Անելիք Բանկը գործարկել է նոր անհատական աշխատավարձային քարտեր

Արմինֆո. Անելիք Բանկը գործարկել է նոր անհատական աշխատավարձային  քարտեր (ArCa Classic, Visa Electron, Visa Classic, Visa Gold և Visa Platinum)`հատուկ պայմաններով և սակագներով:

Ինչպես ԱրմԻնֆո-ին հայտնել են բանկի մամուլի ծառայությունից, ստանալով աշխատավարձն Անելիք Բանկի քարտով` հաճախորդները հնարավորություն կունենան օգտվել մի շարք առավելություններից` ձեռք բերել քարտեր նվազեցված տարեկան սպասարկման վճարով և կից քարտի տարեկան սպասարկման վճարով, կանխիկի տրամադրումը Բանկի կանխիկացման կետերում և բանկոմատներում նրանց համար կլինի անվճար, իսկ քարտի առկա դրական մնացորդի վրա կհաշվեգրվի տարեկան 3% տոկոսադրույք:

«Այն հաճախորդները ովքեր կստանան իրենց աշխատավարձն Անելիք Բանկի քարտով, կկարողանան ոչ միայն ստանալ մատչելի սակագներով պլաստիկ քարտեր, այլև` հնարավորություն կունենան անվճար բացել ընթացիկ հաշիվներ` ՀՀդրամով, ՌԴ ռուբլով, ԱՄՆ դոլարով և Եվրոյով, ինչպես նաև` «Բանկ-Հաճախորդե համակարգի անվճար անդամակցություն և գործարքներ կատարելու անվճար իրավասությունե,- ասել է «Անելիք Բանկե ՓԲԸ Բիզնեսի զարգացման գծով տնօրեն Հայկ Մկրտչյանը:

Ավելի մանրամասն տեղեկատվություն կարելի է գտնել www.anelik.am կայքում և 010 59 33 33 հեռախոսահամարով:

Հիշեցնենք, որ Անելիք Բանկի շուկայում գործում է 1996 թվականի հոկտեմբերից: 2016 թվականի նոյեմբերին իրականացված լրացուցիչ թողարկմից հետո Բանկի բաժնետերերի կազմը փոխվեց, միացավ կիպրոսյան FISTOCO LTD ընկերությունը, 59.68% բաժնեմասով, ինչը նվազեցրել նախկին բաժնետերերի մասնաբաժինը, դեմս Լիբանանյան ԿրեդիտԲանկ S.A.L ի, 100%-ից մինչև 40.32%: Բանկի անուղղակի մեծամասնական բաժնետերերն են հանդիսանում ֆիզիկական անձինք` Tarek J. Khalefe (CreditBank S.A.L) և Վարդան Դիլանյանը (FISTOCO ՍՊԸ):