Փորձագետ. Տարեվերջին Հայաստանում կստեղծվի Ինժեներային քաղաք

Արմինֆո.Երևանում՝ Բագրևանդում, կկառուցվի 3 հա մակերեսով Ինժեներային քաղաք: Այդ մասին այսօր մամուլի ասուլիսի ժամանակ հայտնել է «Ձեռնարկությունների ինկուբատոր» հիմնադրամի ղեկավար Բագրատ Ենգիբարյանը՝ պատասխանելով ԱրմԻնֆո-ի հարցին:

Նա նշել է,որ նախագծի նախնական արժեքը կկազմի շուրջ $20 մլն, կառուցման նպատակով ներդրումներ կիրականացվի շուրջ 16 մասնավոր ընկերության կողմից: Ըստ որում, նա ընդգծել է, որ միջազգային 2 խոշոր ընկերություն Ինժեներային քաղաքում իրենց հետազոտական կենտրոնները հիմնելու շահագրգռվածություն է հայտնել: Այս առնչությամբ նա նշել է Philipp Morris ընկերությունը և ևս մեկ ընկերություն Աբու Դաբիից: Ենթակառուցվածքների նախապատրաստմանն աջակցություն կցուցաբերի ՀՀ կառավարությունը՝ Համաշխարհային բանկի հետ միասին:

Ենգիբարյանի խոսքով, Ինժեներային քաղաքը կներառի միջինը 30-35 ընկերություն, իսկ ավելի քան 50 ընկերություն կարող է դիմել աքսելերատորներին: Առավել արժեքավոր, փորձագետի կարծիքով, Ինժեներային քաղաքում համակարգային ինժեներիայի նոր ֆակուլտետի հիմնումը կհանդիսանա, ինչը թույլ կտա զարգացնել կրթություն-մասնավոր հատված ձևաչափով համագործակցությունը: Նա նշել է, որ քաղաքում կգործեն լաբորատորիաներ, հետազոտական կենտրոններ՝ հագեցած թանկարժեք սարքավորմամբ, որից ուսանողներն օգտվելու հնարավորություն կունենան՝ գործնական պարապմունքների և գիտելիքների հարստացման նպատակով:

Ենգիբարյանը նշել է, որ արդեն ընթացիկ տարվա սեպտեմբերին Ինժեներային քաղաքում կհայտնվի մի քանի ընկերություն, իսկ ամբողջական գործարկումը նախատեսված է տարեվերջին: