Չորեքշաբթի, 19 Հուլիսի 2017 17:36

Արմինֆո. Առաջին կիսամյակում օտարերկրյա քաղաքացիների Հայաստան կատարած այցելությունների թիվը գերազանցել է 1.3 միլիոնը, տարեկան աճը`24.3%: Այս մասին հուլիսի 19-ին կայացած մամուլի ասուլիսում հայտարարել է ՀՀ Տնտեսական զարգացման և ներդրումների նախարարության Զբոսաշրջության պետական ​​կոմիտեի ղեկավար Զարմինե Զեյթունցյանը:

 

Ըստ նրա, Հայաստան կատարած այցելությունների թվով առաջին եռյակում են Ռուսաստանը, Վրաստանը և Իրանը: Պատասխանելով ԱրմԻնֆո-ի հարցին, Զարմինե Զեյթունցյանը նշել է, որ հաշվետու ժամանակահատվածում ռուսաստանցիների այցելությունների թիվն աճել է 33,7%, մինչև 241 հազար: Երկրորդ տեղում է Վրաստանը` 151 հազար, տարեկան աճը`11%: Եռյակը եզրափակում է Իրանը`89.8 հազարի, տարեկան աճը`27.4%: Մասնավորապես, լավագույն տասնյակում են`ԱՄՆ քաղաքացիները (17,5 հազար), Ուկրաինան (12,7 հազ.), Ֆիլիպինները (10.9 հազ.), Գերմանիան (7.8 հազ.), Ֆրանսիան (7,6 հազ.), Հնդկաստանը (4.3 հազ.) և Լեհաստանը (4.3 հազար):

 

Նա ընդգծել է. «Հետաքրքիր դինամիկա է դիտվում Թուրքմենստանի, Ուզբեկստանի և Իրաքի քաղաքաիների այցելությունների թվով: Այստեղ ոչ այնքան տպավորում է նրանց թիվը, որքան արձանագրված աճը»: Այս առումով նա նշել է, որ Թուրքմենստանի քաղաքացիների այցելությունների թիվը հաշվետու ժամանակաշրջանում աճել է 2,3 անգամ, Ուզբեկստան - գրեթե 3 անգամ, Իրաք - 67.3%: Իսկ միայն հունիսին օտարերկրյա քաղաքացիների այցելությունների թիվն ավելացել է 27.7%, մինչև 295.4 հազար:

 

Այս առումով նա պարզաբանել է, որ խոսքը գնում է օտարերկրյա քաղաքացիների այցելությունների մասին, առանց հստակեցնելով այցի նպատամը: Իսկ զբոսաշրջության նպատակով այցելած օտարերկրյա քաղաքացիների թվի մասին տեղեկատվությունը հանրությանը կտրամադրվի ամսվա վերջին, նշել է Զեյթունցյանը:

 

Թիրախային շուկաների առումով նա նշել է Ռուսաստանի Դաշնությունը, Իրանը, Պարսից ծոցի պետությունները և Արևմտյան Եվրոպան, որոնք հետ Հայաստանն ունի ուղիղ չվերթներ: Միևնույն ժամանակ, նա կարևորել է ներքին զբոսաշրջության զարգացումը: Չինաստանի և Ճապոնիայի առումով Զեյթունցյանը նշել է, որ պետական ​​կոմիտեն այժմ աշխատում է այդ շուկաների ուսումնասիրության ուղղոթւյամբ:

 

Իր հերթին, Զբոսաշրջության կոմիտեի պետի տեղակալ Մեխակ Ապրեսյանը նշել է, որ համաձայն կառավարության մինչև 2020 թ. ծրագրի, Հայաստանը մտադիր է տարեկան ապահովել զբոսաշրջիկների 3 մլն. այցելություն: Այդ ցուցանիշին հասնելու համար, ըստ նրա, անհրաժեշտ է իրականացնել համալիր միջոցառումներ, մասնավորապես,  մարքեթինգային հետազոտություններ նպատակային շուկաներում, ինչը կնպաստի Հայաստանի ճանաչելիության բարձրացմանը: Նա նաև նշել է աշխատանքների իրականացումը, որոնք ուղղված են մատուցվող ծառայությունների որակի բարձրացմանը: Մասնավորապես, Ապրեսյանը նշել է, որ Պետ​​կոմիտեն ՀՀ կառավարությանն է ներկայացրել իր առաջարկները, Զբոսաշրջության մասին օրենքի փոփոխությունների և լրացումների առնչոթւյամբ: Այս առումով նա նշել է մատուցվող ծառայությունների որակի բարձրացման անհրաժեշտությունը, լիցենզավորման համակարգի ներդրումը և ծառայութոյւնների կամավոր որակավորումը, ինչպես նաև զբոսաշրջիկների համար նախատեսված տեղակատվական կենտրոնների գործունեության համակարգումը: Միևնույն ժամանակ, նա ընդգծել է վիճակագրության բարելավման կարևորությունը, որի շրջանակներում  նախատեսվում է վարչական գրանցամատյանների ներդրում, Հայաստան այցելած օտարերկրյա քաղաքացիների այցելությունների նպատակի վերաբերյալ ավելի հստակ տեղեկութոյւններ ստանալու համար:

 

Ըստ ՀՀ Զբոսաշրջության պետական ​​կոմիտեի տվյալների, միջազգային զբոսաշրջային ժամանումների թիվը Հայաստան 2017-ի առաջին եռամսյակում աճել է 18.2%, մինչև 599.3 հազար, ինչը հիմնականում պայմանավորված էր իրանցի և ռուսաստանցի զբոսաշրջիկների, համապատասխանաբար`17.7% և 7,5% աճով: