Արմինֆո.Հայաստանի մտադիր է Մետաքսե ճանապարհի շրջանակներում զարգացնել գինու զբոսաշրջությունը: Հուլիսի 19-ին կայացած մամուլի ասուլիսում այս մասին հայտարարել է ՀՀ տնտեսական զարգացման և ներդրումների նախարարության Զբոսաշրջության պետական կոմիտեի պետի տեղակալ Մեխակ Ապրեսյանը, նշելով, որ այդ նախաձեռնոթյամբ Հայաստանը հանդես է եկել ՄԱԿ-ի Տուրիզմի համաշխարհային կազմակերպության հերթական միջոցառման ընթացքում:
Նրա խոսքով, առաջարկին հավանություն են տվել մի շարք մասնակիցներ, հետաքրքրություն արտահայտելով նախաձեռնության նկատմամբ, որոնց շարքում են նաև Սևծովյան տնտեսական համագործակցության և Մետաքսե ճանապարհի մասնակից-երկրներ:
Ապրեսյանը նշել է, որ Հայաստանը տուրիստական պրոդուկտները կձևավորի ու կզարգացնի ՄԱԿ-ի Տուրիզմի համաշխարհային կազմակերպության հետ համատեղ, բայց նախաձեռնութոյւնների առաջխաղացումն ամբողջովին ընկնում է Հայաստանի ուսերին:
Ներկայումս, նրա խոսքով, բանակցություններ են ընթանում Սմիթսոնի ինստիտուտի ներկայացւոցիչների հետ, «Իմ Հայաստան» ծրագրի շրջանակներում, հայեցակարգի զարգացման առումով:
Սակայն, ԱրմԻՆֆո գործակալության տնտեսական փորձագետների կարծիքով, Հայաստանի համար գինու զբոսաշրջության զարգացման հայեցակարգը նման է, օրինակ, ծովային ուսումնարանի բացման գաղափարին (չունենալով ծով), որից ակնհայտ գավառականության հետ է գալիս, որն աչքի է ընկնում նեղ աշխարհայացքով և էրուդիցիայի պակասով, ինչն սպառնում է երկրի միջազգային իմիջին, դարձնելով նրան ծիծաղի առարկա: Ըստ դիտորդների, արդեն ժամանակն է, որպեսզի Հայաստանի զբոսաշրջային գերատեսչությունը մշակի իր սեփական մարկետինգային հարթակը, այլ ոչ թե զբաղվի բացահայտ և անգրագետ բանագողությամբ: Նույն մոտեցման հետևանքով է կաղում նաև Հայաստանը կրոնական տուրիզմի համաշխարհային կենտրոնի վերածելու գաղափարը: Ոչ թե նրա համար, որ Հայաստանում քիչ են հնագույն վանքերն ու եկեղեցիները, այլ նրա, որ երկրում, ըստ էության, չկան կրոնական ուխտագնացության համաշխարհային կենտրոններ:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |