Դեկտեմբերի 2-րդ տասնօրյակում դրամը դոլարի նկատմամբ պահպանեց դիրքերը, ամրապնդվելով եվրոյի և թուլանալով ռուբլու նկատմամբ

Արմինֆո. Հայաստանի արտարժույթի միջբանկային շուկայում դեկտեմբերի 12-16-ը ծավալներն աճել են 3 անգամ, նախորդ շաբաթվա 63% անկումից հետո, իսկ ներբանկային շուկայում կտրուկ ակտիվացան դոլարով և եվրոյով գործարքները, իսկ ռուբլու նկատմամբ հետաքրքրությունը կտրուկ ընկավ:

Արդյունքում, ընթացիկ շաբաթ դրամը դոլարի նկատմամբ իր դիրքերը պահպանեց 484.5 դրամ/դոլար մակարդակ մակարդակում,  եվրոյի նկատմամբ`505 դրամ/եվրո, իսկ ռուբլու նկատմամբ`7.9 դրամ/ռուբլի մակարդակներում: Մինչ այդ, հունվար-սեպտեմբերին, դրամը դոլարի նկատմամբ եվրոյի նկատմամբ ամրապնդվել էր` 482-ից մինչև 474 դրամ/դոլար մակարդակ, եվրոյի նկատմամբ արժեզրկվել էր` 529-ից մինչև 532 դրամ/եվրո մակարդակ, իսկ ռուբլու նկատմամբ` 6.9-ից մինչև 7.5 դրամ/ռուբլի մակարդակ, բայց հոկտեմբերին տեղի ունեցավ դոլարի նկատմամբ դրամի արժեզրկում, մինչև 476 դրամ/դոլար մակարդակ, եվրոյի նկատմամբ` մինչև 521 դրամ/եվրո, իսկ ռուբլու նկատմամբ` մինչև 7.5 դրամ/ռուբլի մակարդակ: Արտարժույթի բորսայական հարթակը տարեսկզբից հազվադեպ է գործել – մեկական գործարք մարտ-մայիս ամիսներին, մասնավորապես, մարտին`100 հազ.դոլար, ապրիլին`2 950 դոլար և մայիսին`800 հազ.դոլար, որից հետո կրկին հաջորդեց լռությունը: Կենտրոնական բանկն առաջին կիսամյակում դոլար է գնել հունիսին (50.2 մլն.դոլար) և ապրիլին (2.4 մլն.դոլար), և վաճառել` հունվարին (53.1 մլն.դոլար) և փետրվարին (41.5 մլն.դոլար):

Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, արտարժույթի միջբանկային շուկան դեկտեմբերի 12-16-ն ընկած ժամանակահատվածքում բարձրացրեց ամենօրյա ծավալները, առավելագույն ծավալն արձանագրելով ուրբաթ օրը`6.050 մլն.դոլար, իսկ նվազագույնը`երկուշաբթի օրը – 189 հազ.դոլար: Ընդհանուր հաշվով, արտարժույթի միջբանկային շուկայի շաբաթական ծավալը կազմեց 13.789 մլն.դոլար (նախորդ շաբաթ`4.489 մլն. դոլար), միջին կշռված փոխարժեքը ձևավորելով 485.28 դրամ/դոլար մակարդակում (նախորդ շաբաթ`482.37 դրամ/դոլար): Դրան զուգահեռ, ներբանկային շուկայում դոլարի առքի ծավալը կտրուկ փոխեց դինամիկան` 19% անկումից մինչև 36% աճ, իսկ եվրոյի առքի գործարքներում`1% աճից մինչև 26% աճ: վաճառքի գծով դոլարով գործարքները 5%-ից աճեցին մինչև 39%, իսկ եվրոյով գործարքները` 10% անկումից մինչև 28% աճ: Իսկ ռուբլիով գործարքներում առքն 25% աճից հետո արձանագրեց 23% անկում, իսկ վաճառքը`24% աճից հետո արձանագրեց 54% անկում: Արդյունքում, գնվել է 90.6 մլն.դոլար, 483.77 դրամ/դոլար միջին փոխարժեքով, 9.7 մլն.եվրո, 511.09 դրամ/եվրո փոխարժեքով և 1.007 մլրդ.ռուբլի, 7.82 դրամ/ռուբլի միջին փոխարժեքով, և վաճառվել է 115.3 մլն.դոլար, 485.64 դրամ/դոլար միջին փոխարժեքով, 13.4 մլն.եվրո, 514.14 դրամ/եվրո միջին փոխարժեքով և 353.9 մլն. ռուբլի, 7.96 դրամ/ռուբլի միջին փոխարժեքով:

Աղբյուրի համաձայն, նախորդ շաբաթ (դեկտեմբերի 5-10-ը) Հայաստանի բանկերի կողմից տրամադրվել է 45.2 մլրդ դրամի և 91.5 մլն դոլարի վարկեր: Մասնավորապես, դրամով տրամադրված վարկերի ծավալը կրճատվել է 5%, իսկ դոլարով տրամադրված վարկերի ծավալն աճել է 2 անգամ:

Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկումային տրամադրությունները  դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, փետրվարի 12-ին դոլարի նկատմամբ արժեզրկվելով մինչև 496 դրամ/դոլար մակարդակ, բայց մարտին սկսեց ամրապնդվել և մարտի 25-ին հասավ 482 դրամ/դոլար մակարդակ, ընդամենը դանդաղեցնելով եվրոյի և ռուբլու նկատմամբ արժեզրկումը: Ընդհանուր առմամբ, 2016 թվականի առաջին կիսամյակում դրամը դոլարի նկատմամբ ամրապնդվեց` 482 դրամ/դոլարից մինչև 477 դրամ/դոլար մակարդակ: Հուլիսին դրամը դոլարի նկատմամբ սկսեց ամրապնդվել միայն երրորդ տասնօրյակից, ամրապնդվելով 476 դրամ/դոլար մակարդակում, հետագայում վերադառնալով 477 դրամ/դոլար մակարդակ: Օգոստոսին դրամը դոլարի նկատմամբ ամրապնդվեց 475 դրամ/դոլար մակարդակում մնալով այդ դիրքում նաև սեպտեմբերի սկզբին, որից հետո արժևորումը շարունակվեց: Սեպտեմբերի 30-ի դրությամբ դրամը դոլարի նկատմամբ ամրապնդվեց 474 դրամ/դոլար, եվրոյի նկատմամբ` 532 դրամ/եվրո մակարդակներում, իսկ ռուբլու նկատմամբ արժեզրկվեց մինչև 7.5 դրամ/ռուբլի մակարդակ: Հոկտեմբերին դրամը դոլարի արժեզրկվեց մինչև 476 դրամ/դոլար մակարդակ, եվրոյի նկատմամբ արժևորվեց մինչև 521 դրամ/եվրո մակարդակ, իսկ ռուբլու նկատմամբ մնաց 7.5 դրամ/ռուբլի մակարդակում: Նոյեմբերի 30-ի դրությամբ դրամը դոլարի նկատմամբ արժեզրկվեց մինչև 480.5 դրամ/դոլար, եվրոյի նկատմամբ ամրապնդվեց 511 դրամ/եվրո մակարդակում, իսկ ռուբլու նկատմամբ 7.4 դրամ/ռուբլի մակարդակում: Դեկտեմբերի առաջին տասն օրում դրամի արժեզրկումը դոլարի նկատմամբ շարունակվեց, զուգահեռաբար թուլանալով դիրքերը եվրոյի և ռուբլու նկատմամբ, բայց երկրորդ տանսօրյակում դրամը եվրոյի նկատմամբ ամրապնդվեց, ռուբլու նկատմամբ շարունակեց թուլանալ, իսկ դոլարի նկատմամբ պահպանեց դիրքերը: