2016 թվականի հունվար-նոյեմբեր ամիսներին «Զվարթնոց» օդանավակայանում ուղևորահոսքն աճել է 11 տոկոսով

Արմինֆո. 2016 թվականի նոյեմբեր ամսին` 2015 թվականի նույն ամսվա հետ համեմատած՝ «Զվարթնոց» օդանավակայանում գրանցվել է ուղևորհոսքի 29 տոկոս աճ:
Ինչպես ԱրմԻնֆո գործակալությանը տեղեկացվել է ՀՀ Քաղաքացիական ավիացիայի գլխավոր վարչության մամուլի ծառայությունից, 2016 թվականի հունվար-նոյեմբեր ամիսներին ուղևորահոսքը կազմել է 1 916 522 մարդ, որը 11 տոկոսով աճել է նախորդ տարվա նույն ժամանակահատվածի համեմատ:
«Զվարթնոց» օդանավակայանում 2016 թվականին 11 ամիսներին բեռնափոխադրումը կազմել է 15 848 տոննա ապրանք, որը 84,1 տոկոսով ավելին է, քան 2015 թվականին է եղել:

Հիշեցնենք, որ 2013 թվականի հոկտեմբերի 23-ին ՀՀ կառավարությունն ընդունեց Հայաստանում ավիափոխադրումների ոլորտի ազատականացման մասին որոշում և հաստատեց «Հայաստանում ավիափոխադրումների մրցակցային և շարունակական ծառայությունների մատուցման ապահովման ծրագիրըե: Այն հիմնված էր Հայաստանի Ազգային մրցունակության հիմնադրամի (ՀԱՄՀ), McKinsey & Company ընկերության միջև կատարված համատեղ հետազոտության վրա: Նոր քաղաքականության արդյունքը շատ կարճ տևեց: «Բաց երկնքիե քաղաքականությունը, որը կառավարության կողմից հայտարարվեց 2013 թվականին «Արմավիա» ազգային ավիափոխադրողի սնակացումից հետո, հանգեցրեց հայաստանյան շուկայից օտարերկրյա ավիաընկերությունների համատարած փախուստի: Արդյունքում` ավիատոմսերի բարձր գների պատճառով հայ ուղևորներից շատերը նախընտրում են օգտվել հարևան Վրաստանի օդային ծառայություններից, որտեղ հաջողությամբ գործում են մի շարք եվրոպական լոուքոսթերներ: 

2014 թվականին Հայաստանից և դեպի Հայաստան օդային տրանսպորտով տեղափոխվել է 2 082 755 ուղևոր, տարեկան աճը`18.5%: Սակայն, արդեն 2015-ի հունվար-նոյեմբերին այս ցուցանիշն ընկավ`1 896 807-ից մինչև 1 726 545 ուևոր, իսկ բեռնափոխադրումները`9478-ից մինչև 8604 տոննա: 2015 թվականին դեպի Հայաստան օդային ուղևորափոխադրումներ են իրականացրել` Aegean Airways, Georgian Airways, Iraqi Airways, Al Naser, Mahan Air, Middle East airways, S7 Airlines, Czech, LOT, ռուսական «Саратовские авиалинии» և «Уральские авиалинии», Nordwind Airlines («Северный ветер»), «Իկար» (PEGAS FLY) ընկերությունները: Դեպի Հայաստան չվերթերի քանակը խոստացել է ավելացնել նաև «ՅուՏէյր» ավիաընկերությունը, որը հաղորդել է, որ մասնակցել է հաճախակի է դարձրել դեպի Երևան ուղևորափոխադրումների հոսքերը: Իսկ մի քանի օր առաջ ռուսաստանյան լոուքոստեր «Պոբեդա»  և բելգիական «Brussels Airlines» ընկերությունները նույնպես հայտարարեցին հայաստանյան շուկա դուրս գալու մասին: