Կարեն Կարապետյան. Հայաստանը մտադիր է ստեղծել բիզնես միջավայր, որտեղ կոռուպցիոն ռիսկերը հասցված կլինեն նվազագույնի

Արմինֆո. Հայաստանը մտադիր է ստեղծել բիզնես միջավայր, որտեղ կոռուպցիոն ռիսկերը հասցված կլինեն նվազագույնի, «ՄԻՐ 24»-ին հարցազրույցում ասել է ՀՀ վարչապետ Կարեն Կարապետյանը:

Նրա խոսքով, կառավարությունն ունի կոռուպցիայի դեմ պայքարի «հստակ ծրագիր»: «Նախարարների նոր կաբինետի ձևավորումից 100 օր անց մենք հաշվետվություն ներկայացրեցինք այն մասին, թե որքան նորմատիվներ են ընդունվել այդ ընթացքում, և դրանց 9%-ն ուղղված էր հակակոռուպցիոն ծրագրերին, շուրջ 10%-ը՝ բիզնես միջավայրի փոփոխմանը: Եվ ընդհանրապես մեր հակակոռուպցիոն պայքարի ռազմավարությունը, փիլիսոփայությունը միջավայրի փոփոխությունն է, ինչև թույլ է տալիս կոռուպցոին ռիսկեր»,- ասել է Կարապետյանը:

Ըստ որում, նա պարտադիր չի համարում առանձին «ինչ-որ հակակոռուցիոն կազմակերպության» ստեղծումը, քանի որ, նրա խոսքով, «փորձը ցույց է տալիս, որ «կոռուպցիան դրանից չի վերանում»: «Մենք փորձում ենք ստեղծել այնպիսի միջավայր, որտեղ կոռուպցիոն ռիսկերը պարզապես նվազագույնի են հասցվում: Դրանք թե օրենքներն են, մենք բավականաչափ օրենքներ ենք ընդունել, թե բարձրաստիճան պաշտոնատար անձանց եկամտի աղբյուրների հայտնաբերումը և շատ այլ բաներ»,-ասել է Կարապետյանը:

Կարապետյանն առանձնացրել է երկրում տնտեսական բարեփոխումների լոկոմոտիվները, որոնց թվում են՝ հանքարդյունաբերությունը և թեթև արդյունաբերությունը, գյուղատնտեսությունը, ՏՏ տեխնոլոգիաները և զբոսաշրջությունը: