Հինգշաբթի, 20 Ապրիլի 2017 13:14

Արմինֆո. ՎՏԲ-Հայաստան Բանկը, հանդիսանալով Հայաստանի առաջատար ապահովագրական ընկերությունների գործակալ, հաճախորդներին առաջարկում է շահավետ պայմաններով ձեռք բերել ապահովագրական պրոդուկտներ: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

 

Աղբյուրի համաձայն, հաճախորդները կարող են ապահովագրական պրոդուկտները ձեռք բերել անմիջապես ՎՏԲ-Հայաստան Բանկում, առանց ապահովագրկան ընկերությունների գրասենյակ այցելելու անհրաժեշտության: Անբարենպաստ իրադարձությունների առաջացման դեպքում ապահովագրական պրոդուկտները հաճախորդների համար հնարավորություն են ընձեռում զգալ ավելի ապահով և պաշտպանված:

 

Բանկը, որպես ապահովագրական գործակալ, առաջարկում է ապահովագրական պրոդուկտների հետևյալ տեսակները. անշարժ գույքի ապահովագրություն, ընդլայնված փաթեթով դժբախտ պատահարներից ապահովագրություն`«Ընտանիքի» դժբախտ պատահարներից ապահովագրություն, առողջության ապահովագրություն, ԱՊՊԱ (Ավտոտրանսպորտային միջոցների օգտագործումից բխող պատասխանատվության պարտադիր ապահովագրություն), ԱՊԿԱ (ընդյալնված ԱՊՊԱ) հաճախորդի համար ավելի մեծ ապահովագրական ծածկույթով ապահովագրություն)

 

Ապահովագրական վկայագիր ձեռք բերելու համար հաճախորդը կարող է այցելել Բանկի 65 մասնաճյուղերից մեկը, տեղում վճարել և ձեռք բերել ապահովագրական վկայագիր:

 

Ապահովագրական պոլիսների ձևակերպման պայմանների մասին ավելի մանրամասն տեղեկատվություն ստանալու համար կարելի է դիմել Բանկի մասնաճյուղեր, այցելել www.vtb.am կայք կամ զանգահարել ՎՏԲ-Հայաստան Բանկի Միասնական տեղեկատվական ծառայություն՝ 87-87 հեռախոսահամարով:

 

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի 67 մասնաճյուղ, իր ներկայությունն ապահովելով ոչ միայն մայրաքաղաքում, այլև մարզերում:

 

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, ներկայումս Հայաստանի ապահովագրական շուկայում գործում է 6 ընկերություն`«Ռոսգոսստրախ Արմենիա»,«ԻՆԳՈ Արմենիա»,«Նաիրի Ինշուրանս», «Արմենիա Ինշուրանս», «ՌԵՍՈ» և «Սիլ Ինշուրանս»: Ապահովագրականմ պրեմիաների ընդհանուր ծավալը 2017 թվականի հունվարի 1-ի դրությամբ կազմել է 32,9 մլրդ.դրամ (տարեկան աճը`5%), իսկ հատուցումների ընդհանուր ծավալը կազմել է 14.2 մլրդ դրամ (տարեկան աճը`4.9%): Ապահովագրական պրեմիաների ընդհանուր ծավալում ամենամեծ մասնաբաժինն ավանդաբար բաժին է ընկնում ԱՊՊԱ հատվածին - 55.3% կամ 18.2 մլրդ դրամ (տարեկան աճը`3.5%): Հատուցումների ընդհանուր ծավալներում նույնպես ամենամեծ մասնաբաժինը կազմում է ԱՊՊԱ հատվածը - 61.9% կամ 8.8 մլրդ դրամ (տարեկան աճը`3,5%): Հայաստանի ապահովագրական շուկայում ներկայումս գործող ընկերություններն աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ, որին ըստ լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում), 11 դասերի ապահովագրությամբ են զբաղվում «Սիլ Ինշուրանս», «Արմենիա Ինշուրանս» և ՌԵՍՈ ընկերությունները, և 10 դասերով` «Նաիրի Ինշուրանս» ընկերությունը: (ՀՀ դրամի միջին հաշվարկային փոխարժեքը 31.12.2016թ. դրությամբ կազմել է 483,94 դրամ/դոլար: