ՀՀ Ազգային վիճակագրական ծառայություն. 2017 թվականի I եռամսյակում Հայաստան է այցելել 400.3 հազար մարդ, տարեկան աճը` 14,8%

Արմինֆո. 2017 թվականի առաջին I եռամսյակի արդյունքներով Հայաստան է այցելել 400.3 հազար մարդ, տարեկան աճը`14,8%: Ըստ ՀՀ Ազգային վիճակագրական ծառայության տվյալների, նշված ցուցանիշի 53%-ը կամ 212.1 հազարը եղել են ՀՀ քաղաքացիներ (տարեկան աճը`13%):

Հաշվետու ժամանակաշրջանում Հայաստան այցելած օտարերկրացիների թվում առյուծի բաժինն ընկնում է Ռուսաստանի քաղաքացիներին, որոնք կազմել են 79,5 հազար, տարեկան աճը`20,9%: Այնուհետև հաջորդում են` Իրանի քաղաքացիներ - 37.7 հազար (աճը`10.8%), Վրաստան - 34.6 հազար (աճը`2,3%), Ֆիլիպիններ - 5.6 հազար (աճը` 7 անգամ), իսկ լավագույն հնգյակը եզրափակում են 4.3 հազար ուկրաինական քաղաքացիները (տարեկան աճը`7%):

Առաջատար տասնյակում են նաև` ԱՄՆ քաղաքացիներ (3.1 հազար, տարեկան անկումը` 1,3%), Ֆրանսիա (1,7 հազար, աճը`15%), Գերմանիա (1.5 հազար, տարեկան աճը`1.3%), Թուրքիա (1.4 հազար, տարեկան անկումը`5,3%) և Հնդկաստան (1.2 հազար, տարեկան աճը`2,5 անգամ):