Տիգրան Ջրբաշյան. Հայաստանում խորհրդատվության ոլորտում մասնագիտացող պրոֆեսիոնալ կադրերի լուրջ պակաս կա

Արմինֆո. Հայաստանում խորհրդատվության ոլորտում մասնագիտացող պրոֆեսիոնալ կադրերի լուրջ պակաս կա: Ապրիլի 4-ին լրագրողների հետ զրույցում նման կարծիք է հայտնել «Ամերիա» կառավարման խորհրդատվական ծառայության տնօրեն Տիգրան Ջրբաշյանը Միջազգային խորհրդատվական միության (International Consulting Alliance - ICA) ամենամյա ֆորումի ընթացքում, որն առաջին անգամ է տեղի ունենում Հայաստանում:

«Որոշ դեպքերում մենք հպարտանում ենք մեր կադրերով և որակյալ մասնագետներով: Բայց դա այդպես չէ: Մենք պետք է ձևավորենք այնպիսի աշխատուժ, որը մրցունակ լինի ոչ միայն Հայաստանում, այլ նաև միջազգային շուկաներում: Իսկ այդպիսի մասնագետները մեզ մոտ քիչ են»,-ասել է Ջրբաշյանը: Նրա խոսքով, աշխատանքի շուկայում ստեղծված իրավիճակի կապակցությամբ «Ամերիա» ընկերությունը կարող է դառնալ ոլորտի զարգացման, ինչպես նաև խորհրդատվական ծառայությունների արտահանման  լոկոմոտիվը:

Ըստ Տ.Ջրբաշյանի, Ամերիա ընկերությունը, դառնալով ICA անդամ, սկսեց ակտիվ մասնակցություն ցուցաբերել էներգետիկայի, գյուղատնտեսության և հանրային հատվածի բարեփոխումներին: «Այս միջազգային կառույցի շնորհիվ մենք կփորձենք ընդլայնել մեր գործունեության աշխարհագրությունը»,-ընդգծել է նա: Նա նշել է, որ Ամերիա կոնսորցիումի շրջանակներում 2 նախագծեր են իրականացվում իտալական և գերմանական ընկերությունների հետ, բարձրավոլտ տրանսֆորմատորային ենթակայանների շինարարության ծրագրերի իրականացման խորհրդատվական ծառայություններ մատուցելով «Բարձրավոլտ էլցանցեր» և «Հայէներգո» ընկերություններին, SCADA ծրագրի ներդրման գծով:

«10 տարիների ընթացքում Ամերիա ընկերությունը ձևավորել է իրականացված 250 ծրագրերի պորտֆել, ինչը դրական է անդրադառնում Ծառայության համբավի վրա, միջազգային մրցույթներին մասնակցելու շրջանակներում»,- տեղեկացրել է Ջրբաշյանը: Նշելով, որ ICA հիմնական գաղափարը գիտելիքների կիրառումն ու հավաքումն է զարգացած և զարգացող երկրներից, տնտեսագետն ընդգծել է. «Սա այն հարթակն է, որը թույլ է տալիս ձևավորել վստահություն և ցուցաբերել փոխադարձ օժանդակություն»: Նա հույս է հայտնել, որ համագործակցությունը կլինի շարունակական:

Իր հերթին, ICA գործադիր տնօրեն Ֆրեդերիկ Անդրեն, բարձր գնահատելով «Ամերիա» խորհրդատվական ծառայության գործունեությունը, ասել է, որ Ալյանսի շրջանակներում ուղղված է զարգացնել համագործակցությունը միջազգային ասպարեզում, ինչը կնպաստի միջազգային փորձի ներդրմանը բոլոր անդամ-երկրներում: «Մենք հույս ունենք, որ այս նախաձեռնությունը կարող է բարձրացնել համագործակցությունը միջազգային մրցույթներին մասնակցելու և հաղթելու համար, ինչը ֆինանսավորվում է ՀԲ, ԵՄ և մյուս միջազգային ֆինանսական կառույցների կողմից:

Համաժողովին մասնակցել է ՀՀ փոխվարչապետ, Հայաստանի միջազգային տնտեսական ինտեգրման և բարեփոխումների նախարար Վաչե Գաբրիելյանը: «Մեզ համար շատ կարևոր է, որպեսզի Հայաստանում լինեն այնպիսի խորհրդատվական ընկերություններ, որոնք կօգնեին պատշաճ կերպով ձևավորել կառույցները և հաստատություններին ապահովելով երկրի զարգացումը», - ասել է նա:

Նշենք, որ Միջազգային խորհրդատվական միության ամենամյա չորրորդ համաժողովը (International Consulting Alliance - ICA) առաջին անգամ է տեղի ունենում Հայաստանում, «Ամերիա» կառավարման խորհրդատվական ծառայության հրավերով, որին մասնակցեցին 30 երկրներից ժամանած ավելի քան 50 խորհրդատուներ: Եռօրյա համաժողովը հնարավորություն կտա կիսել փորձը, համագործակցել նոր միջազգային գործընկերների հետ, քննարկել հետագա համագործակցության հեռանկարները և անցյալ տարվա արդյունքների: Նախորդ ֆորումները տեղի են ունեցել Մակեդոնիայում, Բարսելոնայում և Ստամբուլում:

Միջազգային խորհրդատվական միությունն ստեղծվել է 2012 թվականին, IBF համաշխարհային առաջատար խորհրդատվական ընկերութւյան նախաձեռնոթյամբ, և միավորում է տարբեր երկրների 60 խորհրդատվական ընկերությունների:  «Ամերիա» կառավարման խորհրդատվական ծառայությունը 2013թ-ից հանդիսանում է ICA-ի խորհրդի անդամ: Միության մի շարք ընկերությունների հետ Ամերիան իրականացրել է Հայաստանում էներգետիկայի և անտառտնտեսության ոլորտի կարևորագույն ծրագրեր:-