Արմինֆո. Տեղեկացնում ենք ձեզ, որ Հայաստանում Իրանի Իսլամական Հանրապետության արտադրանքի համապատասխանության գնահատման մարմինների ներկայացուցչական գրասենյակներ հիմնելու նպատակով, ինչպես նաև հայկական արտադրանքի սպառման ծավալների մեծացմանը, զբոսաշրջության աճին խթանելու և տեղական արտադրանքի մուտքը նոր շուկաներ ապահովելու նպատակով 2017 թ. մարտի 10-ին՝ ժամը 11։00ին, Երևանում՝ Մամիկոնյանց 23 հասցեում բացվելու է Հայաստանում «Հալալ»-ի գրասենյակը (մինչև Նովրուզի ազգային տոնը):
Ինչպես ԱրմԻնֆո գործակալությանը տեղեկացվել է մամուլի ծառայությունից,
Հայաստանում «Հալալ»-ի գրասենյակի բացումը նոր խթան կհանդիսանա հայ գործարարների կողմից դեպի Իրան արտահանման ծավալների մեծացման համար:
Բացմանը ներկա են լինելու ՀՀ տնտեսական զարգացման և ներդրումների նախարարը և փոխնախարարը, ՀՀ գյուղատնտեսության նախարարը, արդյունաբերողների և գործարարների միությունների ներկայացուցիչները, հայ արդյունաբերողների միության ներկայացուցիչները, ինչպես նաև «Հալալ» սերտիֆիկացման ենթակա արտադրանք արտադրող հայկական կազմակերպություններ:
Ըստ ՀՀ Ազգային վիճակագրական ծառայության տվյալների, Հայաստանի և Իրանի միջև ապրանքաշրջանառությունը 2016 թվականի հունվար-դեկտեմբերին կազմել է $ 238,9 մլն, տարեկան անկումը`14,7%, այդ թվում, արտահանումը`$ 74.8 մլն, տարեկան անկումը` 8,4%, իսկ ներմուծումը`$ 164.1 մլն. տարեկան անկումը`17.3%: Իսկ 2015 թվականին արտաքին առևտրի շրջանառությունը Հայաստանի և Իրանի միջև նվազել էր 5,2%, այդ թվում` արտահանումը`8.2%, իսկ ներմուծումը`3.9%:
