Ամերիաբանկն արժանացել է Euromoney 2017 Գերազանցության Մրցանակին` որպես Տարվա լավագույն բանկ Հայաստանում

Արմինֆո. Ամերիաբանկին շնորհվել է Euromoney 2017 Գերազանցության մրցանակ` որպես Տարվա լավագույն բանկ Հայաստանում: Այս պատվավոր մրցանակին Ամերիաբանկն արժանանում է հինգերորդ անգամ:

Ինչպես ԱրմԻՆֆո գործակալությանը տեղեկացվել է Բանկի մամուլի ծառայությունից, արդեն 26 տարի անընդմեջ Euromoney հեղինակավոր ամսագիրն իրականացնում է համաշխարհային մասշտաբով լավագույն բանկերի գործունեության արդյունքների գնահատման ամենամյա գործընթացը: Լոնդոնում կայացած հանդիսավոր արարողության ժամանակ մրցանակը հանձնվել է Մեծ Բրիտանիայում Ամերիաբանկի լիազոր ներկայացուցիչ Արմեն Ասլանյանին և Ամերիաբանկի Ակտիվների, պարտավորությունների և կապիտալի կառավարման վարչության ղեկավար Հովհաննես Խաչատրյանին:

Տարվա Բանկ է ընտրվել Հոնկոնգի HSBC բանկը: Հաղթողների թվում նաև Goldman Sachs, Bank of America Merrill Lynch, Morgan Stanley, Citi և BNP Paribas բանկերը: Ժյուրիի անդամների որոշմանը նախորդեց ամենամյա անկախ մոնիտորինգը: Բրիտանացի վերլուծաբանները հետևել են բանկերի ֆինանսական ցուցանիշներին, դրանց արդյունավետությանը, մասնաբաժնի աճին շուկայում, հաճախորդների հետ հարաբերություններին, ինչպես նաև ուսումնասիրել են ինովացիոն պրոդուկտների մշակման և ներդրման արագությունը:

Նշենք, որ Euromoney ամսագիրը լույս է տեսել Լոնդոնում, 1969 թվականից և համարվում է առավել հեղինակավոր գործարար հրապարակումներից մեկն աշխարհում: Ամեն տարի ամսագիրն ընտրում է լավագույն կազմակերպությանը ֆինանսական և ներդրումների ոլորտում: Հաղթողները որոշվում են երեք փուլով`սկզբում ուսումնասիրվում են տարեկան հաշվետվությունները, հետո զրուցում բանկի գործընկերների հետ երկրի ներսում և երկրից դուրս, որից հետո փորձագետները տալիս են իրենց գնահատականները: Կարևոր են ոչ միայն ֆինանսական ցուցանիշները, այլ նաև ղեկավարության և անձնակազմի պրոֆեսիոնալիզմը: Մրացնակը մեծ հեղինակություն է վայելում աշխարհում, հանդիսանալով որպես «Օսկար» ֆինանսական ոլորտում:

Նշենք, որ մինչ այդ «Գերազանցության» մրցանակը, որպես լավագույն բանկը Հայաստանում, Euromoney- ի կողմից Ամերիաբանկին շնորհվել էր 2011, 2012, 2014 և 2016 թվականներին: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Ամերիաբանկի ակտիվները 2017 թվականի հունվարի 1-ին կազմել է 718.3 մլրդ դրամ, տարեկան աճը` 39.2%, բացարձակ մեծությամբ պահպանելով առաջին տեղը: Ակտիվների կառուցվածքում վարկային ներդրումների ծավալը կազմել 71.2% կամ 511.7 մլրդ. դրամ (առաջին տեղ), տարեկան կտրվածքով աճը`61,4%: Բանկի վարկային պորտֆելում կորպորատիվ բաղադրիչը կազմել է 462.1 մլրդ. դրամ (առաջին տեղ), տարեկան աճը` 69.1%: 2016 թվականը Ամերիաբանկը եզրափակել է 6,2 մլրդ դրամ զուտ շահույթով,  տարեկան աճը`29,1%, ապահովելով իր գերակայությունը նաև այս ցուցանիշով: