Արմինֆո. Ամուլսարի հանքավայրի շահագործման ծրագրի շրջանակներում կներդրվի բնապահպանական ապահովագրության համակարգ: Այս մասին դեկտեմբերի 1-ին լրագրողներին հայտնել է ՀՀ բնապահպանության նախարար Արծվիկ Մինասյանը կառավարության նիստից հետո:
Ըստ նրա, մշակողները է Ամուլսարի հանքավայրը շահագործողները երաշխավորում են ցանկացած ռիսկերի ապահովագրություն: «Կպահովագրվեն նաև երրորդ անձանց`բնակչությանը, համանքներին, պետությանը, իրավաբանական անձանց պատճառված վնասի պատասխանատվության ռիսկերը»,-հայտարարել է նախարարը:
Ըստ Մինասյանի, նախարարությունը հանդես է գալիս բնապահպանական ռիսկերի լիարժեք ապահովագրության համակարգի օրենսդրական մակարդակով ներդրման օգտին, ընդ որում, Հայաստանի հանքարդյունաբերության ողջ ոլորտի համար:
Նշենք, որ բրիտանական Lydian International Ltd ընկերությունն այսօր Հայաստանում իրականացնում է արդյունաբերական ամենախոշոր՝ Ամուլսարի ոսկու հանքավայրի շահագործման նախագիծը՝ 370 մլն դոլար ընդհանուր արժեքով: Ընթացիկ տարվա օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Մեկ ունցիայի ծախսը միջին հաշվով կազմում են 585 դոլար, իսկ ոսկու կորզման ընդհանուր ցուցանիշը – 87%: Ամուլսարի 370 մլն.դոլար արժեքով ծրագրի շրջանակներում կատարվող շինարարության ընթացքում կստեղծվի 1300 աշխատատեղ (շինարարական աշխատանքները կընթանան մոտ 2 տարի), իսկ հանքավայրի շահագործման ամբողջ ընթացքում կստեղծվի 650-700 աշխատատեղ:-
