Հայաստանի Զարգացման հիմնադրամում տեղի է ունեցել շահագրգիռ կողմերի հետ խորհրդակցություն`«Ներդրումների ներգրավումը և առաջխաղացման մեխանիզմները» խորագրով

Արմինֆո. Հայաստանի Զարգացման հիմնադրամում (DFA) դեկտեմբերի 16-ին տեղի է ունեցել շահագրգիռ կողմերի աշխատանքային հանդիպում``«Ներդրումների ներգրավումը և առաջխաղացման մեխանիզմները» խորագրով:

Ինչպես ԱրմԻնֆո գործակալությանը տեղեկացվել է Հիմնադրամի մամուլի ծառայությունից, քննարկումներին մասնակցել են բանկերի, ներդրումային ընկերությունների, խորհրդատվական ընկերությունների, անշարժ գույքի գործակալությունների, վենչուրային հիմնադրամների, ֆոնդային բորսայի ներկայացուցիչներ և աուդիտորներ:

«Սա մեր առաջին հանդիպումն է ներդրումային գործընթացներին ներգրավված կազմակերպությունների ներկայացուցիչների հետ: Ցանկալի է, որ նման հանդիպումները տեղի ունենան առնվազն եռամսյակը մեկ անգամ, ինչը թույլ կտա ավելի սերտորեն կարգավորել մեր համագործակցությունը», - ասել է DFA գործադիր տնօրեն Կարեն Մկրտչյանը:

Հանդիպման ընթացքում Կ.Մկրտչյանը ներկայացրել է հիմնադրամի առաքելությունը, որը կայանում է արտահանման խթանման, ներդրումների ներգրավման և զբոսաշրջության զարգացման մեջ: Մասնավորապես, խոսվել է հիմնադրամի կողմից իրականացված աշխատանքների մասին, որոնք ուղղված են օտարերկրյա ներդրումների ներուժի բացահայտմանը, Հայաստանում ներդրումային հնարավորությունների իրազեկության բարձրացմանը, ծառայությունների մատուցմանը ներդրողներին: Նա տեղեկացրել է, որ նոր ներդրումներ ներգրավելու համար 2017 թ-ին նախատեսվում է անցկացնել մեծ միջոցառումներ, որոնց կենտրոնում կլինեն ոչ միայն օտարերկրյա ներդրողները, այլ նաև հայկական սփյուռքի ներկայացուցիչները:

Նշենք, որ Հայաստանի կառավարության կողմից 2015 թ. Ստեղծված DFA Հիմնադրամի առաքելությունն է`խթանել տնտեսական աճը երկրում: Հիմնադրամի հիմնական նպատակն է`բարձրացնել Հայաստանի վարկանիշը և մրցունակությունը, ներդրումների ներգրավումը, արտահանման խթանումը, տուրիզմի զարգացումը: Իր ծրագրերի միջոցով Հիմնադրամը նպաստում է համագործակցությունը պետական ​​մարմինների և գործարարների միջև:

Ըստ ՀՀ Ազգային վիճակագրական ծառայության տվյալների, օտարերկրյա ներդրումների զուտ ներհոսքը դեպի Հայստանի տնտեսության իրական հատված 2016 թվականի հունվար-սեպտեմբերին կրճատվել է 72% տարեկան, մինչև 27 մլրդ դրամ (57 մլն դոլար), իսկ օտարերկրյա ուղղակի ներդրումները (ՕՈՒՆ) նվազել են 45%, մինչև 44,4 մլրդ դրամ (94 մլն.դոլար): Ըստ ոլորտների, ներդրումների զուտ ներհոսքով առաջատարն է  զբոսաշրջության ոլորտը: Կապիտալի հիմնական արտահոսքն ընկնում է Ռուսաստանին, հետևաբար, ներդրումների զուտ հոսքն այդ ուղղությամբ հայտնվել է մինուս 72.8 մլրդ դրամ մակարդակում (տարեկան անկումը 7 անգամ), նախորդ տարվա 14,2 մլրդ,-ի փոխարեն (տարեկան անկումը`62,8%): ՕՈՒՆ-ը Ռուսաստանից կրճատվել է մոտ 6 անգամ, դրական 14,4 մլրդ-ից մինչև մինուս 55,4 մլրդ դրամ, նախորդ տարվա անկումը`70,4%: Դրա հետ մեկտեղ, դեպի Հայաստան ներդրումներիմի կրճատումը դիտվել է նաև բազմաթիվ գործընկեր-երկրների գծով: Համեմատության համար նմշենք, որ մեկ տարի առաջ, 2015-ի հունվար-սեպտեմբերին օտարերկրյա ներդրումների զուտ ներհոսքը դեպի Հայաստանի տնտեսություն աճել էր 36.7%, իսկ ՕՈՒՆ-ը`16,8%:

Նշենք, որ Համաշխարհային բանկի նոյեմբերի կանխատեսման համաձայն օտարերկրյա ուղղակի ներդրումների (ՕՈՒՆ) զուտ ներհոսքի մասնաբաժինը երկրի ՀՆԱ-ում 2015 թվականի 1,6%-ից աճել էր մինչև 2.5% և այդ մակարդակում կպահպանվի նաև 2017 թվականին, որից հետո 2018-ին մի փոքր կնվազի, մինչև 2,4%: Ըստ վիճակագրության, 2015 թվականին Հայաստանի տնտեսությունում արտաքին ներդրումների զուտ ներհոսքը կրճատվել է 26,1%, մինչև 123.7 մլրդ դրամ կամ 255,6 մլն.դոլար: Օտարերկրյա ներդրումների զուտ ներհոսքում ՕՈՒն-ը 2015-ին կրճատվել է 39.9%, մինչև 70.4 մլրդ դրամ, կամ 145,6 մլն.դոլար: