«Ձմեռը ՎՏԲ-ի հետ» ակցիայի հաղթողը կստանա Hyundai Solaris ավտոմեքենա

Արմինֆո. ՎՏԲ-Հայաստան Բանկը և Visa ընկերությունն անցկացնում են անկանխիկ վճարումները խթանող «Ձմեռը ՎՏԲ-ի հետ» հերթական արշավը, որի հաղթողները կարող են շահել տարբեր մրցանակներ: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, արշավին ավտոմատ կերպով մասնակցում են ՎՏԲ-Հայաստան Բանկի բոլոր Visa քարտապանները, ինչպես նաև այն հաճախորդները, ովքեր այդ ակցիայի ընթացքում ձեռք կբերեն ՎՏԲ-Հայաստան Բանկի Visa քարտեր:

Աղբյուրի համաձայն, ակցիային մասնակցելու համար անհրաժեշտ է 2016թ. նոյեմբերի 20-ից մինչև 2017թ. փետրվարի 20-ն ընկած ժամանակահատվածում ՎՏԲ-Հայաստան Բանկի Visa քարտերով վճարել ցանկացած գումարի գնումների և ծառայությունների դիմաց թե Հայաստանի տարածքում և թե արտերկրում` ներառյալ ինտերներ գնումները (բացառությամբ բանկոմատի միջոցով կատարված կոմունալ և այլ անկանխիկ գործարքների):

Խթանող արշավի արդյունքում ակցիայի մասնակից - ՎՏԲ-Հայաստան Բանկի բոլոր այն Visa քարտապանների միջև, ովքեր կատարել են ամենամեծ գումարի 50 անկանխիկ գործարք և ամենաշատ քանակի 50 անկանխիկ գործարք, կխաղարկվի 10 կենցաղային տեխնիկա ստանալու սերտիֆիկատ, ինչպես նաև գլխավոր մրցանակը՝ ավտոմեքենա Hyundai Solaris.

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ՎՏԲ-Հայաստան Բանկ պլաստիկ քարտերի շուկայի առաջատարն է ոչ միայն քարտերի քանակով (ընդհանուր և Visa և MasterCard քարտերով), այլ նաև գործարքների ծավալներով (ընդհանուր և բանկեմատներով): Այսպես 2016 թվականի հոկտեմբերի 1-ի դրությամբ, Բանկն ունեցել է մոտ 518 հազար քարտ, որից մոտ 79%-ը կամ 408 հազարը եղել են Visa քարտեր: Տարեկան կտրվածքով բանկը քարտերի ընդհանուր թիվն ավելացել է 12.1%, պայմանավորված MasterCard քարտերի թվի 4.5 անգամ աճով, իսկ Visa քարտերն այդ ընթացքում նվազել են 4,5%: ՎՏԲ-Հայաստան Բանկի քարտերով պլաստիկ գործարքների ծավալը 2016-ի առաջին 9 ամիսներին կազմել է մոտ 160 մլրդ դրամ (տարեկան աճը` 11.5%), որտեղ գրեթե 147 մլրդ դրամ կազմել են բանկոմատներով գործարքները (տարեկան աճը`9,1%): 2016 թվականի հոկտեմբերի 1-ին բանկն ունեցել է 346 սեփական POS-թերմինալ և 156 բանկոմատ: Մինչև  2013թ. ՎՏԲ-Հայաստան Բանկը թողարկում և սպասարկում էր միայն VISA միջազգային քարտեր, ինչից հետո նույն տարվա սեպտեմբերից դառնալով MasterCard Worldwide միջազգային վճարային համակարգի լիիրավ անդամ, ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից զատ բանկը սպասարկում է նաև ArCa լոկալ քարտեր: Բանկն ունի սեփական պրոոցեսինգ: ՎՏԲ-Հայաստան Բանկը VISA International և MasterCard Worldwide միջազգային վճարային համակարգերի լիիրավ անդամ է:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004 թվականի ապրիլին: Ներկայումս ռուսաստանյան խոշորագույն «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների շարքում: Ներկա դրությամբ Բանկն ունի ամենալայն մասնաճյուղային ցանցը (67) ոչ միայն մայրաքաղաքում, այլև երկրի մարզերում: