Ուրբաթ, 12 Մայիսի 2017 12:41

Արմինֆո. Պլաստիկ քարտերի ազգային համակարգը (ՊՔԱՀ), որը հանդիսանում է ռուսաստանյան «Միր» քարտի օպերատորը, և Հայաստանի Armenian Card (ԱրՔա) համակարգը պատրաստվում են քոբրենդինգային քարտի թողարկմանը Հայաստանի տարածքում: Այս մասին է նշվում Rambler News Service-ի հաղորդագրության մեջ, հղում կատարելով հանրապետության ԿԲ ներկայացուցչին:

Նման քարտեր թողարկելու տեխնիկական հնարավորություններ ունեն ԱրՔա համակարգում աշխատող բոլոր 15 բանկերը: «Միջհամակարգային համագործակցության նախագիծը ենթադրում է երկու երկրների ենթակառուցվածքներում ազգային վճարային համակարգերի թողարկած քարտերի փոխադարձ ընդունում, մասնավորապես, «ԱրՔա» քարտերը`Ռուսաստանում, իսկ «Միր» քարտերը`Հայաստանում: Ընդ որում, նախագծի շրջանակներում նախատեսվում է նաև «ԱրՔա-Միր» համատեղ քարտերի թողարկում»,-ասել է ռեգուլյատորի ներկայացուցիչը:

Ռուսաստանի Բանկի նախագահի տեղակալ Օլգա Սկորոբոգատովան էլ իր հերթին է հաղորդել, որ «Միր» քարտեզը Հայաստանի տարածքում կարող են ընդունվել մինչև 2017 թցականի վերջը: Ապրիլին ՊՔԱՀ-ն հայտարարեց նաև Թաիլանդում «Միր» քարտերի ընդունման շուրջ բանակցությունների մեկնարկի մասին: Ըստ ընկերության ներկայացուցիչների, դա զբոսաշրջիկների համար կհեշտացնի վճարման գործընթացները: Անցյալ տարի երկիր է այցելել ավելի քան մեկ միլիոն ՌԴ քաղաքացի:

«Միր»-ը Ռուսաստանի ազգային վճարային համակարգն է: Նշված համակարգի ստեղծման անհրաժեշտությունն առաջացավ 2014 թվականի ամռանը, երբ Visa և MasterCard համակարգերը Ռուսաստանի դեկ կիրառված պատժամիջոցների հետևանքով դադարեցին սպասարկել ՌԴ մի շարք բանկերի:

Նշենք, որ 2016 թվականի հունիսի 3-ին Armenian Card և «ՊՔԱՀ» ընկերությունների միջև ստորագրվեց մտադրություների մասին համաձայնագիր, որով նախատեսվում է ԱրՔա և Միր քարտերի փոխադարձ սպասարկում: Նախագծի պիլոտային գործարկումը նախատեսվում է 2017 թվականի ամռանը:

Ըստ Armenian Card-ի տվյալների, Հայաստանի ազգային պլաստիկ համակարգի անդամներ Հայաստանում գործող 17 բանկերից 15-ը: Մասնավորապես, այ դպահին մասնակից չէին հանդիսանում իրանական Մելլաթ Բանկը և Արմսվիսբանկը, որը մասնագիտանում է ներդրումային բանկինգի ոլորտում և քարտեր չէր թողարկում: Սակայն, 2017-ի սկզբին Արմսվիսբանկը ներկայացրեց ԱրՔա համակարգի անդամ դառնալու դիմում, որն արդեն հաստատվել է:

Ըստ ՀՀ ԿԲ տվյալների, 2017 թվականի հունվարի 1-ի դրությամբ Հայաստանում կար  1570758 ակտիվ քարտ (տարեկան անկումը`9,1%), այդ թվում, 521273 ազգային ArCa քարտ (տարեկան անկումը`5%): Բանկոմատների ցանցը կազմում են 1432 բանկոմատները և 6971  POS- թերմինալները, որից 827-ը տեղադրված է բանկերում և նրանց մասնաճյուղերում: 2016 թվականին պլաստիկ գործարքների ծավալը կազմել է 1.4 տրլն դրամ, որից 361 մլրդ.դրամը`ArCa տեղական քարտերով: Պլաստիկ գործարքների ընդհանուր ծավալը 2016 թվականին նվազել է 2,1% (2015-ի աճը` 13%), մասնավորապես, ArCa քարտեր իրականացված գործարքները կրճատվել են 0,4%, 2015-ի 4,3% աճից հետո: