Արմինֆո. Իրանագետ Վարդան Ոսկանյանը համոզված է, որ Իրանի նախագնահ Հասան Ռուոհանիի այցը Հայաստան կկայանա առաջիկա դեկտեմբերին:
«Ռուոհանիի Հայաստան նախատեսված այցը հարկավոր է դիտարկել խորացող և դինամիկ զարգացող հայ-իրանական հարաբերությունների համատեքստում, հատկապես` վերջին շրջանում: Այդ առնչությամբ տնտեսական հարաբերությունները լրացուցիչ խթանման կարիք ունեն», - ասել է Ոսկանյանը նոյեմբերի 29-ին կայացած մամուլի ասուլիսում:
Ընդ որում փորձագետը կարծում է, որ այսօր Հայաստանը հանդես է գալիս որպես Սև ծովը Պարսից ծոցի հետ կապող կարևոր օղակ: «Երկկողմ համագործակցության ուղղություններից մեկն էլ մուլտիմոդալ (տարբեր փոխադրամիջոցների միջոցով) կոնտեյներային բեռափոխադրումներն են Եվրոպայից Իրան և հակառակ ուղղությամբ` Հայաստանի տարածքով տարանցմամբ, որն արդեն փորձարկվել է նոյեմբվերի 23-ին: Հայաստանը կարող է դառնալ Իրանը Եվրոպայի հետգ կապող կարևոր օղակ նաև Հյուսիս-Հարավ փոխադրամիջանցքի կառուցման համատեքստում: Իրանը շահագրգռված է Հայաստանի դերի մեծացմամբ Հայաստանով այլընտրանքային ուղիներ գտնելու հարցում` շրջանցելով Թուրքիան», - կարծում է Ոսկանյանը:
Նրա ասելով, Արդյունավետ կառավարման համար ևս մեկ ուղղություն է գազի ոլորտը: Փորձագետը հիշեցրել է, որ Իրանը փորձնական համաձայնագիր է կնքել Հայաստանի տարածքով Վրաստան գազի արտահանման շուրջ, ինչը թույլ կտա բարձրացնել հայկական կողմի դերն այդ հարցում: «Բացի այդ, Իրանը Հայաստանին գազ է մատակարարում ջերմային էլեկտրակայանների համար: Իսկ Իրան-Հայաստան և Հայաստան-Վրաստան էլեկտրահաղորդման երկու գծերի շինարարությունը գրեթե 10 անգամ կմեծացնի փոխադարձ հոսքերի ծավալի ներկայիս ցուցանիշները, ինչը լ Հայաստանին թույլ կտա դառնալ լուրջ տարանցիկ երկիր էլեկտրաէներգիայի համար», - ասել է իրանագետը:
Նա նաև կարծում է, որ երկկողմ հարաբերությունների ամրապնդման գործում լուրջ դեր է խաղացել վիզային ռեժիմի ազատականացումը, որը Հայաստանի քաղաքացիներին թույլ է տալիս անարգել տեղաշարժվել Սև ծովից մինչև Պարսից ծոց, ինչպես նաև մաքսային վարչարարության ոլորտում Հայաստանի և Իրանի համագործակցության շուրջ հուշագիրը, որով նախատեսվում է հայկական կողմի համար երաշխիքային և ճանապարհային վճարումների վերացում: «Հայաստանը նաև դիտարկվում է որպես դարպաս ԵԱՏՄ հետ Իրանի համագործակցության համար: Լավ մակարդակում են նաև գիտակրթական ոլորտի հայ-իրանական հարաբերությունները, սակայն կա մշակութային կապերի զարգացման ներուժ: Այդ առնչությամբ կարծում են, որ Ռոուհանիի այցը Հայաստան թույլ կտա ամփոփել համագործակցության արդյունքները և նախանշել նոր ուղղություններ», - ասել է Ոսկանյանը:
Ընդ որում նա հավելել է, որ ԻԻՀ ղեկավարի այցն արդիական է նախագահի պաշտոնում նրա լիազորությունների առաջին ժամկետի ավարտի տեսանկյունից. այն կարող է նրան թույլ տալ ընտրությունների ժամանակ որոշակի շահաբաժին ստանալ երկրի հայ համայնքի կողմից:
Ոսկանյանը նաև չի համաձայնել, որ Ռուսաստանը կարող է Հայաստանի և Իրանի նկատմամբ ճնշում գոծադրել գազի ոլորտում համագործակցության հարցում, ընդ որում, Թեհրանն ու Երևանը չեն կարող այդ հարցում հաշվի չառնել Մոկվայի կարծիքը:
