Փորձագետ. Հայկական գինու արտահանման ներուժը տարեկան 10 մլն շիշ է

Արմինֆո. Հայկական գինու արտահանման տարեկան ներուժը կատարյալ պայմաններում, խաղողի կայուն արտադրության ապահովման դեպքում կազմում է 10 մլն շիշ: Օգոստոսի 18-ին մամուլի ասուլիսում այդ մասին հաղորդել է Հայաստանի գինու ազգային կենտրոնի նախագահ Ավագ Հարությունյանը:

Նման միտումի պահպանման դեպքում, փորձագետի ասելով, Հայաստանը կարող է կրկնապատկել  ռուսական շուկա հայկական գինու արտահանման ծավալները` 2 մլն շշից մինչև 4-5 մլն: Այդ առնչությամբ նա նշել է, որ 2016 թվականի արդյունքներով արտադրության ընդհանուր ծավալի 81%-ը ներկայացված է հենց ռուսական շուկայում: Ռուսաստանը, փորձագետի ասելով, հայկական գինու հիմնական սպառողն է: Սակայն այդ ժամանակաընթացքում ռուբլին երկու անգամ արժերզկվել է, ինչի առնչությամբ գները 20% տոկոսով բարձրացել են, դրա հետ միասին ցուցանիշների վրա անդրադարձել է բարդ սոցիալ-տնտեսական իրավիճակը: «Եթե Ռուսաստանի նկատմամբ պատժամիջոցները չերկարաձգվեն, մեզ կհաջողվի ավելացնել իրացման ծավալները արժեքային արտահայտությամբ», -  նշել է նա:

Ընդ որում, Ա.Հարությունյանն ընդգծել է, որ առաջին կիսամյակի արդյունքներով Հայաստանը 30%-ով ավելացրել է արտադրությունը: Իսկ նախաճգնաժամային շրջանի համեմատ ծավալներն ավլացրել է 1,5 անգամ: ՀՀ ազգային վիճակագրական ծառայության տվյալներով, 2017 թվականի առաջին կիսամյակում Հայաստանը գինու արտադրության ծավալներն ավելացրել է 29,8%-ով` մինչև 3.8 մլն լիտր:

ՀՀ մաքսային ծառայության հաշվետվության համաձայն, 2016 թվականին Հայաստանն արտահանել է 1.8 մլն լիտր գինի, տարեկան 27,7% աճով, մաքսային արժեքի 43,6%-ով կամ մինչև 5.9 մլն դոլար աճի դեպքում: