Պոլիտեխնիկական համալսարանում բացվել է Գերազանցության կենտրոն

Արմինֆո. Նախագահ Սերժ Սարգսյանն այսօր Հայաստանի ազգային պոլիտեխնիկական համալսարանում ներկա է գտնվել Գերազանցության կենտրոնի բացման հանդիսավոր արարողությանը։

Ինչպես տեղեկացնում է ՀՀ նախագահի մամուլի գրասենյակը, կենտրոնը ստեղծվել է աշխարհահռչակ ֆրանսիական «Շնեյդեր էլեկտրիկե ընկերության և ռուսական «Տաշիրե ընկերությունների խմբի համատեղ ջանքերով: Գերազանցության կենտրոնը Երևանում բացվում է «Տաշիրե ընկերությունների խմբի կազմում ընդգրկված «Հայաստանի էլեկտրական ցանցերե ընկերության և ֆրանսիական կազմակերպության միջև Փարիզում համագործակցության հուշագրի ստորագրումից երեք ամիս անց, որը տեղի է ունեցել Նախագահ Սերժ Սարգսյանի 08.03.2017 թվականին Ֆրանսիա կատարած պաշտոնական այցի շրջանակներում՝ Հանրապետության Նախագահի ներկայությամբ:

Կրթության և գիտության նախարար Լևոն Մկրտչյանի, «Տաշիրե ընկերությունների խմբի նախագահ Սամվել Կարապետյանի, ԱՊՀ երկրներում «Շնեյդեր էլեկտրիկե ընկերության նախագահ Յոհան Վանդերպլայետսի, «Հայաստանի էլեկտրական ցանցերե ընկերության տնօրենների խորհրդի նախագահ Կարեն Դարբինյանի, պաշտոնատար այլ անձանց և Հայաստանում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեի ուղեկցությամբ Հանրապետության Նախագահը շրջայց է կատարել նորաբաց կենտրոնում, ծանոթացել իրականացված աշխատանքներին, ստեղծված պայմաններին, ժամանակակից բարձր տեխնոլոգիաներով հագեցած սարքավորումներով կենտրոնի հնարավորություններին: Այն կառուցվել է պոլիտեխնիկական համալսարանի բազայի վրա և «Շնեյդեր էլեկտրիկե-ի ու ազգային գիտական համայնքի սերտ համագործակցության առաջին փորձերից մեկը կդառնա:

Պատասխանատուների հավաստմամբ, տասնյակ ուսանողներ ու երիտասարդ գիտնականներ հնարավորություն կունենան հմտություններ զարգացնել և ծանոթանալ էներգետիկայի ու ավտոմատացման ոլորտում ժամանակակից տեխնոլոգիաներին: Նորաբաց կենտրոնը օգտակար կլինի նաև էլեկտրամատակարարման ոլորտի կայացած աշխատակիցների համար։

Կենտրոնի բացման շրջանակներում տեղի է ունեցել նաև «Շնեյդեր էլեկտրիկե ընկերության, «Տաշիրե ընկերությունների խմբի, Հայաստանի ազգային պոլիտեխնիկական համալսարանի և «Հայաստանի էլեկտրական ցանցերե ընկերության ներկայացուցիչների միջև քառակողմ համաձայնագրի ստորագրման արարողությունը: Ինչպես հայտարարել է «Շնեյդեր էլեկտրիկ» ընկերության նախագահ Յոհան Վանդերպլայետսը, ցանկացած ընկերություն, որտեղ մտադիր է հաջող աշխատել, մեկ գլխացավանք ունի՝ ինժեներների պակաս: «Այդ պատճառով մեր շահերից է բխում համագործակցել բարձրորակ կադրեր պատրաստող առաջատար բուհերի հետ, որոնք, ծանոթ լինելով տեխնոլոգիաներին, մեր ընկերությանը, հետագայում կարող են է «Շնեյդեր էլեկտրիկի» աշխատակիցներ դառնալ»,- հայտարարել է նա: Կարևոր է նաև այն, որ Հայաստանը միակ երկիրն է տարածաշրջանում, որ նման վստահություն է վայելում: «Շնեյդեր էլեկտրիկի» հետ համագործակցության համաձայնագրեր չունի ոչ Ադրբեջանը, ոչ Վրաստանը: Ռուսական բուհերից բացի, գործընկեր բուհերի թվում են միայն Ուկրաինայի, Բելառուսի և Ղազախստանի բուհերը: