Հայաստանի բանկերի 2016 թ. պետական գանձարանին վճարել են 34,4 մլրդ դրամի հարկեր, տարեկան անկումը`16,9%

Արմինֆո. Հայաստանի բանկային համակարգը 2016 թվականին պետական ​​գանձարանին վճարել է 34,4 մլրդ դրամի հարկեր, տարեկան անկումը` 16,9%: Այս գումարի ավելի քան 88% կամ 30,1 մլրդ. դրամը վճարվել է ուղղակի հարկերի տեսքով (շահութահարկ, եկամտահարկ), տարեկան անկումը`19.1%: Ըստ ՀՀ Պետական ​​եկամուտների կոմիտեի, Հայաստանի հարյուր խոշորագույն հարկատուների ցանկում 2016 թվականի արդյունքներով տեղ են զբաղեցրել 17 գործող բանկերից 12-ը (2015-ին` 13): Դրանց թվում են`Ամերիաբանկը, ՎՏԲ-Հայաստան Բանկը, ԱԿԲԱ-Կրեդիտ Ագրիկոլ Բանկը, Արդշինբանկը և Ինեկոբանկը, որոնցից երեքը հնգյակում էին նաև նախորդ տարվա ցուցանիշներով: 2016-ին բանկերի լավագույն հնգյակը վճարել է 16.7 մլրդ դրամի հարկեր (տարեկան անկումը` 22,3%), ​​այդ թվում 15.1 մլրդ դրամի ուղղակի հարկեր (տարեկան անկումը`22.2%):

Վճարված հարկերի ծավալով առաջատարն է Ամերիաբանկը, որը 25-րդն է խոշոր հարկատուների ցանկում (նախորդ տարի`15-ը), պետական ​​բյուջեին վճարելով 4 մլրդ դրամ, որից 3.8 մլրդ դրամ - ուղղակի հարկեր (շահութահարկ և եկամտահարկ): Այնուհետև հաջորդում են` ՎՏԲ-Հայաստան Բանկը, 29-րդ տեղ (նախորդ տարի`24 տեղ), վճարելով3.4 մլրդ դրամ, որից 2,9 մլրդ դրամ - ուղղակի հարկեր, ԱԿԲԱ-Կրեդիտ Ագրիկոլ Բանկ – 31 տեղ (2015-ին 38 տեղ), վճարել է 3,3 մլրդ դրամ, որից 2,9 մլրդ.դրամ - ուղղակի հարկեր, Արդշինբանկ - 39-րդ տեղ (2015-ին ` 25 տեղ) - 3 մլրդ դրամ, որից 2.8 մլրդ.դրամի ուղղակի հարկ: Առաջին հնգյակը եզրափակում է Ինեկոբանկը` 43 տեղ (2015-ին`53 տեղ), վճարել է 2,8 մլրդ դրամ, որից 2.6 մլրդ.դրամի ուղղակի հարկեր:

Խոշորագույն հարկատուների առաջին հարյուրյակում են նաև Հայբիզնեսբանկը (45-րդ տեղ - 2.7 մլրդ դրամ, որից 2,4 մլրդ - ուղղակի հարկեր), Յունիբանկը (49-րդ տեղ - 2.6 մլրդ դրամ, որից 2,1 մլրդ դրամ - ուղղակի հարկերի), HSBC Բանկ Հայաստանը (68-րդ տեղ - 1,8 մլրդ.դրամ, որից 1.6 մլրդ - ուղղակի հարկեր), Կոնվերս բանկը (74-րդ տեղ - 1.6 մլրդ.դրամ, որից 1.4 մլրդ.դրամ - ուղղակի հարկեր), Անելիք բանկը (82 տեղ, ավելի քան 1.5 մլրդ դրամ, որից 1.2 մլրդ.դրամ - ուղղակի հարկեր) և Հայէկոնոմբանկը (83 տեղ - 1.5 մլրդ դրամ, որից 1.3 մլրդ.դրամ ուղղակի հարկերի):

Խոշորագույն հարկատուների երկրորդ հարյուրյակում են` Առէկսիմբանկ - 106 տեղ - 1.2 մլրդ դրամ (1 մլրդ.դրամի ուղղակի հարկեր), Արարատբանկ - 128 տեղ, 1 մլրդ դրամ (որից 890,7 մլն - ուղղակի հարկեր), Արմսվիսբանկ - 143 տեղ - 861,1 մլն (որից 827,2 մլն.դրամ -  ուղղակի հարկեր), Հայկական Զարգացման բանկ - 172 տեղ - 738,9 մլն (694,3 մլն - ուղղակի հարկեր), Պրոմեթեյ բանկ - 190 տեղ - 666.2 մլն.դրամ (604,5 մլն.դրամ -ուղղակի հարկեր):

Հայստանի 1000 խոշոր հարկատուների ցանկում են նաև Մելլաթ Բանկը - 266 տեղ 470.3 մլն դրամ (452,9 մլն դրամի ուղղակի հարկեր), Բիբլոս Բանկը 289 տեղ – 431,2 մն.դրամ (316,3 մլն դրամի ուղղակի հարկեր) և Արցախբանկը - 456 տեղ - 200,2 մլն դրամ` 194,2 մլն դրամի ուղղակի հարկեր:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Հայստանի բանկային համակարգի ընդհանուր կուտակված շահույթը 2016 թվականին կազմել է 162.1 մլրդ դրամ, տարեկան կտրվածքով ավելանալով ընդամենը 4.1%: Կուտակված շահույթի չափերով հինգ առաջատարներն են` Արդշինբանկը - 29.9 մլրդ դրամ, HSBC Բանկ Հայաստանը - 28,6 մլրդ դրամ, Ամերիաբանկը - 24.3 մլրդ դրամ, ԱԿԲԱ-Կրեդիտ Ագրիկոլ Բանկը - 16,3 մլրդ դրամ, ԻՆԵԿՈԲԱՆԿԸ - 15.5 մլրդ դրամ: 2016 թվականը բանկային համակարգը եզրափակել է 24,6 մլրդ դրամ բալանսային շահույթով (տարեկան անկումը`25,4%), իսկ զուտ շահույթը կազմել է 18,3 մլրդ դրամ, տարեկան անկումը`29.9%: Միայն 2016-ի չորրորդ եռամսյակում բանկային համակարգի զուտ շահույթը նվազել է 82.1%, մինչև 940.3 մլն դրամ: (ՀՀ դրամի հաշվարկային փոխարժեքը 31.12.2016թ. դրությամբ կազմել է 483.94 դրամ / $ 1):

Նշենք նաև, որ 2015 թվականի վերջին ՊրոԿրեդիտ Բանկը և ԲՏԱ Բանկը համապատասխանաբար միացան Ինեկոբանկին և Հայէկոնոմբանկին: Իսկ 2016 թվականի դեկտեմբերին Առէկսիմբանկ-Գազպրոմբանկի խումբը և Զարգացման Հայկական Բանկը համապատասխանաբար միացան Արդշինբանկին և Արարատբանկին: Արդյունքում, 2017 թվականին մնաց 17 բանկ: Ինեկոբանկի Հայէկոնոմբանկի և ԱՐԱՐԱՏԲԱՆԿ-ի 2017 թվականի ֆինանսական հաշվետվություններն արդեն հրապարակվել են, հաշվի առնելով միավորման գործընթացները, իսկ Արդշինբանկի հաշվետվություններում այդ հանգամանքը դեռ հաշվի չի առնված: Հայաստանի բանկային հատվածի կոնսոլիդացիան թելադրված էր ՀՀ ԿԲ նորմատիվային պահանջով, որի համաձայն, 2017 թվականից Հայստանի բանկերի ընդհանուր կապիտալի նվազագույն շեմը պետք է կազմեր 30 մլրդ դրամ: