Արմինֆո. Աշխարհի ամենաերկար «Տաթևի թևեր» ճոպանուղին, որը տեղ է գտել Գինեսի ռեկորդների գրքում, և որը տանում է դեպի միջնադարյան Տաթևի վանք, հուլիսի 16-ին, մեկ օրում փոխադրել է 1371 ուղևորների, գերազանցելով 2014 թվականի հուլիսի 14-ի ռեկորդը (1321): Եթե ճոպանուղու շահագործման առաջին տարում, 2010 թ-ին, ուղևորների թիվը կազմել է 10 հազար, ապա 2016 թվականի վերջին այս ցուցանիշը գերազանցել է 505 հազարը:
Տաթևի ճոպանուղին կոչվում է «Տաթևի թևեր», որի երկարությունը կազմում է 5.7 կմ, ձգվում է Որոտան գետի խորը և գեղատեսիլ կիրճի վրայով, իրար միացնելով Հալիձոր և Տաթև գյուղերը, որտեղ գտնվում է վերջերս վերանորոգված Տաթևի վանական համալիրը (IX – X դարեր):
Ճոպանուղու պաշտոնական բացումը տեղի է ունեցել 2010 թվականի հոկտեմբերին, «Տաթևի վերածնունդ» և «Հայաստանի զարգացման նախաձեռնություն» հիմնադրամների աջակցությամբ:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |