Մրցույթի հաղթող ուսանողները կհամալրեն ՌՈՍԳՈՍՍՏՐԱԽ ԱՐՄԵՆԻԱ ընկերության աշխատակիցների կազմը

Արմինֆո.ՌՈՍԳՈՍՍՏԱՐԱԽ ԱՐՄԵՆԻԱ ընկերությունն ամփոփեց ուսանողների մրցույթի արդյունքները:

Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, հաղթող ճանաչվեց Երևանի պետական համալսարանի շրջանավարտ, Հայաստանի ամերիկյան համալսարանի մագիստրատուրայի ուսանողուհի Սինարա Ղարիբյանը: Երկրորդ տեղում է Հայաստանի ազգային ագրարային համալսարանի ուսանող, ՌՈՍԳՈՍՍՏՐԱԽ անվանական կրթաթոշակակիր Արթուր Անտոնյանը: Երրորդ տեղը գրավեց Երևանի պետական համալսարանի շրջանավարտ Շուշանիկ Գյոլչանյանը:

Գլխավոր մրցանակը՝ եռօրյա այց Մոսկվա, որի ընթացքում մրցույթի հաղթողը՝ Սինարա Ղարիբյանը, ստաժավորում կանցնի ՌՈՍԳՈՍՍՏՐԱԽ ընկերությունում, ինչպես նաև կմասնակցի Մոսկվայի լավագույն ԲՈՒՀ-երից մեկի ապահովագրության դասընթացների: Մրցույթի հաղթողները ստացան նաև դրամական մրցանակներ. առաջին տեղ՝ 300,000 դրամ, երկրորդը՝ 200,000 դրամ և երրորդը՝ 100,000 դրամ: Մրցույթի հաղթողներին պատվոգրեր և մրցանակներ հանձնեց ՌՈՍԳՈՍՍՏՐԱԽ ԱՐՄԵՆԻԱ ընկերության Անձնակազմի կառավարման դեպարտամենտի ղեկավար Անահիտ Աստաբաթցյանը՝ մաղթելով հետագայում նույնպես հասնել հաղթանակների:

Մարքեթինգային հաղորդակցումների դեպարտամենտի ղեկավար Էմմա Մոժարովան նշեց. «Կրթությունն այն ոլորտն է, որտեղ անհրաժեշտ է գումար ներդնել, քանի որ խելացի, կրթված երիտասարդները մեր երկրի գլխավոր ռեսուրսն են և ապագան: ՌՈՍԳՈՍՍՏՐԱԽ ԱՐՄԵՆԻԱ ընկերությունը ստանձնել է Հայաստանում քաղաքակիրթ ապահովագրական շուկա ստեղծելու առաքելությունը, ուստի այդ շրջանակներում կրթության ոլորտում իրականացնում է մի շարք նախագծեր:  Մենք համագործակցում ենք Հայաստանի առաջատար ԲՈՒՀերի հետ։ Ամեն տարի ավելի քան 100 ուսանող մեզ մոտ անցնում է ուսումնական և նախադիպլոմային պրակտիկա։ Անցկացնում ենք մրցույթներ, լավագույն ուսանողներին տրամադրում ենք ՌՈՍԳՈՍՍՏՐԱԽ անվանական կրթաթոշակ։ Ընկերության աշխատակիցների մոտ 15 տոկոսը մեր նախագծերի մասնակիցներն են: Եթե արդյունքում նույնիսկ մեկ երիտասարդ մասնագետ որոշի չլքել Հյայաստանը, ապա մենք մեր նախագծերը կհամարենք հաջողված»:

Ուսանողներին շնորհավորեցին նաև մրցանակաբաշխության արարողությանը ներկա գտնվող ԲՈՒՀ-երի ներկայացուցիչները, մասնավորապես ՀԱԱՀ ագրոբիզնեսի և շուկայաբանության ֆակուլտետի դեկան Հրաչիկ Ջավադյանը:

Մրցույթի հաղթող Սինարա Ղարիբյանը ՌՈՍԳՈՍՍՏՐԱԽ ԱՐՄԵՆԻԱ ընկերությունից ստացավ աշխատանքի հրավեր: Նա հայտնեց, որ շնորհիվ մրցույթի հաջողվեց ոչ միայն ստանալ խորը գիտելիքներ, հավատալ սեփական ուժերին, այլ նաև ամենակարևորը՝ ստանալ աշխատանք Ընկերությունում:

Հիշեցնենք, որ առաջին մրցույթի հաղթող, Աննա Ղալայանը, նույնպես աշխատում է ՌՈՍԳՈՍՍՏՐԱԽ ԱՐՄԵՆԻԱ ընկերությունում, ընդ որում արդեն հանդիսանում է առաջատար մասնագետ: 

Նշենք, որ ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թ. մայիսին և գործում է Հայաստանի Հանրապետության կողմից 2008 թվականի մայիսի 20-ին տրված «ոչ կյանքի ապահովագրություն» իրականացնելու ԱՊՈ թիվ 0009 լիցենզիայի հիման վրա: Ընկերության կանոնադրական կապիտալը կազմում է 4,5 միլիարդ դրամ: ՌՈՍԳՈՍՍՏՐԱԽ ԱՐՄԵՆԻԱ ընկերությունն ունի ամենալայն գրասենյակային ցանցը և ներկայացված է Հայաստանի Հանրապետության գրեթե բոլոր քաղաքներում, ունի հաճախորդների սպասարկման 51 գրասենյակ, այդ թվում 20 մասնաճյուղ, 16  գրասենյակ Երևանում, և 35՝  Հայաստանի մարզկենտրոններում և խոշոր քաղաքաներում: ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունն առաջինը Հայաստանում ստացավ ISO 9001:2008 ստանդարտին համապատասխանության սերտիֆիկատ աշխարհահռչակ Moody International կազմակերպությունից: ՌՈՍԳՈՍՍՏՐԱԽ ԱՐՄԵՆԻԱ ընկերությունը հանդիսանում է Հայաստանի ապահովագրական շուկայի առաջատարը: 2017 թվականի հունվար 1-ի դրությամբ ընկերության ակտիվները կազմել են 13.2 մլրդ դրամ, սեփական կապիտալը`6.9 մլրդ դրամ, կանոնադրական կապիտալը`4.5 մլրդ դրամ, ապահովագրական պրեմիաները`9.4 մլրդ դրամ, հատուցումները`4.6 մլրդ դրամ: Ընկերությունը 2016 թվականը եզրափակել է 1,6 մլրդ դրամ զուտ շահույթով: Ապահովագրական պրեմիաների գծով ընկերությունն առաջատարն է ԱՊՊԱ, ԿԱՍԿՈ, օդային տրանսպորտի, բեռների, ընդհանուր պատասխանատվության, ֆինանսական վնասների ապահովագրության հատվածներում: Իսկ ապահովագրական հատուցումներով ընկերությունն առաջատարն է ԱՊՊԱ, ԿԱՍԿՈ, գույքի ապահովագրության, արտասահման մեկնողների, բեռների, ֆինանսական վնասների ապահովագրության հատվածներում: Շուկայում առկա ապահովագրական 19 դասերից «ՌՈՍԳՈՍՍՏՐԱԽ ԱՐՄԵՆԻԱ»-ն ունի 15 ապահովագրական դասերի լիցենզիա, միաժամանակ հանդիսանալով միակ ընկերությունը, որն աշխատում է վարկային ռիսկերի ապահովագրության հատվածում:-