Առաջիկա 2 տարում խմելու ջրի սակագների նվազում չի նախատեսվում

Արմինֆո. Առաջիկա 2 տարում խմելու ջրի սակագների նվազում չի նախատեսվում: Ապրիլի 27-ին մամուլի ասուլիսում այդ մասին հայտարարել  է Հայաստանի ջրային տնտեսության պետական կոմիտեի   նախագահ Արսեն Հարությունյանը:

Նրա ասելով, խմելու ջրի սակագները կփոխվեն 15 տարվա ընթացքում (Հայաստանի ջրամատակարարման միասնական օպերատոր «Վեոլիա Ջուր» ընկերության գործունեության ժանկետը), ինչը պայմանավորված կլինի էլեկտրաէներգիայի, վառելիքի սակագների և աշխատավարձերի փոփոխությամբ:

Ա.Հարությունյանը, մասնավորապես, հաղորդել է, որ «Վեոլիա Ջուրը» Հայաստանում գործունեության ընթացքում, ստորագրված համաձայննագրին համապատասխան, պետությանը պետք է վճարի, ընդհանուր առմամբ, շուրջ 89 մլրդ դրամ, միևնույն ժամանակ, նախատեսվում է ընկերության կողմից 37.5 մլրդ դրամի աշխատանքների կատարում: Ընդ որում, նրա ասելով, պետությունն իր կողմից կկատարի 200 մլն դոլարի չափ ներդրումներ:

Մամուլի ասուլիսում Ջրային տնտեսության կոմիտեի նախագահը բարձրացրել է նաև Հայաստանի 560 համայնքներին առնչվող հարցը, որոնք դուրս են մնացել ջրամատակարարման օպերատորի սպասարկման գոտուց: «Դա 2017 թվականի առաջնային խնդիրներից մեկն է», - ընդգծել է նա: Պատասխանելով ԱրմԻնֆո-ի հարցին` Հարությունյանը նշել է, որ ընթացիկ տարում չի հաջողվի համայնքները խմելու  ջրով    ապահովել, սակայն մինչև տարեվերջ կհայտարարվի հայտամրցույթ ջրամատակարարման օպերատորի համար: «Մենք արդեն հետազոտել ենք այդ համայնքները, տվյալ փուլում ընթանում են հայտամրցույթի շուրջ քննարկումներ: Կամ մրցույթ կհայտարարենք մեկ օպերատորի համար, կամ համայնքները կբաժանենք 15 քլաստերների, որոնց համապատասխան էլ կընտրվեն 15 հաղթողներ», - ասել է կոմիտեի նախագահը:

«Վեոլիա Ջուր» ընկերության չորսամսյա գործունեության ընթացքում խախտումների առնչությամբ Ա.Հարությունյանը հաղորդել է, որ մայիսի 12-ին կհրապարակվի տեխնիկական աուդիտորի պաշտոնի համար ավելի վաղ  հայտարարված մրցույթում հաղթողի անունը, որը ՀՀ ջրային տնտեսության պետական կոմիտեի հետ միասին կանցկացնի «Վեոլիա Ջուր» ընկերության կատարած աշխատանքների հետազոտություն:

2017 թվականի հունվնարի 1-ից` ջրի  միասնական սակագինը կկազմի 180 դրամ 1 խմ դիմաց` ներառյալ ԱԱՀ: Այդպիսով, հունվարի 1-ից Հայաստանի մայրաքաղաքում ջրի սակագինը կբարձրանա, իսկ հանրապետության մարզերում` կնվազի: Այժմ ամենացածր սակագինը գործում է Երևանում` 170,256 դրամ 1 խմ դիմաց, իսկ մարզերում` մինչև 200 դրամ (ամենաբարձրը Արմավիրում է` 204 դրամ):

Հիշեցնենք, որ 2016 թվականի հունվարի 15-ին միասնական օպերատորի համար հայտարարված մրցույթին մասնակցել էին «Երևան ջուրը», «Հայջրմուղը», «Շիրակ ջրմուղը», «Լոռի ջրմուղը» և «Նոր ակունքը»: Մրցույթում հաղթել էր «Վեոլիա ջուր» ֆրանսիական ընկերությունը: Վարձակալության պայմանագրում նշված են 15 տարվա համար բազիսային սակագները, 1-ին տարվա համար բազիսային սակագինը կսահմանվի ջրամատակարարման և ջրահեռացման ոլորտի մանրածախ մատակարարումների սակագնի չափով: Սկսած 2-րդ տարվանից` սակագինը կսրբագրվի, հաշվի առնելով մի շարք գործոններ. Էլեկտրաէներգիայի սակագնի և ջրամատակարարման ոլորտի մանրածախ մատակարարումների ծավալների փոփոխման դեպքում, ինչպես նաև հաշվի առնելով ինֆլյացիան, սակագները կարող են վերանայվել` տարին մեկ անգամից ոչ ավելի հաճախ:

Ֆրանսիական Veolia Enviroment SA-ն ընկերությունը, որն ընտրվել է միջազգային հայտամրցույթի արդյունքւոմ, պարտավորվում է 15 տարվա ընթացքում կառավարությանը վճարել շուրջ 89 մլրդ դրամ վարձավճար: 15 տարում նոր օպերատորը 37,5 մլրդ դրամի (շուրջ 80 մլն դոլար) ներդրումներ կիրականացնել  հնացած ջրամատակարարման համակարգերի արդիականացման գործում: Ինչպես ԱրմԻնֆո-ին հայտարարել են Ջրային տնտեսության պետական կոմիտեում, ներդրումները կուղղորդվեն մարզային բնակավայրերի ջրամատակարարման ցանցերի վերանորոգմանը, քանի որ մինչ օրս Հայաստանում գործող ջրամատակարարման հինգ օպերատորները սպասարկում էին 410-420 բնակավայր` խոշոր քաղաքներ և գյուղական համայնքներ: Շուրջ 570 համայնքներ փոքրաթիվ բնակչության առնչությամբ դուրս էին մնում ընկերությունների «ծածկույթի գոտուց»: ինչպես պարզաբանել են Պետական կոմիտեում, ոլորտի համար պատասխանատուների այսօրվա քաղաքականությունն այն է, որրպեսզի մինչ օրս «ծածկույթից դուրս» մնացող տարածքները ներառվեն ջրամատակարարման միասնական օպերատորի սպասարկման գոտում:

ՀՀ ազգային վիճակագրական ծառայության տվյալներով, 2016 թվականին ջրամակարարումից, թափոնների մաքրումից և մշակումից և երկրորդային հումքի ստացումից եկամուտները ացելացել են տարեկան 7% (նախորդ տարվա 10,1% աճի դիմաց)` մինչև 22.1 մլրդ դրամ: Ընդ որում, այդ հատվածում աճը պայմաանվորված է, հիմնականում, ջրի հավաքմամբ և վերամշակմամբ (տարեկան աճը 3,4%` ամսական 1,2% անկման պայմաններում): 2017  թվականի հունվար-փետրվար ամիսներին ջրամատակարարման, թափոնների մաքրման և մշակման երկրորդային հումքի ստացումից եկամուտները ավելացել են  5,3% (նախորդ տարվա 10% աճի դիմաց), մինչև 3.8 մլրդ դրամ: Ընդ որում աճի տարեկան դինամիկան այդ հատվածում, հիմնականում, պայմանվորված է, ջրի հավաքմամբ, վերամշակմամբ և ջրի ստացմամբ (3,5% աճ):