Չորեքշաբթի, 5 Ապրիլի 2017 14:56

Արմինֆո. «Հայաստանի էլեկտրական ցանցեր» ընկերությունն իր գործունեության ընթացքում չի օգտվել բանկային երաշխիքներից: Այս մասին ԱրմԻնֆո գործակալություն թղթակցի հետ զրույցում հայտարարել է «Հայաստանի էլեկտրական ցանցեր» ՓԲԸ տնտեսական և ֆինանսական տնօրեն Արմեն Արշակյանը ՀՀ Հանրային ծառայությունները կարգավորող հանձնաժողովի նիստից հետո, որտեղ հավանության է արժանացել «Էլցանցերին» 1.2 մլրդ.դրամի երաշխիքի տրամադրումը:

Նրա խոսքով, համաձայն հատուկ հաշիվների օգտագործման կարգի, այդ ընթացակարգը կրում է ստանդարտ բնույթ: «Բանկը պարտավոր է երաշխիքներ տրամադրել մեր ամենամսյա միջին մուտքերի 1% չափով, ինչն անհրաժեշտության դեպքում Էլցանցերին հնարավորություն կտա մարել պարտավորություններն արտադրող ընկերությունների և համակարգի օպերատորների հանդեպ»,-պարզաբանել է նա: Նա ընդգծել է, որ «Տաշիր Գրուպ» ընկերության կողմից «Էլցանցերի» գնումից հետո ընկերությունը պարտքեր չի ունեցալ արտադրող ընկերությունների հանդեպ: «Այդ գործընթացը մեծ հաշվով մեր վերաապահովագրությունն է»,-եզրափակել է նա:

Նշենք, որ ընկերության մամուլի ծառայության հաղորդագրության համաձայն, 2016 թվականի արդյունքներով «Հայաստանի էլեկտրական ցանցեր» ՓԲԸ շհույթը կազմել է 23.6 մլրդ.դրամ: Ըստ աղբյուրի, ընկերության շահույթն ուղղվել է ժամկետանց և վարկային պարտավորությունների մարմանը: Էլցանցերում ավարտվել է ֆինանսատնտեսական աուդիտը, որն իրականացրել է KPMG միջազգային կազմակերպությունը: Աուդիտի վերջնական արդյունքները կհրապարակվեն օրենքով նախատեսված կարգով: 2015 թվականի վերջին «Տաշիր Խումբը» և «ԻՆՏԵՐ ՌԱՕ ԵԷՍ» ընկերությունն ստորագրեցին վերջինիս հայաստանյան ակտիվների առք ու վաճառքի համաձայնագիր: Գործարքի առարկան էին` «Հայաստանի Էլեկտրական ցանցեր» ՓԲԸ-ն և «Հրազդանի ՋԷԿ» ԲԲԸ-ն: Ակտիվները կշարունակեն ամբողջությամբ կատարել նախկինում վերցրած պարտավորությունները: «Հայաստանի Էլեկտրական ցանցեր» ՓԲԸ-ն ստեղծվել է 2002 թվականի մայիսին, էլեկտրաէներգիայի բաշխման և վաճառքի չորս պետական ​​տարածաշրջանային ընկերությունների միաձուլման միջոցով`«Երևանի էլեկտրական ցանցեր», «Հյուսիսային էլեկտրական ցանցեր», «Հարավային Էլեկտրացանցերը» և «Կենտրոնական էլեկտրական ցանցեր»: Ցանցերի ընդհանուր  երկարությունը կազմում է  36 հազար կմ: Ընկերությունը սպասարկում է մոտ 985.000 հաճախորդների:

Ըստ ԱրմԻնֆո գործակալության`Հայաստանի Բանկերի Ռենկինգի, 2017 թվականի հունվարի 1-ի դրությամբ Արդշինբանկը երկրորդն է վարկային ներդրումների ծավալով, որոնք կազմել են 343.9 մլրդ դրամ, 2016-իյ աճեով 18.4%: Իրավաբանական անձանց վարկավորման գհծով Բանկը նույնպես երկրորդ տեղում է, 257 մլրդ դրամ ծավալով, տարեկան աճը`30.4%: Բանկի ակտիվներում վարկային պորտֆելը կազմում է ավելի քան 68%, իսկ բանկերի վարկային ընդհանուր ներդրումներում Արդշինբանկի մասնաբաժինը կազմել է 13.12%: Արդշինբանկի զուտ շահույթը 2016 թվականին աճել է 2.3 անգամ `մինչև 4,6 մլրդ դրամ, այդ ցուցանիշով զբաղեցնելով երրորդ հորիզոնականը շուկայում: