ՀՀ գյուղատնտեսության նախարարը կողմ է հայկական կոնյակի որակի պահպանմանը

Արմինֆո. ՀՀ գյուղատնտեսության նախարարը կողմ է հայկական կոնյակի բարձր որակի պահպանմանը, առաջարկելով երկրում արտադրվող այդ բրենդային խմիչքի նկատմամբ իրականացնել իզոտոպային անալիզ:

Ելոււյթ ունենալով այսօր կայացած մամուլի ամփոփիչ ասուլիսում, նախարարը տեղեկացրել է, որ սննդամթերքի անվտանգության պետական ծառայությունն իր տրամադրության տակ ունի անհրաժեշտ լաբորատոր բոլոր սարքավորումները, որոնք կարող է գործի դրվել`հայկական կոնյակի իսկությունը որոշելու համար: «Մենք պետք է բարձրացնենք այդ ապրանքի որակի պահանջները, ինչպես նաև իզոտոպային անալիզի անցկացումը դարձնենք կոնյակի արտադրության անհրաժեշտ պայման»,-ընդգծել է նախարարը:

Հիշեցնենք, որ ՀՀ կառավարությունը վաղուց մտահոգված է երկրի փոքր և միջին արտադրողների կողմից արտադրվող էժան «ներկված», հայկական կոնյակի անվան ներքո թողարկվող սպիրտային խմիչքների առնչությամբ, քանի որ դա որոշակի դժվարույթուններ է ստեղծում լուրջ արտադրողների համար և բացասական ազդում «Հայկական կոնյակ» ապրանքանիշի հեղինակության վրա: Հետևաբար, դեռ 2011 թվականի կեսերին Հայաստանը պետք է կառավարության որոշմամբ օգտագործեր «Արբուն» նոր ապրանքանիշը, հանրապետությունում էժան հացահատիկի սպիրտներից արտադրվող խմիչքների համար: Ըստ օրենքի, բրենդի արտադրելու համար պետք է օգտագործվի տեղական սպիրտ: Առաջին 5 տարիներին շշերի վրա պետք է լիներ «Արբուն», ինչպես նաև «Բրենդի» պիտակները, որպեսզի գնորդները սովորեն դրան և չշփոթեն այդ խմիչքը հայկական կոնյակի կամ հայկական բրենդիի հետ: Ըստ օրենքի, «հայկական կոնյակ» և «հայկական բրենդի» ապրանքանիշերը նույնացվեցին, և այդ խմիչքները պետք է 100% արտադրվեին Հայաստանում աճեցված խաղողներից: Այնուամենայնիվ, չնայած կառավարության որոշմանը, «Արբուն» ապրանքանիշը հայ գնորդները խանութներում այդպես էլ չտեսան: Իսկ արտադրողները, որոնց մեջ չկան պատահական մարդիկ, պարզապես անտեսեցին այդ որոշումը, քանի որ բացակայում էր պետական մարմիների կողմից վերահսկողությունը: Որոշ փորձագետներ գտնում են, որ այդ որոշումը թելադրված էր Հայաստանի նախապատրաստությանը եվրոպական ասոցիացմանը, որի ստորագրման դեպքում «Հայկական կոնյակ»-ը պետք է փոխարինվեր «Հայկական բրենդի»-ով:

Ինչպես ԱրմԻնֆո գործակալությանը տեղեկացրել է հայկական կոնյակ արտադրող ընկերություններից մեկի ներկայացուցիչը, խնդրելով մնալ անհայտ, շուկան կոնտրաֆակտ արտադրանքից մաքրելու ուղղությամբ նախարարի ջանքերը պետք է միայն ողջունել, բայց հեշտ չէ այն իրականացնել, կապված երկրի կոնյակի-գինու-օղու արքաների հզոր դիմադրության հետ: Նրա խոսքով, փորձագիտական գնահատականները, որոնք չեն համընկնում պաշտոնական վիճակագրության հետ, ցույց են տալիս, որ մթերվող խաղողի ծավալները, հատկապես կոնյակի համար նախատեսվող տեսակների, բոլորովին էլ բավական չեն տարեկան 17-18 մլն.լիտր կոնյակ արտադրելու համար, ինչի մասին հայտարարոմ է վիճակագրությունը: Հետևաբար, արտադրողների մի մասը շշալցում է անծանոթ ապրանքանինշերով «կոնյակների», ակտիվորեն օգտագործելով ցորենի էժան սպիրտը, ավելին, այդ արտադրանքն արտահանվում է Ռուսաստան և ԱՊՀ երկրներ: Նա նշել է, որ հայկական կոնյակի կես-լիտրանոց շիշը ոչ մի կերպ չի կարող արժենալ 3-4 ԱՄՆ դոլար, դա հաստատ կեղծ է կամ էլ`անորակ խմիչք: Զրուցակիցը նշել է, որ այսօր իսկական հայկական կոնյակ արտադրողների համար շատ դժվար է, կապված բնակչության գնողունակության անկման հետ, ինչպես Հայաստանում, այնպես էլ գործընկեր-երկրներում, քանի որ նրանք ստիպված են դիմանալ ռուսական ռուբլու ցնցումային արժեզրակմանը, ինչից էլ արագ օգտվում են անորակ կամ կոնտրաֆակտ խմիչք արտադրողները: