Արմինֆո. Հունիսի 29-ին Հայաստանում կբացվի արևային վահանակներ արտադրոս առաջին ձեռնարկությունը, SolarOn անվանումով: Այդ կապակցությամբ ԱրմԻնֆո գործակալության հարցին սիրով համաձայնվել է պատասխանել SolarOn ընկերության հիմնադիր Արթուր Ալավերդյանը:
Պրն.Ալավերդյան, ի՞նչ է իրենից ներկայացնում SolarOn արտադրական ձեռնարկությունը:
Եթե կարճ – դա արտադրա-սպասարկման ընկերություն է, որն արտադրում է արևային վահանակներ և մատուցում արևային կայանների տեղադրման ծառայություններ: Եթե բացենք փակագծերը, ապա կարելի է նշել, որ SolarOn-ը, որպես երկրում արևային վահանակներ առաջին արտադրող, կարող է դառնալ Հայաստանում արևային էներգետիկայի զարգացման կատալիզոտորը: Մենք ստանձնել ենք շատ բարդ առաքելություն`մի կողմից ուզում ենք բարձրացնել պոտենցիալ սպառողների իրազեկվածությունը և զարգացնել այլընտրանքային էներգետիկայի նկատմամբ պահանջարկը, իսկ մյուս կողմից`ճանապարհ հարթել հաջորդ ներդրողների համար: Ըստ էության, մենք միսիոներներ ենք, նոր տեխնոլոգիաների փրովայդերներ:
Մինչև վերջերս արևային էներգետիկան մեզ մոտ հանդիսանում էր ներմուծողների բացառիկ արտոնությունը, որոնք հիմնականում արևային պանելներ էին ներմուծում Չինաստանից: Այժմ, ի դեմս ձեր ընկերության, հայտնվեց «հայրենական արտադրողը», ներդրող, որը որոշեց ներդրում կատարել այդ արտադրությունում: Եթե ձեր խնդիրը նոր տեխնոլոգիաների ներդրումն է, մասնավորապես, արևային էներգետիկայի զարգացումը, ապա ինչո՞ւ չգնացիք ավելի հեշտ ու պակաս ռիսկային ճանապարհով, այսինքն, սարքավորումների ներմուծման ճանապարհով:
Երբ մենք խոսում ենք նոր ինդուստրիայի զարգացման, նոր պրոդուկտի պահանջարկի մասին, ընդ որում, սպառողից «երկարատև» ներդրումներ պահանջող պրոդուկտի, մենք չենք կարող շրջանցել երաշխիքները: Եկեք հիշենք, որ արևային կայանն էժան չէ, ներդրված գումարի վերադարձը տեղի է ունենում ոչ թե մեկ օրում, այլ 5-7 տարում: Ընդ որում, կա ևս մեկ երկար ժամկետ, 30 տարվա շահագործման ժամկետը, ինչն իր հերթին ենթադրում է երկարատև երաշխիքային և հետ-երաշխիքային սպասարկում: Հետևաբար, այս ամենը հաճախորդներին ապահովելու համար հարկավոր է առնվազն գոյություն ունենալ այդ ժամանանակաշրջանի ընթացքում:
Իմ կարծիքով, միայն ներդրում կատարած արտադրողը կարող է ռիկսի դիրքերից հավասար խոսել գնորդի հետ: Ավելին, արտադրությունում կատարված ներդրումների փաստը, որոնք մեր պարագայում կազմել են 2 մլն.դոլար, արդեն գնորդներին երաշխավորում է լրջություն, ինչպես նա հուսալիություն և առաջարկվող լուծումների երկարաժամկետություն: Ես տեսնում եմ, որ այդ մոտեցումն ավելի քան արդարացված է: Մեզ վստահում են, մեզ այցելում են, և մեզ նախընտրում են բոլոր նրանք, ովքեր նույնպես մտադիր են երկար աշխատել Հայաստանում:
Բացի հնչեցված գործոններից կան մի շարք լուրջ առավելություններ, որոնք տալիս է միայն արտադրությունը: Հնչեցնեմ ամենագլխավորը, դա որակի երաշխիքն է, քանի որ արտադրությունում օգտագործվում են սարքավորումներ, որոնք թույլ են տալիս արևային կայանների քառակի թեստավորում:
Ինչպիսի՞ տեսք ունի ընկերության «արտադրական» շղթան: Զբաղվո՞ւմ եք արդյոք արևային վահանակների տեղադրմամբ,, թե՞ սահմանափակվում եք միայն արտադրությունով: Ինչո՞վ է սկսվում և ավարտվում պատվիրատուի աշխատանքը, ո՞ր փուլում է դրվում վերջակետը:
Առաջինը, ովքեր շփվում են պոտենցիալ հաճախորդների հետ, մեր տեխնիկական խորհրդատուներն են: Բոլոր հարցերը բացատրում են նրանք: Այնուհետև հայտը գնում է դիզայնի բաժին, որտեղ մշակվում են կայանների տարբերակները, հաշվի առնելով հիմնական պարամետրերը, դրանք են`սպառվող էներգիայի ծավալը, տեղադրման համար առկա տարածքը, հաշվի են առնվում նաև նախագծային պահանջները: Այս ամենը տրամադրվում է անվճար, և պատվիրատուի հետ վերջնական տարբերակի հաստատումից հետո հաշվարկվում է վերջնական գինը, կնքվում է պայմանագիրը և հայտն ուղարկվում է արտադրության: Անհրաժեշտ վահանակների և սարքավորումների արտադրությունից հետո պատվերով սկսվում են զբաղվել տեղադրողները: Իսկ հետո տեղադրված արևային կայանը փոխանցվում է սպասարկման բաժին, որը վերահսկում է վիճակը և աշխատանքը:
Ներկայումս փորձարկում ենք SolarOn-ի բջջային հավելվածը կայանների սեփականատերերի համար, ինչը նրանց թույլ կտա ստանալ էներգիայի սպառման մասին վիճակագրություն: Տարբերակները կլինեն շատ, բայց մանրամասները մենք կբացահայտենք, երբ ամեն ինչ սկսի գործել աշխատանքային ռեժիմով: Իսկ մինչ այդ, ամփոփելով պատասխանը, ձեր խոսքերով պատասխանեմ, որ հաճախորդների հետ աշխատանքում մենք վերջակետ չենք դնում, ընդհանրապես: Մենք համագործակցում ենք արևային կայանի սպասարկման բոլոր փուլերում: Եվ ժամանակի ընթացքում մտադիր ենք ընդլայնել երաշխիքային և հետ-երաշխիքային ծառայությունները:
Ո՞րն է ձեր ռազմավարությունը կորպորատիվ և մասնավոր հաճախորդների նկատմամբ:
Եթե խոսքը գնում է առաջնահերթությունների մասին, ապա վերապահումով ասեմ, որ դա չենք տարբերակում: Մեզ համար հավասարապես կարևոր է աշխատել բիզնեսի և մասնավոր հատվածի հետ: Մենք հավասարապես ուշադրություն դարձնում խոշոր և փոքր պատվերներին:
Արդյո՞ք նախատեսում եք աշխատել բանկերի հետ, սպառողներին լիզինգային և վարկային ծառայություններ տրամադրելու առնչոթյամբ:
Այո, մենք բանեկրի հետ համատեղ մշակում ենք մի շարք առաջարկություններ, թե բիզնեսի, և թե անհատների համար: Ավելին, մի քանի միջազգային հիմնադրամներ, որոնք շահագրգռված են այլընտրանքային էներգետիկայի զարգացման ոլորտում, արտոնյալ վարկային գծեր են տրամադրել բանկերին, ինչն իջեցրել է վարկավորման տոկոսադրույքները: Այսինքն, այսօր բոլոր ցանկացողները, կայաներ ձեռք բերելու համար, կարող են օգտվել լիզինգային առաջարկից, ցածր տոկոսադրույքներով և մինչև 7 տարի մարման ժամկետով:
Պրն. Ալավերդյան, ավելի վաղ Դուք հայտարարել էիք, որ չեք պատրաստվում մնալ միայն հայկական շուկայում և մտադիր եք կարգավորել նաև արտահանումը: Ո՞ր երկրների հետ եք պատրաստվում սկսել արտահանման էպոպեյան, և, ընդհանրապես, ինչպե՞ս եք գնահատում հայկական ապրանքանիշի ներուժը միջազգային շուկայում:
Մի քանի ամսից կավարտենք եվրոպական վկայականի ստացման գործընթացը և կարող ենք դուրս գալ հարևան երկրների շուկաներ, մասնավորապես, Վրաստան, իսկ ավելի հեռավոր ժամկետներում – կարգավորել արտահանումը դեպի Եվրոպա և Մերձավոր Արևելք: Հայկական արևային վահանակների ներուժը, ասեմ առանց կեղծ համեստության, հսկայական է: Արդեն հայտեր ենք ստանում մի շարք եվրոպական, աֆրիկյան և մերձավորարևելյան երկրներից:
Ի՞նչ ծրագրեր ունի ընկերության երկարաժամկետ հեռանկարում: Ինչպե՞ս եք տեսնում ընկերության և այս ինդուստրիայի զարգացումը: Ինչ դերակատարներ և ծառայություններ կհայտնվեն, որպեսզի ոլորտը կարողանա լիարժեք գործել և զարգանալ:
Ես ընկերության հետագա զարգացումը տեսնում եմ հետազոտական կենտրոն բացելու մեջ, որտեղ մեր մասնագետներն արտասահմանյան գործընկերների հետ միասին աշխատելու են նոր լուծումների ուղղությամբ, զարգացնելով հաջորդ սերունդների արևային վահանակները: Ոլորտի զարգացման առումով ունենք մեծ պլաններ ու ակնկալիքներ: Ես վստահ եմ, որ շուտով կհայտնվեն ընկերություններ, որոնք ներգրավված կլինեն, օրինակ, ալյումինե շրջանակների, ինվերտորների և այլ պահեստամասերի արտադրության ցիկլում, ինչպես նաև ընկերություններ, որոնք շահագրգռված կլինեն հետ-արտադրական ցիկլում, օրինակ, տեղադրողներ: Բացի այդ, մենք առաջատար տեխնիկական բուհերի հետ սկսել ենք մշակել ինժեներների, արևային էներգիայի ոլորտի մասնագետների վերապատրաստման նոր դասընթացներ: Հուսով եմ, որ պետությունը նույնպես հետևողականորեն կմասնակի նոր տեխնոլոգիաների ներդրման և զարգացման գործընթացին, համարելով այն հայրենական տնտեսության զարգացման գերակա ուղղություններից մեկը:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները