Մինչև 2016 թ. հոկտեմբերն ԱՊՊԱ հատվածում հատուցումների տարեկան անկումը դանդաղել է 14.3% -ից մինչև 1.5%, իսկ ԿԱՍԿՈ հատվածում` 20,4% -ից մինչև 3,8%

Արմինֆո. Հայստանի ապահովագրողների ապահովագրական հատուցումների ծավալը 2016 թվականի 9 ամիսներին կազմել է 10.04 մլրդ դրամ կամ $ 21.2 մլն (ցուցանիշները բերված են ըստ ընկերությունների հյաշվետվոյթունների, համաձայն ՀՀ ԿԲ ստանդարտների): Ապահովագրական հատուցումները տարեկան կտրվածքով աճել են 4,8%: Միևնույն ժամանակ, ապահովագրական պրեմիաները տարեկան կտրվածքով աճել են ընդամենը 0.3%, կազմելով $ 23,7 մլրդ. դրամ կամ $ 49.9 մլն: Ըստ ԱրմԻնֆո գործակալության` Հայաստանի Ապահովագրական ընկերությունների Ռենկինգի, ապահովագրական հատուցումների ծավալների տարեկան աճն ապահովել են չորս ընկերություններ, իսկ ամենամեծ ծավալով`«Սիլ Ինշուրանսը» - 17,3% և «Ռոսգոսստրախ-Արմենիան» - 11.5%, իսկ հատուցումների գծով տարեկան անկում են գրանցել «ԻՆԳՈ Արմենիան» - 6.1% և «Արմենիա Ինշուրանսը» - 5.5%:

Ըստ ապահովագրական դասերի, հատուցումների ծավալների տարեկան ամենամեծ աճն արձանագրվել է`ֆինանսական ռիսկերի ապահովագրության հատվածում - 6.7 անգամ, բեռնափոխադրումների ապահովագրության հատվածում - 2.6 անգամ, ցամաքային տրանսպորտի պատասխանատվության ապահովագրության հատվածում - 99,2% և գույքի ապահովագրության հատվածում - 89 8%: Իսկ հատուցումների ամենամեծ անկումն արձանագրվել է ընդհանուր պատասխանատվության ապահովագրության հատվածում - 73.9%: ԱՊՊԱ հատվածքում հատուցումների ծավալները տարեկան կտրվածքով դանդաղել է անկումը`14.3% -ից մինչև 1.5%, իսկ ԿԱՍԿՈ հատվածքում` 20,4% -ից մինչև 3,8%: Առողջության ապահովագրության հատվածքում հատուցումների տարեկան դինամիկայի 38,6% անկումը փոխարինվել է 14,1% աճով, դժբախտ պատահարների  ապահովագրությնա հատվածքում անկումը կազմել է 27,2%: Բեռնափոխադրումների ապահովագրության հատվածքում տարեկան դինամիկան արձանագրել է 2,6 անգամ աճ: Վարկերի և ավիացիոն ռիսկերի ապահովագրության հատվածներում հատուցումներ չեն գրանցվել:

Ամենամեծ ծավալով ապահովագրական հատուցումներն ավանդաբար արձանագրել է «Ռոսգոսստրախ-Արմենիա» ընկերությունը - 3,6 մլրդ դրամ (զբաղեցնելով առաջին տեղը նաև պրեմիաների ծավալներով): Երկրորդ տեղում է «ԻՆԳՈ Արմենիան» - 2,3 մլրդ դրամ, իսկ երրորդն է «Սիլ Ինշուրանսը» - 1,5 մլրդ դրամ: Այնուհետև հաջորդում են` «Նաիրի Ինշուրանսը» - 1.3 մլրդ դրամ, «ՌԵՍՈ» - 830,3 մլն դրամև «Արմենիա Ինշուրանսը» - 499,7 մլն դրամ:

Ամենամեծ ծավալներով ապահովագրական հատուցումներն ավանդաբար բաժին են ընկել ԱՊՊԱ հատվածին - 59.82%, կամ 6.01 մլրդ դրամ: Առողջության ապահովագրության մասնաբաժինը կազմել է ընդհանուր ծավալի 25.54%-ը կամ 2,6 մլրդ դրամ: ԿԱՍԿՈ հատվածքում հատուցումները կազմել են 787.8 մլն. դրամ կամ ընդհանուր ապահովագրական հատուցումների 7.85%-ը: Ֆինանսական վնասների ապահովագրության մասնաբաժինը կազմել է 4.18% կամ 419.3 մլն դրամ: Ապահովագրական մյուս դասերով հատուցումները տատանվում են 4.3-69.2 մլն դրամի սահմաններում, որտեղ Ընդհանուր պատասխանատվության մասնաբաժինը կազմել է 0.04%, իսկ գույքի ապահովագրության մասնաբաժինը` 0.7%:

Տարվա առաջին 9 ամիսների ընթացքում Հայաստանի ապահովագրական ընկերություններն արձանագրել են ավելի քան 130 հազար ապահովագրական պատահար, որոնց մեծ մասը տեղի էթ ունեցել բժշկական ապահովագրության հատվածքում - մոտ 97 հազար պատահար: ԱՊՊԱ հատվածքում արձանագրվել 30,354 ապահովագրական պատահար, ԿԱՍԿՈ հատվածքում` 1548 պատահար: Հայաստանի ապահովագրական շուկաում ներկայումս գործում է 2 պարտադիր ապահովագրության տեսակ`ԱՊՊԱ-ն և բյուջետային աշխատողների պարտադիր բժշկական ապահովագրությունը:

Նշենք, որ Հայաստանի ապահովագրական շուկայում ներկայումս գործում են 6 ընկերություններ, որոնք ապահովագրական աշխատում են 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ, որին ըստ լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում), 11 դասերի ապահովագրությամբ են զբաղվում «Սիլ Ինշուրանս», «Արմենիա Ինշուրանս» և ՌԵՍՈ ընկերությունները, և 10 դասերով` «Նաիրի Ինշուրանս» ընկերությունը: (ՀՀ դրամի միջին հաշվարկային փոխարժեքը 30.09.2016 թ. կազմել է 474.46 դրամ/դոլար):