Արմինֆո. Վերջին մեկուկես տարիներին ոսկերչության ոլորտու ցուցադրում է զգալի արդյունքներ, հատկապես վերջին 6 ամիսներին: Ոսկերչական արտադրության աճի տեմպերը, որոնք մի քանի անգամ աճել են, ՀՀ տնտեսական զարգացման ր ներդրումների նախարարի խորհրդական Գագիկ Մկրտչյանի կարծիքով կպահպանվեն մինչև 2017 թվականի ավարտը: Այս մասին նա հայտարարել է մայիսի 19-ին կայացած մամուլի ասուլիսում:
Այդ կապակցությամբ նա նշել է. «Ընդհանուր առմամբ, ոսկերչության ոլորտում Ռուսատսանը Հայաստանի համար միշտ եղել է առանցքային շուկա, ինչպես պահանջարկի, այնպես էլ հումքի մատակարարման առումով»,-նշել է նա:
Պատասխանելով ԱրմԻնֆո գործակալության հարցին, Գ.Մկրտչյանը նշել է, որ այս պահին, բացի ԵԱՏՄ տարածքում ոսկերչական դրոշմի միասնական ստանդարտների ներդրման հետ կապված խնդիրներից բացի կան որոշակի պրոբլեմներ, որոնք կապված են հումքի մատակարարման հետ: Այս առումով նա հայտնել է, որ այսօր հումքի մատակարարման ծավալների ավելացման նպատակով Հայաստանը բանակցում է ԱԼՌՈՍԱ-ի և ռուսաստանյան Գոխրան-ի հետ: Վերջինի հետ կապված, Մկրտչյանը նշել է համաձայնագրի որոշ կետերը, որոնք խոչընդոտում են շահավետ և առավել արդյունավետ համագործակցությանը: «Այժմ մենք գտնվում ենք բանակցային փուլում, որը շուտով կավարտենք, ինչն անպայման կնպաստի ապրանքաշրջանառության ավելացմանը Հայաստանի և Ռուսաստանի միջև, ինչպես նաև ճիշտ նախադրյալներ կստեղծի հետագա համագործակցությանը»,-ընդգծել է նա:
Նա նշել է նաև, որ Հայաստանի ոսկերչական արտադրության 95-67%-ն արտահանվում է: «Մենք պետք է աշխատենք արտադրության ավելցման և իրացման շուկաների ընդլայնման ուղղությամբ»,-ասել է Գ.Մելիքյանը, եվրասիական տարածաշրջանում նշելով ռուսաստանյան և ղազախստանյան շուկաները`որպես առաջնահերթություններ:
Ըստ ՀՀ Ազգային վիճակագրական ծառայության տվյալների, 2017 թվականի հունվար-մարտ ամիսներին ոսկերչական արտադրությունը ծավալը Հայաստանում աճել է 2.7 անգամ, մինչև 12.1 մլրդ դրամ: 2016-ին ոսկերչական արտադրությունը Հայաստանում աճել էր 97.7%, մինչև 36.3 մլրդ դրամ, նախորդ տարվա 61% աճի համեմատ:
Ըստ ՀՀ Մաքսային ծառայության տվյալների 2016 թվականին Հայաստանում ոսկերչական իրերի արտահանումն աճել է մոտ 24 անգամ, մինչև 19 425,5 կգ, 17,5 մլն. դոլար ընդհանուր գումարով: Հայ ոսկերիչների ոսկե և արծաթե իրերի արտադրությունն աճել է`18.5 կգ-ից մինչև 5499 կգ, 22.8 հազար դոլար գումարով: Իսկ թանկարժեք և կիսաթանկարժեք քարերով ոսկերչական ապրանքները նվազել են 40,4%, մինչև 6861,9 կգ, 104 հազ.դոլար գումարով: