Արմինֆո. Եվրասիական տնտեսական միության երկրները մտադիր են մինչև տարեվերջ համաձայնեցնել միավորման թվանշանային զարգացման ռազմավարությունը: Օգոստոսի 14-ին այդ մասին հաղորդել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը` Աստանայում Եվրասիական միջկառավարական խորհրդի նիստի արդյունքների ամփոփմանը նվիրված մամուլի ասուլիսում:
Ըստ ՏԱՍՍ-ի` նա նշել է, որ այսօրվա օրակարգի թիվ մեկ թեման թվանշանային փոխակերպումն է: «Մենք պայմանավորվեցինք, որ անհրաժեշտ է վարել համաձայնեցված թվանշանային քաղաքականություն, հատկապես, տնտեսական գործունեության այն ոլորտներում, որոնց լիազորությունները հանձնվել են վերազգային մարմնին», - նշել է Սարգսյանը:
Նրա ասելով, ԵԱՏՄ երկրները մշակում են ռազմավարություն, որը ներառում է հետևյալ ուղղությունները. ընդհանուր շուկաների թվայնացում, ենթակառուցվածքին, կառավարման համակարգերին և անվտանգության հարցերին առնչվող թվայնացում: «Նման նախաձեռնությունների ցանկը` շուրջ 10 նախագիծ, մենք ներկայացրել ենք մեր գործընկերների քննարկմանը և նրանցից ակնկալում ենք առաջարկություններ և դիտողություններ», - պարզաբանել է ԵՏՀ կոլեգիայի նախագահը: Նա հստակեցրել է, որ դրանից հետո թվանշանային զարգացման ռազմավարությունը կներկայացվի աշխատանքային խմբի հաստատմանը, որն ստեղծվել է ԵԱՏՄ երկրների նախագահների հանձնարարությամբ: «Մենք պետք է հասցնենք միջկառավարական խորհրդի հաջորդ նիստին ներկայացնել լրամշակված նախագիծը, հաշվի առնելով կողմերի դիտողությունները, որպեսզի տարեվերջին կարողանանք փաստաթուղթը ներկայացնել արդեն պետությունների ղեկավարների քննարկմանը», - ընդգծել է Տիգրան Սարգսյանը:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |