Արմինֆո. «Հայաստանում մշակվում է «Կրոնական տուրիզմի» զարգացման ծրագիր», - ոլորտի զարգացմանը նվիրված միջոցառման ընթացքում այս մասին հայտարարեօլ է ՀՀ Զբոսաշրջության պետական կոմիտեի ղեկավար Զարմինե Զեյթունցյանը: Նա նշել է, որ շատ եվրոպացիների հետաքրքրում են սուրբ վայրերը, դրա համար էլ նրանք ուխտագնացություն են ընտրում դեպի Իսրայել: «Բայց Հայաստանը նույնպես հարուստ է կրոնական առումով, լինելով պետականորեն քրիստոնեություն ընդունած առաջին երկիրը: Հայաստանում կան բազմաթիվ հետաքրքիր եկեղեցիներ, տաճարներ և սուրբ արտեֆակտեր, հետաքրքիր պատմական հուշարձաններ, որոնք գրավիչ են «կրոնական տուրիզմի» հետևորդների համար», - նշել է նա
Նա տեղեկացրել է, որ Պետական կոմիտեն աշխատում է նաև էքստրեմալ զբոսաշրջության ծրագրի ստեղծման զարգացման ուղղությամբ, որը ժողովրդականություն է սկսում վայելել բազմաթիվ երկրներում, իսկ քանի որ Հայաստանը հարուստ է տարբեր բնական պաշարներով, ապահովելով լիարժեք Էքստրիմալ հանգիստ, ապա այդ ուղղությունը նույնպես կարիք ունի ընդլայնման և զարգացման:
Զ.Զեյթունցյանը նշել է նաև հետաքրքիր էքսկուրսիաներ զարգացնել սփյուռքահայերի համար: «Մեր հայրենակիցներից շատերը Հայաստանը համարում են ընդամենը որպես իրենց նախնիների հայրենիք և այցելում են բացառապես նրա համար, որպեսզի կատարեմ իրենց ազգային պարտքը: «Մենք պետք է շահագրգռենք Սփյուռքի ներկայացուցիչներին, որպեսզի նրանք դեպի Հայաստան ուղևորությունը համարեն ոչ միայն պարտականություն, այլ նաև զվարճալի հուզիչ ճանապարհորդության, որից կարելի է ստանալ շատ տպավորություններ և զվարճանք», - ասել է Զեյթունցյանը: «Հայաստանն ունի հետաքրքիր ավանդույթներ, ամբողջ աշխարհին է հայտնի հայկական հյուրընկալությունը և հրաշալի խոհանոցը: Դրանք են մեր ուժեղ կողմերը, որոնք պետք է հայտնի լինեն բոլոր նրանց, ովքեր հետաքրքրված են դեպի Հայաստան զբոսաշրջային փաթեթներով», - ասել է նա:
Նա ընդգծել է, որ որպես թիրախ լսարան այսօր դիտարկվում են`Ռուսաստանը, Իրանը, Սփյուռքը և Եվրոպայի երկրները: Բացի այդ, ցանկալի կլիներ հետաքրքրել նաև ԱՄՆ և Լատինական Ամերիկայի երկրների քաղաքացիներին, կապեր հաստատել նրանց հետ զբոսաշրջության զարգացման առումով», - ասել է Զարմինե Զեյթունցյանը: Նա նաև գանգատվել է օդային հաղորդակցության թուլ զարգացածությունից, ինչպես նաև վատ որակի ճանապարհներից:
Նշենք, որ միջազգային զբոսաշրջային այցելությունների թիվը Հայաստան 2017 թվականի առաջին եռամասյակում աճել է 18.2%, մինչև 599,3 հազար, ինչը հիմնականում պայմանավորված է իրանցի և ռուս զբոսաշրջիկների, համապատասխանաբար` 17.7% և 7,5% աճով: Ըստ ՀՀ Ազգային վիճակագրական ծառայության տվյալների, 2016-ի հունվար-դեկտեմբերին հանրապետություն է այցելել 1,259,657 զբոսաշրջիկ, տարեկան աճը`5,7%: