Երկուշաբթի, 30 Հունվարի 2017 17:35

Վրաստանի նախագահի խորհրդական. Խոսակցությունները, թե Վրաստանը կարող է դադարեցնել Հայաստանին գազի մատակարարումը, ձեռնտու է նրանց, ովքեր ցանկանում են սեպ խրել հայ-վրացական հարաբերություններում

Արմինֆո. Վրաստանի նախագահի խորհրդական Թենգիզ Փխալաձեն «Գրուզիա օնլայնին» հարցազրույցում հերքել է բոլոր խոսակցությունները, թե Վրաստանը պատրաստվում է դադարեցնել Հայաստան գազի մատակարարումը:

Նրա խոսքով, նման խոսակցությունները ձեռնտու են նրանց, ովքեր ցանկանւոմ են սեպ խրել հայ-վրացական հարաբերություններում: «Վրաստանը հուսալի գործընկեր է, և մենք բազմիցս դա ապացուցել ենք: Վրաստանը չի պատրաստվում դադարեցնել Հայաստանին գազի մատակարարումը, մենք խոսում ենք միայն տարանցման պայմանների մասին: Խոսքը բոլորովին այլ բանի մասին է՝ փոխվել են պայմանագրի պայմանները, բայց ոչ Վրաստանի օգտին»,-հայտարարել է Փխալաձեն՝ հիշեցնելով, որ 2008 թ. ռազմական գործողությունների ժամանակ ոչ մի վայրկյան տարանցիկ պարտավորությունների կատարումը չի դադարեցվել:

Հիշեցնենք, որ Վրաստանի կառավարությունը և ռուսական «Գազպրոմ էքսպորտ» ընկերությունը եկել են համաձայնության, համաձայն որի՝ դեպի Հայաստան ռուսական գազի տարանցման դիմաց Վրաստանը կստանա դրամական փոխհատուցում: Պայմանագրի մանրամասները թե Վրաստանը, թե Ռուսաստանը չեն հրապարակում, ինչը վրացական հասարակայնության շրջանում կասկածներ է հարուցում Վրաստանի համար ոչ շահավետ պայմաներով պայմանագիր կնքելու առնչությամբ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ