Արմինֆո. ՀՀ վարչապետ Կարեն Կարապետյանը ծանոթացել է Մ-6 Վանաձոր-Ալավերդի-Վրաստանի սահման 38.5 կմ երկարությամբ ավտոճանապարհի վերականգնման աշխատանքների առաջին փուլին:
Ինչպես ԱրմԻնֆո գործակալությանը տեղեկացվել է ՀՀ կառավարության մամուլի ծառայությունից, վարչապետին նզեկուցվել է, որ աշխատանքներն ընթանում են ըստ սահմանված ժամանակացույցի և ամբողջությամբ կավարտվեն 2018 թ. մարտին: Ակնկալվում է՝ արդեն ընթացիկ տարվա աշնանն ավարտել ասֆալտապատման աշխատանքերը: Արդեն իսկ հայտարարվել է նաև ավտոճանապարհի երկրորդ՝ 58 կմ երկարությամբ հատվածի շինաշխատանքների իրականացման մրցույթը: Ճանապարհի վերակառուցման արդյունքում կբարձրանա անվտանգության մակարդակն ու թողունակությունը: Ծրագրի շրջանակում վերանորոգվում են նաև կամուրջներ և թունելներ: Ավտոճանապարհի առաջին հատվածի վերակառուցման նպատակով ներդրվել է 15,5 մլրդ դրամ, որը ներգրավվել է Եվրոպական ներդրումային բանկից և Ասիական զարգացման բանկից: Արդեն հայտարարվել է 58 կմ երկարությամբ հատվածի շինարարության երկրորդ մրցույթը:
Նշենք, որ նշված Մ-6 միջպետական մայրուղու Վանաձոր-Ալավերդի-Վրաստանի սահման հատվածի շինարարական աշխատանքների մրցույցը տրանսպորտի նախարարության կողմից հայտարարվել է 2017 թվականի հունվարի 14-ին: Ծրագրի իրականացումը թույլ կտա լուծել զբաղվածության հարցը, բարելավել սոցիալական վիճակը, նպաստել գյուղատնտեսության և տուրիզմի զարգացմանը:
Նշենք, որ արդեն վավերացված համաձայնագրով Հայաստանը Եվրոպական ներդրումային բանկից կստանա 102 մլն.եվրո վարկ, Վանաձորից մինչև Վրաստանի սահման ճանապարհի վերանորոգման նպատակով: Ծրագիրը կֆինանսավորվի Ասիական զարգացման բանկի հետ համատեղ: Աշխատանքները նախատեվում է ավարտել 2-2,5 տարում: Նախատեսվում է իրականացնել ճանապարհի լայնացում, փոփոխություններ կատարել որոշ հատվածներում, բարձրացնել անվտանգության մակարդակը և ամբողջովին արդիականացնել թունելների համակարգըքանի որ այս ճանապարհով են իրականացվում Հայաստանից բեռնափոխադրումների 60%-ը:
2014-2018 թթ. ռազմավարության համաձայն, Ասիական զարգացման բանկը մտադիր է Հայաստանին շուրջ 500 մլն դոլարի ֆինանսական աջակցություն ցուցաբերել: Միջոցներն ուղղված են էներգետիկայի և սոցիալական ծառայությունների ոլորտներում երկրի ճկուն, համապարփակ և կայուն զարգացմանն օժանդակությանը: Տրանսպորտի ոլորտում ԱԶԲ–ն կշարունակի օժանդակություն ցուցաբերել Հյուսիս–Հարավ տրանսպորտային միջանցքի շինարարական աշխատանքների իրականացման, ինչպես նաև բարձր աղքատության քաղաքների միջև տրանսպորտային կապերի ամրապնդման հարցում։ Երկրի տարածաշրջանային համագործակցության և ինտեգրման համար ԱԶԲ–ն կաջակցի նաև հարևան Վրաստանի հետ Հայաստանը կապող ճանապարհների զարգացմանը։ Բացի այդ, ԱԶԲ–ն կաջակցի բարձր աղքատությամբ քաղաքների կայուն զարգացմանը` օգնելով տեղական կառավարման մարմիններին համակարգված ծրագրերի մշակման հարցում և տրամադրելով ենթակառուցվածքների արդիականացման համար անհրաժեշտ ներդրումներ` ներառյալ ջրամատակարարումը, ինչպես նաև քաղաքային ճանապարհների և կոշտ թափոնների կառավարման ոլորտները։ Հայաստանի էլեկտրաէներգետիկ մաշված ենթակառուցվածքները և հանքային վառելիքի ներկրումից խիստ կախվածությունը թուլացնում են երկրի էներգետիկ անվտանգությունը։ ԱԶԲ–ն օգնություն կցուցաբերի այդ խնդրի լուծման հարցում` աջակցելով էներգիայի վերականգնվող աղբյուրների զարգացմանը, ինչպես նաև էներգետիկ ենթակառուցվածքների վերականգնմանը և արդիականցմանը:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%