Գլոբալ Կրեդիտը Ռենեսա ընկերության հետ համագործակցության շրջանակներում գործարկում է ՏՏ-սթարտապների նորարարական ծրագրերի ֆինանսավորումը

Արմինֆո. «Գլոբալ Կրեդիտ» վարկային կազմակերպությունը «Ռենեսա» ներդրումային ընկերության հետ համագործակցության շրջանակներում հայտարարել է ՏՏ-սթարտապների նորարարական ծրագրերի ֆինանսավորման գործարկման մասին:

Այս մասին մարտի 29-ին տրանսպորտի նախարարույթունում կայացած մամուլի ասուլիսում հայտարարել է նախարար Վահան Մարտիրոսյանը: Նա նշել է, որ նախաձեռնությունն իրականացվում է նախարարության և մասնավոր հատվածի միջև հանդիպումների արդյունքում, ինչի արդյունքում, մասնավորապես, բացահայտվել են ֆինանսավորման հետ կապված բազմաթիվ պրոբլեմներ, որոնց սթարտապները բախվում են իրենց գործունեության նախնական փուլում:

Ըստ նախարարի, սկզբնական փուլում նախագծի արժեքը կկազմի մոտ 200 հազար դոլար: «Ֆինանսավորման ընտրված ծավալն ունի աճի միտում և արդյունքում կարող է հասնել մի քանի միլիոն դոլարի, ինչը կախված կլինի ներկայացված գաղափարների բնույթից և ծավալներից»,-ասել է նա:

Պատասխանելով ԱրմԻնֆո գործակալության թղթակցի հարցին, նախարարը նկատել է, որ նախագիծն իրենից կարող է ներկայացնել գաղափարների ֆինանսավորում, ընդգծելով, որ այսօր Հայաստանում բավական քիչ է այն ներդրողների թիվը, որոնք ուզում են ներդրումներ կատարել սթարտապներում: Նրա խոսքով, համատեղ նախաձեռնության շրջանակներում երկրորդ փուլը կդառնա վենչուրային ֆոնդի կամ ակումբի ստեղծումը, որը կգրանցի արդեն ձևավորված երիտասարդ ընկերություններին: Մարտիրոսյանը բերել է «բիզնես-հրեշտակների»`մասնավոր վենչուրային ներդրողների օրինակը, որոնք ընկերություններին ֆինանսական և արտահանումային աջակցություն են ցուցաբերում զարգացման վաղ փուլերում:

«Գլոբալ Կրեդիտ» ՈւՎԿ Խորհրդի նախագահ Էդուարդ Մարությանն իր կողմից նշել է, որ մասնակցել ցանկացողները կարող են դիմել մինչև ապրիլի 13-ը, որից հետո Խորհուրդը հայտարարված մրցույթի շրջանակներում կընտրի 10 նախագիծ, որոնց, անհրաժեշտության դեպքում, հասանելի կամ ներդրումային կապիտալի տեսքով ֆինանսական աջակցությունից բացի կցուցաբերվի խորհրդատվական օգնություն: «Մեր նախաձեռնությամբ մենք մտադիր ենք գործարկել բիզնեսի զարգացումը, ինչպես նաև աշխատատեղերի և միջազգային շուկաներում ճանաչելի պրոդուկտների ստեղծումը»,-ընդգծել է նա:

Ըստ ԱրմԻնֆո գործակալության`Հայաստանի վարկային կազմակերպությունների ռենկինգի, 2017 թվականի հունվարի 1-ին «Գլոբալ Կրեդիտ» ՈւՎԿ ակտիվները կազմել են 12.1 մլրդ.դրամ, տարեկան աճը` 18.9%: Դրանց կառուցվածքում վարկային ներդրումները կազմել են 89.7% կամ 10.8 մլրդ.դրամ, տարեկան աճը` 16.3%: Ընկերությունը 2016 թվականը եզրափակել է 327.3 մլն.դրամ զուտ շահույթով, տարեկան անկումը` 4.3%: Ընկերությունը հայաստանյան շուկայում գործում է 2010 թվականից, որի մեծամասնական բաժնետերերն են` Գագիկ Վարդանյանը – 33.53%, Էդուարդ Մարությանը – 33.33% և Արայիկ Կարապետյանը – 28.12%:

Հիշեցնենք, որ «Ռենեսա»  փակ բաժնետիրական ընկերությունն ստեղծվել է 26.03.2001թ.-ին: 27.06.2008թ.-ին Ընկերությունը վերագրանցվել և վերալիցենզավորվել է ՀՀ Կենտրոնական Բանկի կողմից, որպես ներդրումային ընկերություն:  Ընկերությունը ֆոնդային բորսայի անդամ է դեռևս 24.01.2002թ-ից, իսկ 11.12.2008-ից այն նաև Արժեթղթերի հաշվարկային hամակարգի անդամ է: Ընկերության բաժնետերերն են Էդուարդ Մարությանը և Արայիկ Կարապետյանը, հավասար մասնաբաժիններով: 2014 թվականին «Ռենեսան» ճանաչվել է Հայաստանի լավագույն ներդրումային ընկերությունը: