված վարկերի մեջ, ինչպես և նախկինում, գերակշռում են երկարաժամկետ վարկերը, իսկ ժամկետանց վարկերի մեջ գերիշխում են կարճաժամկետները փոխարինվել են երկարաժամկետ վարկերով:

Ըստ վիճակագրական տվյալների, դրամով վարկերի միջին տոկոսադրույքը 2016 թվականի  օգոստոսին ձևավորվել է 17.44% մակարդակով (նախորդ տարվա 18.86% փոխարեն): (ՀՀ դրամի միջին փոխարժեքը 31.08.2016 դրությամբ կազմել է 474,75 դրամ/$ 1):