Արմինֆո. Գոտիավորումը կենտրոնացած է ըստ Հայաստանում գտնվող մշակութային և պատմական հուշարձանների, բայց այսօր անհրաժեշտություն կա գոտիավորել նաև այն տարածքները, որոնք գտնվում են էքստրեմալ տուրիզմի տարածքում: Հունիսի 7-ին էքստրեմալ զբոսաշրջության ներկայացուցիչների հետ տեղի ունեցած քննարկումների ընթացքում նման կարծիք է հայտնել ՀՀ զբոսաշրջության պետական կոմիտեի ղեկավար Զարմինե Զեյթունցյանը:
«Այսօր, արկածային զբոսաշրջության զարգացումը գտնվում է երկրի իշխանությունների ուշադրության կենտրոնում», - նշել է նա, հավելելով, որ այսօրվա քննարկումներից հետո կստեղծվի աշխատանքային խումբ, որը սահմանված ժամկետներում պետք է լուծի զբոսաշրջության ոլորտում գոյացած և ընթացիկ պրեբլեմները:
Այս առումով, բնապահպանության նախարարի տեղակալ Խաչիկ Հակոբյանը հանդես է եկել առաջարկով, որպեսզի արկածային զբոսաշրջության տարածքներին շնորհվի բնական հուշարձանների կարգավիճակ: Նրա խոսքով, դա միանգամայն հնարավոր է իրականացնել Բնական հուշարձանների ինստիտուտի հետ համատեղ, որն ունի նման կարգավիճակ շնորհելու լիազորություններ: «Դա ամենակարճ և արդյունավետ ճանապարհն է», - ընդգծել է նա: Եթե տարածքը չի համապատասխանում սահմանված չափանիշներին և այդ պատճառով չեն ընկնում «բնական հուշարձանների» կարգավիճակի տակ, Հակոբյանն առաջարկում է ստեղծել խորհուրդ, որը լրացուցիչ հետազոտություն կիրականացնի այդ տարածքներում:
Հիշեցնենք, որ ՀՀ տնտեսական զարգացման և ներդրումների նախարարության Զբոսաշրջության պետական կոմիտեն ստեղծվել է 2016 թվականի հոկտեմբերին:
