Հայաստանի Ֆինասական հաշտարարի լավագույն գործընկերներն են կրկին ճանաչվել Արդշինբանկը և ԻՆԳՈ Արմենիա ապահովագրական ընկերությունը

Արմինֆո. 2016 թվականի արդյունքներով համագործակցության որակի և կողմերի միջև հաշտեցման գործերի թվով Հայաստանի Ֆինասական հաշտարարի լավագույն գործընկերներն են կրկին ճանաչվել Արդշինբանկը և ԻՆԳՈ Արմենիա ապահովագրական ընկերությունը,: Այս մասին հունվարի 24-ին Հայստանի ֆինանսական հաշտարարի գրասենյակի հիմնադրման 8-րդ տարեդարձին նվիրված մամուլի ասուլիսում հայտարարել է Գրասենյակի տնօրեն Փիրուզ Սարգսյանը:

Դրա հետ մեկտեղ, 2016-ի արդյունքներով Ֆինհաշտարարը պատվոգրեր է հանձնել բանկային հատվածի և ապահովագրության ոլորտի  լավագույն գործընկեր- մասնագետներին: Այսպես, քննարկվող գործերին աջակցելու համար դիպլոմներ են ստացել HSBC Բանկ Հայաստանի ավագ իրավախորհրդատու Շաքե Մանուկյանը և «Նաիրի Ինշուրանս» ապահովագրական ՓԲԸ գույքային հայտերի վարչության ղեկավար Յուրի Պառավյանը:

Հիշեցնենք, որ 2015 թվակաին Ֆինհաշտարարի լավագույն գործընկերներն էին ճանաչվել Արդշինբանկը և «ԻՆԳՈ Արմենիա» ապահովագրական ընկերությունը: «Լավագույն գործընկեր մասնագետ» պատվոգիրն ստացել էին Ռոզա Պեդանյանը (Արդշինբանկ) և Հայկ Մանգոյանը («ԻՆԳՈ Արմենիա»): 2014-ին լավագույն գործընկերներ էին ճանաչվել Արդշինբանկը, ՎՏԲ-Հայաստան Բանկը, «ԻՆԳՈ Արմենիա» և «Նաիրի Ինշուրանս» ապահովագրական ընկերությունները, իսկ պարգևներն ստացել էին` Արդշինբանկ – ՌոզաՊեդանյանը և «Նաիրի Ինշուրանս» ապահովագրական ընկերության կորպորատիվ ապահովագրության բաժնի ղեկավար Մանե Մարտիրոսյանը:

Հիշեցնենք, որ Ֆինանսական հաշտարարի ծառայությունը Հայաստանում, որը գործում է 2009 թվականի սկզբից, տրամադրվում են անվճար, իսկ հաշտարարի գործունեությունը վճարում են իրենք`ֆինանսական հաստատությունները: