Արմինֆո. Հայաստանի մետաղագործական ոլորտում 2016 թվականի 10 ամիսներին արտադրության ծավալը նվազել է 6.2%, նախորդ տարվա նույն ժամանակահատվածի 5.5% աճի համեմատ: Ըստ ՀՀ Ազգային վիճակագրական ծառայության տվյալների, 2016-ի հունվար-հոկտեմբերին ֆերոմոլիբդենի արտադրությունը Հայաստանում նախորդ տարվա նույն ժամանակահատվածի համեմատ աճել է 11.4%, մինչև 5262 տոննա: Միայն հոկտեմբերին արտադրվել է 648 տոննա ֆերոմոլիբդեն, ինչը 9.7% ավելի ծավալը օգոստոսի ծավալից:
Հունվար-հոկտեմբերին մոլիբդենի խտանյութի արտադրությունն աճել է 1.1%, մինչև 8885 տոննա, իսկ միայն հոկտեմբերին կրճատվել է 1.1%, մինչև 925 տոննա: Մոլիբդենի բրիկետների արտադրությունը կազմել է 367 տոննա (տարեկան անկումը`41.4%): Կոնվերտորային պղնձի արտադրությունն աճել է 13,7%, մինչև 9104 տոննա, նախորդ տարվա աճը`9,3%, իսկ ամսական արտադրությունը աճել է 21,4%, մինչև 1257 տոննա: Պղնձի խտանյութի արտադրությունն աճել է 30%, մինչև 326.2 հազար տոննա, նախորդ տարվա աճը`57%, իսկ միայն հոկտեմբերին արտադրության ծավալը կազմել է 32.9 հազար տոննա, ամսական անկումը`7.3%:
Ալյումինե փայլաթիթեղի տարեկան արտադրությունը հունվար- հոկտեմբերին կրճատվել է 3,7%, մինչև 23845 տոննա, իսկ միայն հոկտեմբերին նվազել է 22.9%, մինչև 1702 տոննա:
Պողպատե խողովակների արտադրությունը հունվար- հոկտեմբերին նվազել է 29.4%, մինչև 6270 տոննա (նախորդ տարվա աճը` 14%), իսկ միայն հոկտեմբերին նվազել է 18%, մինչև 869 տոննա: Ցինկի խտանյութի արտադրությունը նվազել է 29.8%, մինչև 6767 տոննա, որից միայն հոկտեմբերին արտադրվել է 620 տոննա, ամսական աճը`33,4%:
Հայաստանում արտադրված բոլոր մետաղները հիմնականում արտահանվում են Եվրոպա և Միացյալ Նահանգներ:
Նշենք, որ 2015 թվականին Հայաստանի մետալուրգիական արդյունաբերությունում ծավալները կրճատվեցին 15%: Մասնավորապես, ֆերոմոլիբդենի արտադրության անկումը կազմեց 14.6%, մոլիբդենի խտանյութի արտադրությունը նվազեց 11.6%, ալյումինե գլանվածքների արտադրությունը նվազեց 45,7%, ցինկի խտանյութինը նվազեց 23%:
Միևնույն ժամանակ, 2015 թվականին աճի արագացում արձանագրվեցին կոնվերտորային պղնձի արտադրությունում- 16%, մինչև 18.2%, պղնձի խտանյութի - 61.4%-ից մինչև 64,1%, ալյումինե փայլաթիթեղի-1,4% և պողպատե խողովակների արտադրություններում - 6,7%: