Վահան Մարտիարոսյան. Հայկական PicsArt հավելվածը կարող է դառնալ երկրի ՏՀՏ ոլորտի առաջատար ընկերությունը

Արմինֆո. ՀՀ տրանսպորտի, կապի և ՏՏ նախարար Վահան Մարտիարոսյանը գտնում է, որ հայկական PicsArt հավելվածը կարող է դառնալ երկրի ՏՀՏ ոլորտի շարժիչ ուժը: Նախարարը նման կարծիք է հայտնել դեկտեմբերի 19-ին կայացած մամուլի ամփոփիչ ասուլիսում: «Այսօր PicsArt հավելվածը հայտնի է ողջ աշխարքում, որի շուկայական արժեքը կազմում է 250 դոլար: Հուսով ենք, որ շուտով ընկերոթյունը կարող է դառնալ երկրի առաջատար ծրագրը»,-հայտարարել է նախարարը:

Նրա խոսքով, ՏՀՏ ոլորտի զարգացման խթանման շրջանակներում մեկնարկել են օենսդրական փաթեթի մշակման աշխատանքները: Ըստ նախարարի, նախատեսվում են հարկային արտոնություններ: «Շուտով նախագիծը կներկայացվի կառավարության դատին»,-հայտարարել է նախարարը: Ավարտման փուլում են գտնվում նաև Հայաստանի դեսպանություններում 16 ներկայացուցիչ-գրասենյակների մշակման աշխատանքները, հանրապետության ՏՏ ներուժը ներկայացնելու համար: ՏՏ համակարգերի անվտանգության ապահովման նպատակով մեկնարկել են Կիբերանվտանգության կենտրոնի ձևավորման աշխատանքները: Մշակվել են նաև նվազագոյն չափանիշները, որոնք պահանջվում են պետական գերատեսչոթյուններին ծառայություններ մատուցող կապի օպերատորներից: Միևնույն ժամանակ, ըստ նախարարի, տարվա արդյունքներով պետական կապի ապահովման աշխատանքների օպտիմալացման արդյունքում տնտեսվել է մոտ 500 մլն.դրամ:

Հիշեցնենք, որ նոյեմբերի 3-ին վարչապետ Կարեն Կարապետյանը խորհրդակցություն էր հրավիրել՝ նվիրված տեղեկատվական և հեռահաղորդակցության տեխնոլոգիաների (ՏՀՏ) ոլորտի զարգացման հեռանկարներին: «Ինձ պետք է ծրագիր, որ աշխարհը շուռ տանք»,-նշել էր վարչապետը, նշելով, որ ինքը պետք է հասկանա ոլորտի քաղաքականոթյունը և խոչընդոտները, որպեսզի որակապես լավ մասնագետների թիվն ավելանա`ՀՆԱ-ի մեջ արտադրողականությունը մեծացնելու համար: Վարչապետը նշել էր, որ կառավարությունը ներդրումային հիմնադրամ է ստեղծում, որն ընդհանրապես բիզնեսին աջակցելու գործիք է լինելու, այդ թվում նաև՝ ՏՀՏ ոլորտում: Վարչապետը հանձնարարել էր ՀՀ տրանսպորտի, կապի և տեղեկատվական տեխնոլոգիաների նախարարին՝ համատեղ աշխատել ՏՀՏ ոլորտի ներկայացուցիչների հետ, հստակ ձևակերպել համատեղ անելիքները, մշակել և ներկայացնել նպատակային միջոցառումներով ու կիրառական արդյունքներով կոնկրետ ծրագրերի առաջարկներ:

Անցյալ տարի, Forbes- ը հրապարակել է 50 լավագույն Start-up-ները: Հինգերորդ տեղում ամերիկյան բիզնես ամսագիրը տեղադրել էր հայկական PicsArt բջջային հավելվածը, գնահատելով այն $ 250 մլն: Գրաֆիկական PicsArt խմբագիրը մշակվել է 2011 թ. հայկական start-up ընկերության կողմից, որը հիմնադրել են Հովհաննես Ավոնյանը և Արտավազդ Մեհրաբյանը: PicsArt- ի հաջողությունը տեղի ունեցավ 2013 թ., բրբ անվճար հավելվածներ հայտնեցին iOS և Android ծրագրերի համար: Ծրագիրը հասանելի է 13 լեզուներով, բեռնվել է մոտ 250 միլիոն անգամ: Դիտորդները PicsArt-ին համարում են Instagram-ի մրցակիցը: Ծրագրի հիմնական յուրահատկությունն այն է, որ այն հնարավորություն է տալիս ֆոտոները խմբագրել մյուս օգտատերերի հետ համատեղ: Օգտատերերը կարող են գնել նաև լրացուցիչ տառատեսակներ, զտիչներ և այլ գործիքներ: 2015 թ., PicsArt-ը Sequoia Capital ամերիկյան վենչուրային ֆոնդից ստացել $ 10 մլն-ի ներդրում:

Ըստ 2015 թ. տվյալների, Հայաստանի ՏՏ ոլորտում կան մոտ 500 ընկերություններ: Ոլորտը տարեկան ապահովում է 20-25% աճ: ՏՏ ոլորտի մասնաբաժինը Հայաստանի ՀՆԱ-ի կառուցվածքում կազմել է 3.8%: Ըստ ոլորտի զարգացման ռազմավարության, մինչև 2018 թ. Նախատեսվում է ոլորտի շրջանառությունը հասցնել $ 1 մլրդ-ի: