Երեթշաբթի, 31 Հունվարի 2017 13:07

Արմինֆո. Վրաստանի փոխվարչապետ և էներգետիկայի նախարար Կախա Կալաձեն հաղորդել է, որ դեպի Հայաստան ռուսական գազի տարանցման պայմանագրի նոր պայմանների մասին «Գազպրոմ էքսպորտ» ընկերության հետ պայմանագիրն արդեն ձևակերպված է, որով տարանցման արժեքը նախատեսվում է`գումարով: «Համաձայնագիրը «Գազպրոմ-Գազպրոմ» ընկերության հետ արդեն ստորագրվել է»,-հայտարարել է Կալաձեն լրագրողներին, հաղորդում է «բիզնես Գրուզիա» գործակալությունը:

 

Ինչ վերաբերվում է պայմանագրի մանրամասների հրապարակմանը, ինչը պնդում է խորհրդարանական ընդդիմությունը, ըստ նախարարի, այն չի կարող կատարել միայն վրացական կողմը: «Դա պետք է տեղի ունենա երկու կողմերի փոխադարձ համաձայնությամբ, և մենք աշխատում ենք այդ ուղղությամբ»,-ասել է Կալաձեն: Նա նաև նշել է, որ ստացվում են զանազան նամակներ, այդ թվում նաև, օրինակ, այսպիսիները, որ Վրաստանի և ադրբեջանական SOCAR ընկերության միջև համաձայնագիրը պետք է հրապարակվի, «Շահ-Դենիզ» միջազգային կոնսորցիումի կողմից, որը հանդիսանում է երկրին բնական գազի հիմնական մատակարարը: Կարծում եմ, որ դա ճիշտ չէ, քանի որ նման համաձայնագրերը նորմալ զարգացած երկրներոում կոմերցիոն գաղտնիք են հանդիսանում»,-հայտարարել է նախարարը:

 

Նախարարն անհրաժեշտություն չի տեսնում, որ ինքը պետք է գնա խորհրդարան և պարզաբանումներ տա նշված պայմանագրի վերաբերյալ, քանի որ այդ թեմայի հետ կապված բոլոր հարցերին արդեն տրվել են սպառիչ պատասխաններ: «Իսկ քաղաքական շահարկումներին և շոուներին մասնակցել ես չեմ պատրաստվում»,-հայտարարել է Կալաձեն:

 

Ինչպես արդեն հաղորդվել էր, ըստ պայմանագրի, «Գազպրոմ էքսպորտ» ընկերությունը երաշխավորում է Վրաստանի տարածքով դեպի Հայաստան ռուսական գազի տեղափոխման լրիվ վճարումը 2017-2018 թվականներին, տարեկան 2- 2.2 մլրդ խորանարդ մետր ծավալով, ինչպես նաև գազի մատակարարումը Վրաստանին`«ճկուն պայմաններով, 1000 խոր.մետրի դիմաց $ 30 գնով, ավելի ցածր, քան 2016 թվականին», այսինքն - $ 185: Ընդ որում, տարանցման գինը չի հրապարակվում, որն առևտրային գաղտնիք է, համաձայնեցված երկու սուբյեկտների կողմից, ինչը, ըստ պայմանագրի օպոնենտների ենթադրությունների, շատ ավելի քիչ է, քան այն, ինչ Վրաստանն ստացել է մինչ օրս`Հայաստան մատակարարվող ռուսական գազի 10% չափով: Այս առիթով ընդդիմադիր ուժերը հանդես եկան քննադատությամբ, նշելով, որ պայմանագիրը չի համապատասխանում երկրի ազգային շահերի և էներգետիկ անվտանգությանը: Իսկ Վրաստանի նախագահ Գիորգի Մարգվելաշվիլին և շատ փորձագետներ բացասաբար գնահատեցին Վրաստանի էներգետիկայի նախարարության «Գազպրոմ Էքսպորտ» ընկերության միջև նոր համաձայնագիրը, քանի որ գտնում են, որ նոր պայմաններն ավելի վատն են, քան առաջ: