Հայաստանում թանկարժեք մետաղների գներն իջեցվել են 1.1%

Արմինֆո. Հայաստանում ընթացիկ շաբաթ թանկարժեք մետաղների գներն իջել են 1.1%, նախորդ շաբաթ տեղի ունեցած`0.9% աճի համեմատ: Ընդ որում, ընթացիկ շաբաթ էժանացել են բոլոր մետաղները, բացի պալադիումից, որի գինը բացասականից անցել է դրական դինամիկայի:

Ինչպես ԱրմԻնֆո գործակալությանը տեղեկացվել է ՀՀ ֆինանսների նախարարության «Թանկարժեք մետաղների և թանկարժեք քարերի պետական ​​գանձարան» գործակալությունից, 2017 թվականի մայիսի 1-7-ը սահմանվել են թանկարժեք մետաղների հետևյալ գները` մեկ գրամ ոսկու վաճառքի գինը – 19736,17 դրամ (շաբաթվա անկումը`1.1%), արծաթ – 276.75 դրամ (շաբաթվա անկումը`2.4%), պլատինիում – 14831.21 դրամ (շաբաթվա անկումը` 2.6%), պալադիում – 12514.44 դրամ (շաբաթվա աճը`1.7%):