Հայաստանը և Ռուսաստանն ստորագրել են ապրանքների ապօրինի շրջանառության և ինտեգրացիոն համագործակցության մասին հայտարարություն

Արմինֆո. ՀՀ տնտեսական զարգացման և ներդրումների նախարար Սուրեն Կարայանը և ՌԴ արդյունաբերության և առևտրի նախարար Դենիս Մանտուրովը նոյեմբերի 22-ին «Անտիկոնտրաֆակտ 2016» IV-րդ միջազգային երկօրյա համաժողովի շրջանակներում ստորագրել են Համատեղ հայտարարություն արդյունաբերական ապրանքների ապօրինի շրջանառության հակազդեցության ոլորտում համատեղ գործողությունների և այս ուղղությամբ ինտեգրացիոն փոխգործակցության խորացման վերաբերյալ:

ՌԴ արդյունաբերության և առևտրի նախարարի խոսքով, հաջորդ քայլը կլինի կոնտրաֆակտի դեմ պայքարի Պետական հանձնաժողովի ստեղծումը, որը կհամակարգի գերատեսչությունների գործունեությունը, որոնք շահագրգռված են ապրանքների ապօրինի շրջանառության հակազդեցության ոլորտում վերահսկիչ իրավապահ մարմինների կարգավորման մեջ, որոնք արդեն գործում են Ռուսաստանում, Ղազախստանում և շուտով` նաև Բելառուսում: «Ռուսաստանում այդ խնդիրը դրված է  կոնտրաֆակտի դեմ պայքարի Պետական հանձնաժողովի վրա, որն իր լիազորութոյւններն իրականացնում է ոչ միայն դաշնային ընդհանուր մակարդակով, այլ նաև տարածաշրջանային բաժանմունքներ ունի ՌԴ յուրաքանչյուր մարզում: Մեկ տարվա ընթացքում Հանձնաժողովն ավելի պրոբլեմային ոլորտների գծով պատրաստել է մի շարք օրենսդրական նախաձեռնություններ, մասնավորապես, ավիաշինարարության, թեթև արդյունաբերության, Ինտերնետ-առևտրի և այլ ոլորտներում»,-նշել է նա:

Ըստ Մանտուրովի, այսօր, ըստ փորձագետների գնահատականների, Ռուսատսնաում կոնտրաֆակտային ապրանքները տարբեր ոլորտներում կազմում են 5-30%: «Վստահ եմ, որ գործընկեր-երկրներում այս ցուցանիշն իր ծավալներով ավելի ցածր է »,-ընդգծել է նա, հավելելով, որ պրոբլեմն ուղղակիորեն հարվածում է ԵԱՏՄ անդամ-երկրների տնտեսություններին, մասնավորապես, ազդում է բյուջեի մուտքերի վրա, ինչպես նաև սպառնում բնակչության առողջությանը:

Նրա կարծիքով, թափանցիկ սահմանների և միասնական տնտեսական տարածության պայմաններում պրոբլեմը կարող է ընդունել ավել լայն մասշտաբներ: «Այս հարցում անհրաժեշտ է կառուցել հակազդեցության միասնական համակարգ, և յուրաքանչյուր պետություն պետք է իր վրա վերցնի ընդհանուր շուկայի երաշխավորի դերը»,-հայտարարել է ՌԴ նախարարը: Հաջորդ քայլերը, նրա խոսքով, արդեն արտացոլված են ռազմավարության նախագծում, որը կընդունվի մինչև տարեվերջ: «Անօրինական ապրանքաշրջանառության դեմ պայքարի համար ռազմավարությունն, առաջին հերթին, նախատեսում է տեղեկությունների հավաքման և փոխանակման միասնական համակարգի ստեղծում, տնտեսության ոլորտների գծով անօրինական շրջանառության ծավալների ընդհնաուր պատկերների համակցում, միասնական տեխնիկական ընթացակարգերի ընդունում, պատասխանատվության միասնական նորմերի մշակում, ինչպես նաև ապրանքների պիտակավորում, մասնավորապես, թեթև արդյունաբերության, դեղագործության, ավիաբաղադրիչների, թանկարժեք փայտի մշակման և այլ ոլորտներում»,-տեղեկացրել է Դ.Մանտուրովը:

Նա տեղեկացրել է, որ մինչև տարեվերջ կպատրաստվի ապրանքների ուղեկցման մեխանիզմների մասին համաձայնագիրը, ինչպես նաև քննարկման կներկայացվի ԵԱՏՄ մաքսային օրենսգիրքը`նոր խմբագրությամբ: «Ինտեգրացիոն գործընթացները զարգանում են, և մենք պետք է մշակենք համագործակցության բոլոր առանցքային մեխանիզմենրը, այդ թվում նաև կոնտրաֆակտի դեմ պայքարի գծով»,-եզրափակել է նա:

Նշենք, որ նոյեմբերի 22-ին Երևանում՝ «Արմենիա-Մարիոթ» հյուրանոցում, մեկնարկել է «Հակազդեցություն ԵԱՏՄ տարածքում ապրանքների ապօրինի շրջանառությանը, իրականություն և հեռանկարներ» խորագիրը կրող «Անտիկոնտրաֆակտ 2016» IV-րդ միջազգային երկօրյա համաժողովը։ Համաժողովի պաշտոնական բացման արարողությանը մասնակցել են ՀՀ փոխվարչապետ, Միջազգային տնտեսական ինտեգրման և բարեփոխումների նախարար Վաչե Գաբրիելյանը,  ՀՀ տնտեսական զարգացման և ներդրումների նախարար Սուրեն Կարայանը, ՌԴ արդյունաբերության և առևտրի նախարար Դենիս Մանտուրովը, Եվրասիական տնտեսական հանձնաժողովի կոլեգիայի անդամ, տնտեսական և ֆինանսական քաղաքականության նախարար Թիմուր Սուլեյմենովը, «Անտիկոնտրաֆակտ» միջազգային ասոցիացիայի նախագահ Ասլամբեկ Ասլախանովը, Եվրասիական տնտեսական հանձնաժողովի կոլեգիայի այլ անդամներ, պաշտոնյաներ ԵԱՏՄ անդամ երկրներից։