Դրամը եվրոյի նկատմամբ ավելի արագ է թուլանում, քան դոլարի

Արմինֆո. Հայաստանի միջբանկային շուկայում մարտի 20-24-ը ծավալներն ավելացել են 7.4%, նախորդ շաբաթ տեղի ունեցած եռակի աճից հետո: Դրան զուգահեռ, ներբանկային շուկայում, նախորդ շաբաթվա ակտիվությունից հետո, ընթացիկ շաբաթ պասիվ ընթացքի մեջ մտան դոլարով, եվրոյով և ռուբլիով գործարքները: Այդ ֆոնին բորսայական հարթակը երկու շաբաթ անընդմեջ լռում է:

Արդյունքում, դրամը դոլարի նկատմամբ սկսեց արժեզրկվել` 484-ից մինչև 484.5 դրամ/դոլար, եվրոյի նկատմամբ`521-ից մինչև 522 դրամ/եվրո, իսկ ռուբլու նկատմամբ`8.4 դրամ/ռուբլի մակարդակում: Մեկ տարի առաջ, 2016 թվականի մարտի 1-24-ին, դրամը դոլարի նկատմամբ ամրապնդվել էր 480 դրամ/դոլար, եվրոյի նկատմամբ թուլացել `536 դրամ/եվրո, իսկ ռուբլու թուլացել`7.2 դրամ/ռուբլի մակարդակներում, ինչը ներկայիս փոխարժեքի համեմատ նշանակում է դրամի տարեկան արժեզրկում դոլարի և ռուբլու նկատմամբ, իսկ եվրոյի նկատմամբ` արժևորում: Արտարժույթի բորսայական հարթակը 2016 թվականին հազվադեպ էր գործել, մեկական գործարք մարտ-մայիս ամիսներին, մասնավորապես, մարտին`100 հազ.դոլար, ապրիլին`2 950 դոլար և մայիսին`800 հազ. դոլար, որից հետո կրկին հաջորդեց լռությունը: Իսկ Կենտրոնական բանկը 2016 թվականի  հունվար-նոյեմբերին արտարժույթի շուկայում դոլար է գնել ապրիլ ամսին ($ 2,4 մլն, 478,5 դրամ / $ 1 փոխարժեքով), հունիսին ($ 50.2 մլն, 476.72 դրամ / $ 1), օգոստոսին ($ 19.8 մլն, 474.25 դրամ / $ 1), սեպտեմբերին ($ 28,8 մլն, 474.11 դրամ / $ 1) և հոկտեմբերին ($ 50.8 մլն, 475.47 դրամ / $ 1), իսկ վաճառել է հունվարին ($ 53.1 մլն, 484, 69 դրամ / $ 1) և փետրվարին ($ 41.5 մլն, 492,59 դրամ / $ 1 փոխարժեքներով), ինչպես նաև նոյեմբերին`($ 13.1 մլն, 478.56 դրամ / $ 1) և դեկտեմբերին ($ 15 մլն, 483.06 դրամ / $ 1):

Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, արտարժույթի միջբանկային շուկայում մարտի 20-24-ն ընկած ժամանակահատվածքում ծավալները կազմել են 16 մլն.դոլար (շաբաթվա աճը`7.4%), միջին փոխարժեքը` 483.69 դրամ/դոլար (նախորդ շաբաթ`483.66 դրամ/դոլար):

Առավելագույն ծավալները միջբանկային շուկայում արձանագրվեցին երկուշաբթի օրը` 7.2 մլն.դոլար և ուրբաթ օրը` 5.4 մլն.դոլար, իսկ մնացած օրերին արձանագրվեցին ավելի համեստ ծավալներ (0.5-1.7 մլն.դոլար): Դրան զուգահեռ, ներբանկային շուկայում բանկերի կողմից դոլարով գործարքների դինամիկան աճը փոխարինեց անկումով: Այսպես, հաշվետու շաբաթ դոլարի առքի / վաճառքի ծավալը 45-29.6% աճից հետո արձանագրեց 23.9-4.9% անկում,  եվրոյինը`116-29.6% աճից հետո – 20.8-6.1 % անկում, իսկ ռուբլու գծով առքի աճը 19.3%-ից դանդաղեց մինչև 6.1%, իսկ վաճառքի տրենդը` 5.4% աճից մինչև 8% անկում: Արդյունքում, գնվել է $ 68.4 մլն., 482.88 դրամ / $ 1 միջին փոխարժեքով, 12,6 մլն եվրո, 518.02 դրամ / եվրո միջին փոխարժեքով և 899.1 մլն. ռուբլի, 8.36, դրամ / ռուբլի միջին փոխարժեքով, իսկ վաճառվել է $ 86.9 մլն, 484.29 դրամ / $ 1 միջին փոխարժեքով, 10.7 մլն. եվրո, 523.17 դրամ / 1եվրո միջին փոխարժեքով և 382.96 մլն.ռուբլի 8.46 դրամ / ռուբլի միջին փոխարժեքով:

Աղբյուրի համաձայն, նախորդ շաբաթ (մարտի 13-18-ը) Հայաստանի բանկերի կողմից տրամադրվել է 45 մլրդ-ի դրամային և 33.9 մլն-ի դոլարային վարկեր: Դրան նախորդող ժամանակահատվածի համեմատ դրամային վարկերի գծով 14.6% անկումը փոխարինվել է 20.6% աճով, իսկ դոլարային վարկերի գծով 38.9% անկումը դանդաղել է մինչև 37.1%:

Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին կեսերից Կենտրոնական բանկը գրեթե ամեն օր միջամտում էր շուկային: 2015 թվականին դրամի արժեզրկումային տրամադրությունները  դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում:

2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել մինչև 484 դրամ.դոլար, ռուբլու նկատմամբ մինչև 8 դրամ/ռուբլի մակարդակներ, իսկ եվրոյի նկատմամբ ամրապնդվեց 505 դրամ/եվրո մակարդակում, ինչը տեղի ունեցավ տնտեսական ակտիվության 0.5% գրեթե ստագնացիոն ակտիվության պայմաններում, իսկ տրանսֆերտների զուտ ներհոսքը դեռ շարունակվում է նվազել, բայց ավելի դանդաղ տեմպերով (հունվար-նոյեմբերին` 24%): Դրան զուգահեռ 2016 թվականին դիտվեց արտաքին առևտրի շրջանառության 7.4% աճ (անկումից հետո), շնորհիվ նրան, որ արտահանումն արձանագրեց 20%, իսկ ներմուծումը` 1.6% աճ, իսկ գնանկումը սպառողական շուկայում կազմեց 1.4%: