Երկուշաբթի, 15 Մայիսի 2017 10:42

Արմինֆո. Հայաստանի ապահովագրական ընկերությունների պրեմիաները 2017 թվականի առաջին եռամսյակում աճել են 3.1%, իսկ հատուցումները` 0,7%: Իսկ տարեկան կտրվածքով պրեմիաները կրճատվել են 1,1%, իսկ հատուցումներն աճել են 32.6%:

2017 թվականի ապրիլի 1-ի դրությամբ ապահովագրական պրեմիաների ընդհանուր ծավալը կազմել է 9,4 մլրդ դրամ, իսկ ապահովագրական հատուցումների ծավալը`4,3 մլրդ դրամ (ըստ ապահովագրական ընկերությունների հաշվետվությունների, համաձայն` IFRS ստանդարտների): Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, դրա արդյունքում ապահովագրական համակարգն առաջին եռամսյակը եզրափակել է 518.9 մլն դրամ զուտ շահույթով, ապահովելով եռամսյակային եռակի աճ, տարեկան անկումը` 60.3%: Իսկ ապահովագրական ընկերությունների հաշվետվությունների համաձայն (ՀՀ ԿԲ ստանդարտներով) ապահովագրական պրեմիաները կազմել են 9,5 մլրդ դրամ (տարեկան անկումը`0,4%), իսկ հատուցումները` 4.2 մլրդ դրամ (տարեկան աճը`13,8%): Պրեմիաների ծավալների անկումը հաշվետու ժամանակահատվածում դիտվել է ապահովագրական շուկայի 6 ընկերություններից 4-ի մոտ, իսկ հատուցումների անկում է դիտվել մեկ ընկերությունում:

Հավաքագրված ապահովագրական պրեմիաների գհծով ավանդաբար առաջին տեղում է «Ռոսգոսստրախ Արմենիա» ընկերությունը - 2.8 մլրդ դրամ: Երկրորդ տեղում է «ԻՆԳՈ Արմենիան» - 2.7 մլրդ դրամ: Եռյակը եզրափակում է «Նաիրի Ինշուրանսը» - 1.43 մլրդ դրամ: Այնուհետև հաջորդում են` «ՍԻԼ ԻՆՇՈՒՐԱՆՍ»-ը - 1.38 մլրդ դրամ, ՌԵՍՈ-ն - 796.1 մլն դրամ և «Արմենիա Ինշուրանսը» - 475,2 մլն դրամ:

Ապահովագրական պրեմիաների կառուցվածքում ամենամեծ մասնաբաժինն ավանդաբար բաժին է ընկել ԱՊՊԱ հատվածին - 57.69%, կամ 5.5 մլրդ դրամ (տարեկան անկումը`5%): Բժշկական ապահովագրության հատվածում (այդ թվում նաև կամավոր) պրեմիաները կազմել են 2,2 մլրդ. դրամ կամ պրեմիաների ընդհանուր ծավալի 22,97%-ը (տարեկան աճը` 15.5%): Գույքի ապահովագրության մասնաբաժինը կազմել է 486.9 մլն. դրամ կամ ընդհանուր պրեմիաների 5.11%-ը (տարեկան անկումը`8,7%): ԿԱՍԿՈ հատվածում ապահովագրական պրեմիաները կազմել են 442,9 մլն. դրամ կամ ընդհանուր պրեմիաների 4.65% -ը (տարեկան անկումը`8.3%):

Բացի այդ, ապահովագրական 9 դասերով հայաստանյան ապահովագրողները հավաքագրել են 913,4 մլն դրամի ապահովագրական պրեմիաներ: Ապահովագրական 4 դասերով (ջրային տրանսպորտի ապահովագրություն, ջրային տրանսպորտի շահագործումից բխող պատասխանատվության ապահովագրություն, երաշխիքների և վարկերի ապահովագրություն) Հայաստանի ապահովագրողները հաշվետու ժամանակահատվածում ոչ մի պայմանագիր չեն ստորագրել: Հարկ է նշել, որ վարկային ռիսկի ապահովագրությամբ Հայաստանում զբաղվում է միայն «Ռոսգոսստրախ Արմենիա» ընկերությունը, իսկ օդային տրանսպորտի ապահովագրության հատվածում գործում են 2 ընկերություններ`«Ռոսգոսստրախ Արմենիա» և «Ինգո Արմենիա».

Համեմատության համար նշենք, որ 2016-ի առաջին եռամսյակում Հայաստանի 6 ապահովագրական ընկերութոյւնների պրեմիաներն աճել են 25%, իսկ հատուցումները կրճատվել են 24% -ով, ինչը թույլ տվեց ֆինանսական արդյունքը մեծացնել 13 անգամ, վնասից հետա արձանագրելով շահույթ: Տարեկան կտրվածքով պրեմիաներն աճել են 6.7%, իսկ հատուցումները նվազել են 1,9%, ինչի արդյունքում զուտ շահույթն ավելացրել է 2 անգամ: Նշված այդ երեք ցուցանիշներով առաջատարն է «Ռոսգոսստրախ Արմենիան»: Շուկայի 6 ապահովագրական ընկերությունների պրեմիաների ծավալներում առաջատարն է ԱՊՊԱ հատվածը - 60,48% մասնաբաժնով, բժշկական ապահովագրության մասնաբաժինը կազմել է 19,81%, գույքի ապահովագրություն, հրդեհներից և բնական աղետներից - 5,57%, ԿԱՍԿՈ - 5.05%: Մնացած 9 ապահովագրության դասերի պրեմիաների ծավալը կազմել է 870.3 մլն դրամ, զրոյական արդյունք արձանագրելով 4 դասերով (ջրային տրանսպորտի ապահովագրություն, ջրային տրանսպորտի շահագործումից բխող պատասխանատվության ապահովագրություն, երաշխիքների և վարկերի ապահովագրություն):

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում), 11 դասերի ապահովագրությամբ են զբաղվում «Սիլ Ինշուրանս», «Արմենիա Ինշուրանս» և ՌԵՍՈ ընկերությունները, և 10 դասերով` «Նաիրի Ինշուրանս» ընկերությունը: (ՀՀ դրամի միջին հաշվարկային փոխարժեքը 31.03.2017 թ. կազմել է 483.17 դրամ/դոլար):