Վարդան Արամյան. Օլիգոպոլիական շուկաները կլանում են երկրի տնտեսական աճը

Արմինֆո. Ֆինանսների նախարար Վարդան Արամյանն ընդունում է օլիգոպոլիայի առկայությունը հանրապետությունում: «Օլիգոպոլիական շուկայի պայմաններում բարդ կլինի հասնել աճի ցանկալի տեմպերի», - հայտարարել է նախարարը` Հայաստանի Հանրապետության 2018-2020 թթ. պետական միջնաժամկետ ծախսերի ծրագրի (ՄԺԾԾ) քննարկման ընթացքում:

Արամյանի ասելով, ստեղծված իրավիճակը կարգավորելու միակ հնարավոր տարբերակը դաշտը մաքրելն է` վերացնելով օրենսդրական, տեխնիկական խոչընդոտները: Գործընթացն արդեն մեկնարկել է, և, ֆինանսների նախարարի կարծիքով, «Գնումների մասին»  նոր օրենքը կդառնա գործուն մեխանիզմ  այդ ուղղությամբ: «Մենք օրենսդրորեն հավասար մրցակցային պայմաններ ենք սահմանում շուկայի բոլոր մասնակիցների համար և նրանց փոխդարում ենք ավելի հանդուրժողական դաշտ», - հայտարարել է Արամյանը:

ՀՀ 2018-2020 թթ. պետական միջնաժամկետ ծախսերի ծրագրի համաձայն, Ֆինանսների նախարարությունը 2018 թվականին ՀՆԱ աճը կանխատեսում է 4,7%-ի, 2019 թվականին` 5.4%-ի մակարդակում, 2020 թվականին այդ ցուցանիշը կհասնի 57%-ի: 2018 թվականին ՀՆԱ անվանական ծավալը կկազմի 5.785 մլրդ դրամ,  2019 թվականին`  6.341 մլրդ դրամ, իսկ 2020 թվականին այդ ցուցանիշը կհասնի 6,974 մլրդ դրամի: ՀՆԱ-ի աճն առաջիկա 3 տարիների ընթացքում, ինչպես պարզաբանել է Վարդան Արամյանը, կապահովվի ՀՆԱ նկատմամբ կապիտալ ծախսերի ցուցանիշի ագրեսիվ ավելացման հաշվին.  2018 թվականին դրանք կավելանան մինչև ՀՆԱ 3.8%, 2019 թվին այդ ցուցանիշը կկազմի 4,8%, իսկ արդեն 2020 թվին` 5.5%: Բյուջեի դեֆիցիտի մակարդակն աստիճանաբար կնվազի 2018 թվականին` ՀՆԱ 2,8%-ից մինչև  ՀՆԱ-2.7%. 2019 թվականին` մինչև 2.4%, իսկ 2020 թվականին` մինչև 2.1%: ՀՆԱ դեֆլյատորը 2018 թվականին կլինի 103.1 մակարդակի, իսկ 2019-2020 թթ.` 104: Միևնույն ժամանակ, նախատեսվում է բյուջեի հարկային մուտքերի տարեկան ՀՆԱ 0.3-0.4 տոկոսային կետ ավելացում: 2018 թվականին հարկեր/ՀՆԱ կկազմեն 22.4%,  2019 թվականին`  22,7%, իսկ 2020 թվականին` 23%:

Հիշեցնենք, որ իրական ՀՆԱ-ի աճը 2016 թվականի պետական ​​բյուջեում նախատեսված է 2,2%, ՀՆԱ ինդեքս-դեֆլյատորը ` 4%-ի չափ, 12-ամսյա գնաճը` 4% (+ 1.5%) մակարդակի, իսկ պետբյուջեի դեֆիցիտը`  ՀՆԱ 3.5%: 2016 թվականին ծախսերի հոդվածն արձանագրվել է 1 տրլն. 377 մլրդ դրամ (ծախսեր/ՀՆԱ հարաբերակցությունը` 25,3%), իսկ եկամուտներինը` 1 տրլն 186,3 մլրդ դրամ (եկամուտ/ՀՆԱ հարաբերակցությունը` 21,8%)` 197 մլրդ դրամ  պակասուրդի (պակասուրդ/ՀՆԱ հարաբերակցությունը` 3,5%) դեպքում: Այդուհանդերձ, տարվա արդյունքներով ՀՆԱ աճը կազմել է 0.2-0.3%, ծախսերն ավելացել են մինչև 1 տրլն  440 մլրդ դրամ, 70-80 մլրդ դրամով պակաս հարկ է հավաքվել, ինչի արդյունքում պետբյուջեի պակասուրդի նախատեսվախ մակարդակը գերազանցվել է 2%-ով: