Հայասատնում կդյուրացնեն վարկերի ստացումը օրինապահ հարկատուների համար

Արմինֆո. ՀՀ Պետական եկամուտների կոմիտեն ցանկանում է ներդնել օրինապահ հարկատու հասկացությունը: Այս մասին ՀՀ կառավարության նոյեմբերի 10-ի նիստում հայտարարել է վարչապետ Կարեն Կարապետյանը:

Ըստ վարչապետի, ՊԵԿ ղեկավար Վարդան Հարությունյանի նպատակը կայանում է նրանում, որպեսզի հարկատուների շրջանում հաստատվի այնպիսի մի ավանդույթ, որպեսզի այդ խմբի համար դյուրացվի հայկական բանկերից արտոնյալ պայմաներով վարկ ստանալը: «Ինչ եք կարծում, պրն.Ջավադյան, իրագործելի է արդյոք դա»,-հարցրել է վարչապետը, դիմելով ՀՀ ԿԲ նախագահին: Ի պատասխան, Արթուր Ջավադյանը հայտարարել է, որ նման ընկերութունների գործունեությունը խթանելու համար հնարավոր է ստեղծել արտոնությունների մի համակարգ, համապատասխան փոփոխություններ կատարելով բանկային հաստատութունների կանոնակարգերում: «Վստահ եմ, որ առևտրային բանկերի հետ աշխատանքի արդյունքում կարելի հասնել արդյունքների և խթանել վարկերի տրամադրումն այն ընկերութոյւններին, որոնք աշխատում են թափանցիկ»,-հայտարարել է Արթուր Ջավադյանը:

Ըստ Կենտրոնական բանկի տվյալների, որոնք ԱրմԻնֆո գործակալությանն են տրամադրվել ՀՀ Ազգային վիճակագրական ծառայությունից, բանկային վարկավորևան ընդհանուր ծավալը 2016 թվականի հոկտեմբերի 1-ի դրությամբ տարեկան կտրվածքով աճել է 7.7%, մինչև 2.190 տրլն.դրամ, եռամսյակային աճը`0,9%: Առանց երկարաձգված և ժամկետանց վարկերի, Հայաստանի բանկային համակարգի վարկային ներդրումները տարեկան կտրվածքով ավելացել են 9.2%, իսկ եռամսյակային կտրվածքով`1,6%, մինչև 2.038 տրլն. դրամ: